L
Live Horya
:: مسافر ::
دة تقرير لرحلتى انا وزوجى لبيرو بأمريكا الجنوبية
الرحلة كانت غريبة شوية بالنسبالى هاحاول منساش حاجة من التفاصيل المهمة .
بالنسبة للتأشيرة اعتقد سهلة ، المطلوب: كشف حساب بنك اخر ٦ شهور
فيش وتشبيه موجه لسفارة بيرو
خطاب من جهة العمل ،او أصل السجل التجارى والبطاقة الضريبية
حجز طيران وحجز فندق
جميع الاوراق يتم ترجمتها باللغة الانجليزية او الاسبانية.
وطبعا application
بعت ميل الاول للسفارة انى عايزة ازور بيرو ردو عليا بالاوراق المطلوبة وإنى اعمل للورق كله اصل والمترجم Scanning
وبلغونى إنهم هايردو عليا بميل لتحديدInterview لو الورق مقبول
وتم تحديد ميعاد بعد تقديم الورق ب٣ ايام
المقابلة كانت جيدة جدا كانت مباشرة مع القنصل فى البداية وبعد كدة فى مترجمة كملت لان السفير مش بيتكلم English كويس سألنى اسئلة معتادة ليه اخترتى بيرو ؟ واجابتى كانت انى بحب الطبيعة
وانى حابة اعمل مغامرة مختلفة ، سألنى ايه الاماكن اللى هاروحها هناك ؟ وطبعا كنت مذاكرة كويس وجوبته ، سألنى عندى اطفال ؟ قولتله ايوه ، سأل ليه مش اخداهم معك ؟ جوبته لان الرحلة طويلة وشاقة ومش هاتكون مناسبة لسنهم ،طبعا سأل عن تواريخ الطيران واسامى الفنادق
ورقى كان مظبوط انا وزوجى وكنا مذاكرين كويس كان معانا ٣ كشوفات بنكية فيهم واحد دولار كان فى رصيد كويس فيهم كلهم وحركات سحب وإيداع الموضوع بالنسبالنا مكانش فسحة لاء احنا صفينا شغلنا هنا فى مصر وكنا مقررين اننا مش هانرجع نقيم هنا تانى ......
تكت الطيران كان Offer price من القطرية الفرد 16000وطبعا كنا متابعين اسعارها من شهرين واكتر ودة اقل سعر وترانزيت مش اوربا ولا امريكا الترانزيت كان الدوحة وساو باولو
الرحلة كانت حلوة فى الذهاب القطرية طيران محترم جدا الاكل مناسب والخدمة رائعة ولما وصلنا الدوحة اتفاجئت ان فى فندق Free لان الترانزيت ٨ ساعات
من ساو باولو الى ليما طيران latam
طبعا تكت واحد كله وبتعمل check out فى ليما
اكبر غلطة عملناها اننا استرخصنا فى حجز الفندق للاسف للاسف
وصلنا مطار ليما الساعة ١٢ بالليل اول ماخرجنا من المطار شميت ريحة مش طبيعية ريحت غاز على زفارة كدة اخدنا تاكسى للفندق لف بينا تقريبا ساعة ونص واحنا كنا بنام ومش فى وعينا بالمرة كنت بفتح تخاطيف كدة سألتو ليه الطريق طويل انا عارفة ان الفندق قريب من المطار فضل يبرطم كتير بالاسبانى ومفهمتهوش بدأت اشوف ناس شكلهم غريب ومريب ستات ورجالة شبه عصابات الافلام الانجلش بتوع المكسيك ، المهم وصلنا ونزل جوزى يتأكد ان دة الفندق وانا بدأت انزل الشنط والسواق بينزلهملى حركة غريبة حصلت ناس بدأت تتحرك نحيتى واتنين على موتسييكل وجرو علينا وشدو شنطة من الشنط وجرو بقيت أصوت جوزى بيجرى على صوتى وطبعا فهم وجاى يجرى وراهم راح سواق التاكسى ماسكو وقالو لاء لاء وبقى يزعق ويقول لجوزى معاهم مسدس هايقتلوك اوعى تجرى وراه وقال ان دى منطقة عصابات عرفت بعد كدة ان المنطقة دى اسمها (كاياو) جوزى ركبنا التاكسى وقالو امشي بينا من هنا وخدنا اى فندق محترم واتحركنا ،وهنا كانت الصدمة ليا انا وجوزى لان الشنطة اللى اتسرقت كان فيها المبلغ الاكبر اللى المفروض كنا هانفتح بيه مطعم صغير او اى مشروع نبدأ بيه.....................
