L
Lena Ahmed
:: مسافر ::
هاتكلم عن تجربتي مع AIESEC.
من اول ما وصلت على المطار لغاية ما اتعملي pickup كنت حاسة برعب.
وصلت وبدات اتعرف على الناس كلها.. جنسيات كتير.. English accents مختلفة.. كان فيه صعوبة اننا نتكلم او نفهم بعض كلنا.. بعد كده بدانا نتكلم اكتر ونتعرف على بعض وساعات كنا بنتكلم في حوارات عن حياتنا بتفاصيلها.
مع الوقت بقينا صحاب قريبين جدا وبعدين الصحاب دول بقوا عيلة!
انا سافرت الصين.. الصين بلد كبيرة جدا.. في كل شارع بنروحه بنلاقي بحيرة وجنينة وجبال خضراء كتير. كمان البلد نظيفة جدا واكلها كويس، فنتوصل من كده ان الصين حلوة فعلا
نيجي للمشروع بتاعنا هناك اللي هو تعليم
انا اصلا بادرس هندسة وعمري ما تخيلت اني اعرف اعلم حد وكمان مع حاجز اللغة اللي بينا..
بس فرحتي لما وقفت في الفصل ولقيت الاطفال بتسمع شرحي.. مجرد ما بادخل الفصل ويجروا علية ويحضنوني.. لما في البريك ييجوا يقعدوا على حجري ويلعبوا في شعري.. لما بنت صغنونة تعملي نجوم مكتوب فيها بالصيني.. لما ولد صغير ييجي يهزر معايا ويضحكني..
كمية emotions ممكن اقعد اتكلم عليها لسنة قدام
كل ده ما يجيش اي حاجة جنب اليوم اللي كنا ماشيين فيه بعد ال talent show.. ما كنتش مصدقة اللي بيحصل، كمية اطفال قدامي بيعيطوا ! حتى اشقى ولاد في الفصل لما اشوفهم مش عارفين يبطلوا عياط ! في اللحظة دي انا ماكنتش عايزة ارجع.. كل اللي فكرت فيه انه قد كده انا اثرت فيهم واثروا فيه في شهر ونصف ؟!
بعد ما ودعنا الاطفال ودعنا بعض وده كان اصعب واصعب.. فكرة انه الناس اللي قضيت معاها احلى ايام حياتي وعملنا حاجات كتير جدا حلوة وممكن ما اشوفهمش تاني خالص !
كلنا اتاثرنا بطرق مختلفة .. بس الاكيد ان كلنا كنا زعلانين جدا اننا ماشيين..
الرحلة دي غيرتلي حياتي فعلا زي ما بيقولوا "life changing experience" ابسط حاجات ان بقى عندي 21 صاحب وصاحبة من جنسيات تانية واغليهم على اتصال بيا دايما.. سافرت وانا في الجامعة ولوحدي واهلي وافقوا علشان مع AIESEC
غيرت وجهة نظري في حاجات كتير قوي لما اتعاملت مع ناس مختلفين عني جدا في الدين والثقافة والعادات وكل حاجة
لما رجعت قررت اكون عضو في AIESEC علشان اقدر اخلي الناس تعيش نفس التجربة واكون سبب في اني اغير حياتهم..
من اول ما وصلت على المطار لغاية ما اتعملي pickup كنت حاسة برعب.
وصلت وبدات اتعرف على الناس كلها.. جنسيات كتير.. English accents مختلفة.. كان فيه صعوبة اننا نتكلم او نفهم بعض كلنا.. بعد كده بدانا نتكلم اكتر ونتعرف على بعض وساعات كنا بنتكلم في حوارات عن حياتنا بتفاصيلها.
مع الوقت بقينا صحاب قريبين جدا وبعدين الصحاب دول بقوا عيلة!
انا سافرت الصين.. الصين بلد كبيرة جدا.. في كل شارع بنروحه بنلاقي بحيرة وجنينة وجبال خضراء كتير. كمان البلد نظيفة جدا واكلها كويس، فنتوصل من كده ان الصين حلوة فعلا
نيجي للمشروع بتاعنا هناك اللي هو تعليم
انا اصلا بادرس هندسة وعمري ما تخيلت اني اعرف اعلم حد وكمان مع حاجز اللغة اللي بينا..
بس فرحتي لما وقفت في الفصل ولقيت الاطفال بتسمع شرحي.. مجرد ما بادخل الفصل ويجروا علية ويحضنوني.. لما في البريك ييجوا يقعدوا على حجري ويلعبوا في شعري.. لما بنت صغنونة تعملي نجوم مكتوب فيها بالصيني.. لما ولد صغير ييجي يهزر معايا ويضحكني..
كمية emotions ممكن اقعد اتكلم عليها لسنة قدام
كل ده ما يجيش اي حاجة جنب اليوم اللي كنا ماشيين فيه بعد ال talent show.. ما كنتش مصدقة اللي بيحصل، كمية اطفال قدامي بيعيطوا ! حتى اشقى ولاد في الفصل لما اشوفهم مش عارفين يبطلوا عياط ! في اللحظة دي انا ماكنتش عايزة ارجع.. كل اللي فكرت فيه انه قد كده انا اثرت فيهم واثروا فيه في شهر ونصف ؟!
بعد ما ودعنا الاطفال ودعنا بعض وده كان اصعب واصعب.. فكرة انه الناس اللي قضيت معاها احلى ايام حياتي وعملنا حاجات كتير جدا حلوة وممكن ما اشوفهمش تاني خالص !
كلنا اتاثرنا بطرق مختلفة .. بس الاكيد ان كلنا كنا زعلانين جدا اننا ماشيين..
الرحلة دي غيرتلي حياتي فعلا زي ما بيقولوا "life changing experience" ابسط حاجات ان بقى عندي 21 صاحب وصاحبة من جنسيات تانية واغليهم على اتصال بيا دايما.. سافرت وانا في الجامعة ولوحدي واهلي وافقوا علشان مع AIESEC
غيرت وجهة نظري في حاجات كتير قوي لما اتعاملت مع ناس مختلفين عني جدا في الدين والثقافة والعادات وكل حاجة
لما رجعت قررت اكون عضو في AIESEC علشان اقدر اخلي الناس تعيش نفس التجربة واكون سبب في اني اغير حياتهم..