.
كلنا كمصريين بنمر بأزمة حقيقية فى بلدنا من اضطهاد فكرى لحياه معيشية صعبة لعدم احساس بالامان ودة اللى بيخلينا عايزين نهرب من الواقع اللى احنا فيه ونتشبث بأى فرصة تجيلنا للخروج من هنا بس بصراحة السفرية دى غيرت شوية مفاهيم عندى ،وعلى فكرة دى أول سفرية ليا وبجد انا قابلت مواقف كتير من خلال شغلى انا وزوجى تخلينا بجد مش عايزين نعيش فى مصر اصلا بس اللى تعلمته ان المفروض اننا ندرس كل خطوة صح قبل ماتنفزها ومتعتمدش على اغراءات المعلومات اللى بتقراها بس لاء لازم تتواصل مع شخص او اكترعايش بالمكان ووارد جدا انكو متتفقوش على ان المكان مناسب او لاء ودة لاختلاف احتياجاتكم وفكركم .
وصلنا فندق 3نجوم وكان فى وش المطار ،بعد السرقة اللى حصلت فكرنا نرجع مصر على اول طيارة بس فكرنا اننا نحاول ندور على شغل ونتأقلم على الوضع الجديد ، كلمت السفارة المصرية وحكيتلهم اللى حصل وطبعا طبعا سعدونا ........
شافولى فندق كويس ب 50$ لليلةبمنطقة Miraflores ودى زى اسكندرية كدة منطقة سياحية جدا وأسعارها غالية التعامل فيها بالدولار وبالسول البيروفى
1$=3,25sol
نزلنا فى الفندق دة اسبوع والسفارة مشكورة وصلتنا بشخص مصري المصرى دة بيشتغل كل حاجة يعنى فى مطعم الصبح وبعد الظهر وبليل طبال .
المنطقة دى كلها شغالة ع السياحة يعنى الشوراع زحمة وكل اللى فيها اجانب صالات القمار والبارات منتشرة بطريقة مرعبة، الجو حر جدا هناك دلوقتى ، الناس هناك بتاكل 5مرات اواكتر ،المطاعم شغالة حلو أوى وكمان الشاورما منتشرة هناك محلات البرجر والبيتزا والفراخ منتشرة ،اكل البلد الاصلى مايتاكلش يع بجد اكلهم كله خنزير ومش حلال مفيش غير السى فود اللى تحفة بس غالى طبعا ،ريحة السكان الاصليين مستفزة يعنى لما يتكلم تبقا عايز تموت الاجانب ملطفين الريحة انا فضلت ٥ ايام ماشية بالليمونة بشمها وأكلها، الفاكهة هناك روعة .
ساعدنا الشاب المصرى ندور على شغل كل الشغل المتاح كان فاشل لجوزى بودى جارد على صالة قمار او على بار او حارس لرقاصة ،بس الحمد لله اننا عندنا مبدأ الحرام لاء .
اتعرفنا على مصريين وعرب وضعهم محزن بجد اقل واحد عندو عربية Bmw احدث موديل بس لما تبصله تلاقيه مكسور لان المدام البيراوية هى اللى جيباهاله وهى اللى بتصرف عليه .
اغلب الشباب بيلجأو للجواز عشان ياخد الجنسية بعد سنتين اللى بتخليه يروح أوربا من غير تأشيرة لاكن بعد السنتين دول بيكون مات واتعود ياخد مصروفه وعايش وبيشرب وبينسى وبيبعت قرشين لاهله او مراته اللى راميها فى بلده وكل اللى شفتهم هناك بقالهم اكتر من ٧ سنين مازاروش بلدهم.
والطريقة التانية انك تجيب عقد عمل ودى صعبة جدا لان الاولوية للسكان الاصليين . والطريقة التالتة ودى الافضل انك تفتح مشروع ودة بيبدأ من ٥٠٠٠$ الى ٢٧٠٠٠& .
هانزل باقى الرحلة فى بوست أخر بالصور...........................
الرحلة كانت غريبة شوية بالنسبالى هاحاول منساش حاجة من التفاصيل المهمة .
بالنسبة للتأشيرة اعتقد سهلة ، المطلوب: كشف حساب بنك اخر ٦ شهور
فيش وتشبيه موجه لسفارة بيرو
خطاب من جهة العمل ،او أصل السجل التجارى والبطاقة الضريبية
حجز طيران وحجز فندق
جميع الاوراق يتم ترجمتها باللغة الانجليزية او الاسبانية.
وطبعا application
بعت ميل الاول للسفارة انى عايزة ازور بيرو ردو عليا بالاوراق المطلوبة وإنى اعمل للورق كله اصل والمترجم Scanning
وبلغونى إنهم هايردو عليا بميل لتحديدInterview لو الورق مقبول
وتم تحديد ميعاد بعد تقديم الورق ب٣ ايام
المقابلة كانت جيدة جدا كانت مباشرة مع القنصل فى البداية وبعد كدة فى مترجمة كملت لان السفير مش بيتكلم English كويس سألنى اسئلة معتادة ليه اخترتى بيرو ؟ واجابتى كانت انى بحب الطبيعة
وانى حابة اعمل مغامرة مختلفة ، سألنى ايه الاماكن اللى هاروحها هناك ؟ وطبعا كنت مذاكرة كويس وجوبته ، سألنى عندى اطفال ؟ قولتله ايوه ، سأل ليه مش اخداهم معك ؟ جوبته لان الرحلة طويلة وشاقة ومش هاتكون مناسبة لسنهم ،طبعا سأل عن تواريخ الطيران واسامى الفنادق
ورقى كان مظبوط انا وزوجى وكنا مذاكرين كويس كان معانا ٣ كشوفات بنكية فيهم واحد دولار كان فى رصيد كويس فيهم كلهم وحركات سحب وإيداع الموضوع بالنسبالنا مكانش فسحة لاء احنا صفينا شغلنا هنا فى مصر وكنا مقررين اننا مش هانرجع نقيم هنا تانى ......
تكت الطيران كان Offer price من القطرية الفرد 16000وطبعا كنا متابعين اسعارها من شهرين واكتر ودة اقل سعر وترانزيت مش اوربا ولا امريكا الترانزيت كان الدوحة وساو باولو
الرحلة كانت حلوة فى الذهاب القطرية طيران محترم جدا الاكل مناسب والخدمة رائعة ولما وصلنا الدوحة اتفاجئت ان فى فندق Free لان الترانزيت ٨ ساعات
من ساو باولو الى ليما طيران latam
طبعا تكت واحد كله وبتعمل check out فى ليما
اكبر غلطة عملناها اننا استرخصنا فى حجز الفندق للاسف للاسف
وصلنا مطار ليما الساعة ١٢ بالليل اول ماخرجنا من المطار شميت ريحة مش طبيعية ريحت غاز على زفارة كدة اخدنا تاكسى للفندق لف بينا تقريبا ساعة ونص واحنا كنا بنام ومش فى وعينا بالمرة كنت بفتح تخاطيف كدة سألتو ليه الطريق طويل انا عارفة ان الفندق قريب من المطار فضل يبرطم كتير بالاسبانى ومفهمتهوش بدأت اشوف ناس شكلهم غريب ومريب ستات ورجالة شبه عصابات الافلام الانجلش بتوع المكسيك ، المهم وصلنا ونزل جوزى يتأكد ان دة الفندق وانا بدأت انزل الشنط والسواق بينزلهملى حركة غريبة حصلت ناس بدأت تتحرك نحيتى واتنين على موتسييكل وجرو علينا وشدو شنطة من الشنط وجرو بقيت أصوت جوزى بيجرى على صوتى وطبعا فهم وجاى يجرى وراهم راح سواق التاكسى ماسكو وقالو لاء لاء وبقى يزعق ويقول لجوزى معاهم مسدس هايقتلوك اوعى تجرى وراه وقال ان دى منطقة عصابات عرفت بعد كدة ان المنطقة دى اسمها (كاياو) جوزى ركبنا التاكسى وقالو امشي بينا من هنا وخدنا اى فندق محترم واتحركنا ،وهنا كانت الصدمة ليا انا وجوزى لان الشنطة اللى اتسرقت كان فيها المبلغ الاكبر اللى المفروض كنا هانفتح بيه مطعم صغير او اى مشروع نبدأ بيه.....................
.
كلنا كمصريين بنمر بأزمة حقيقية فى بلدنا من اضطهاد فكرى لحياه معيشية صعبة لعدم احساس بالامان ودة اللى بيخلينا عايزين نهرب من الواقع اللى احنا فيه ونتشبث بأى فرصة تجيلنا للخروج من هنا بس بصراحة السفرية دى غيرت شوية مفاهيم عندى ،وعلى فكرة دى أول سفرية ليا وبجد انا قابلت مواقف كتير من خلال شغلى انا وزوجى تخلينا بجد مش عايزين نعيش فى مصر اصلا بس اللى تعلمته ان المفروض اننا ندرس كل خطوة صح قبل ماتنفزها ومتعتمدش على اغراءات المعلومات اللى بتقراها بس لاء لازم تتواصل مع شخص او اكترعايش بالمكان ووارد جدا انكو متتفقوش على ان المكان مناسب او لاء ودة لاختلاف احتياجاتكم وفكركم .
وصلنا فندق 3نجوم وكان فى وش المطار ،بعد السرقة اللى حصلت فكرنا نرجع مصر على اول طيارة بس فكرنا اننا نحاول ندور على شغل ونتأقلم على الوضع الجديد ، كلمت السفارة المصرية وحكيتلهم اللى حصل وطبعا طبعا سعدونا ........
شافولى فندق كويس ب 50$ لليلةبمنطقة Miraflores ودى زى اسكندرية كدة منطقة سياحية جدا وأسعارها غالية التعامل فيها بالدولار وبالسول البيروفى
1$=3,25sol
نزلنا فى الفندق دة اسبوع والسفارة مشكورة وصلتنا بشخص مصري المصرى دة بيشتغل كل حاجة يعنى فى مطعم الصبح وبعد الظهر وبليل طبال .
المنطقة دى كلها شغالة ع السياحة يعنى الشوراع زحمة وكل اللى فيها اجانب صالات القمار والبارات منتشرة بطريقة مرعبة، الجو حر جدا هناك دلوقتى ، الناس هناك بتاكل 5مرات اواكتر ،المطاعم شغالة حلو أوى وكمان الشاورما منتشرة هناك محلات البرجر والبيتزا والفراخ منتشرة ،اكل البلد الاصلى مايتاكلش يع بجد اكلهم كله خنزير ومش حلال مفيش غير السى فود اللى تحفة بس غالى طبعا ،ريحة السكان الاصليين مستفزة يعنى لما يتكلم تبقا عايز تموت الاجانب ملطفين الريحة انا فضلت ٥ ايام ماشية بالليمونة بشمها وأكلها، الفاكهة هناك روعة .
ساعدنا الشاب المصرى ندور على شغل كل الشغل المتاح كان فاشل لجوزى بودى جارد على صالة قمار او على بار او حارس لرقاصة ،بس الحمد لله اننا عندنا مبدأ الحرام لاء .
اتعرفنا على مصريين وعرب وضعهم محزن بجد اقل واحد عندو عربية Bmw احدث موديل بس لما تبصله تلاقيه مكسور لان المدام البيراوية هى اللى جيباهاله وهى اللى بتصرف عليه .
اغلب الشباب بيلجأو للجواز عشان ياخد الجنسية بعد سنتين اللى بتخليه يروح أوربا من غير تأشيرة لاكن بعد السنتين دول بيكون مات واتعود ياخد مصروفه وعايش وبيشرب وبينسى وبيبعت قرشين لاهله او مراته اللى راميها فى بلده وكل اللى شفتهم هناك بقالهم اكتر من ٧ سنين مازاروش بلدهم.
والطريقة التانية انك تجيب عقد عمل ودى صعبة جدا لان الاولوية للسكان الاصليين . والطريقة التالتة ودى الافضل انك تفتح مشروع ودة بيبدأ من ٥٠٠٠$ الى ٢٧٠٠٠& .
هانزل باقى الرحلة فى بوست أخر بالصور...........................