السلام عليكم عايز انقلكم تجربتي في السفر لاوروبا. مابقولش اني بسافر كتير بس...

  • بادئ الموضوع بادئ الموضوع Mahmoud Muhammad Kenawy
  • تاريخ البدء تاريخ البدء
M

Mahmoud Muhammad Kenawy

:: مسافر ::
السلام عليكم عايز انقلكم تجربتي في السفر لاوروبا. مابقولش اني بسافر كتير بس لاحظت حاجات تستاهل اني اقولها. انا قضيت 15 يوم في باريس و 5 في بروكسل.
1- مفيش عنصرية دينية او عرقية خالص ماتقلقوش
2- ماتكسفش انك مصري. مصر سمعتها كويسة جدا وسط الشعوب مالناش دعوي بالحكومات.
3- نزل خريطة البلد اللي انت رايحها offline علي Google maps.
4- حاول تحجز اي مكان عايز تدخله online من مصر عشان ماتقفش في طوابير طويلة.
5- خد معاك صور شخصية عشان اول ماتنزل المطار تعمل اشتراك المواصلات. كمان خد خريطة الماصلات.
6- ماتزعلش انك نازل في مكان بعيد عشان المواصلات حتوديك مكان ما انت عايز في الوقت اللي انت عايزه.
7- حاول تمشي كتير علي رجلك و لو مش عايز اركب الاتوبيس او الترام عشان تتفرج علي جمال البلد و جمال الالتزام بالقانون.
8- الشحاتين كتير عايز تديهم ماشي و لو مش عايز ماحدش حيجري وراك.
9- المزارات السياحية خاصة ايام الweekend فيها جمعيات خيرية كتير. لو اديت حد بينادوا بعض. خد بالك.
10- ماتحطش حاجة خالص في الجيوب الخلفية للبنطلون. فلوسك و موبايلك و الحاجة المهمة في الجيوب الامامية او في الجاكت و يبقي مقفول.
11- دايما معاك شنطة backpack. منها تمويه و منها تحط فيها الميه و الاكل و اي اوراق مش مهمة.
12- لو حتعمل shopping خد معاك شنطة carry-on عشان تحط فيها مشترياتك عشان بعض المحلات بتبيع الاكياس. مش ناقصة مصاريف تانية. و كمان تبقي عينك علي شنطة واحدة عشان النشالين موجودين في المترو و بيحذروا منهم باستمرار.
13- اسال في المحلات عن الحد الادني لل tax refund لان كل دولة ليها الحد الادني بتاعها. ماتشتريش من اول محل شوف كله و قارن الاسعار و حاول تجمع كل حاجة من محلين او تلاتة عشان تستفيد من ال tax refund. طبعا يبقي معاك جواز السفر او صورته.
14- لو اشتريت حاجة من بلد و رايح بلد تانية في الاتحاد الأوروبي ماتقلقش حتسترجع الtax من مطار الخروج.
15- لو عايز تركب تاكسي ماتطلبش من الفندق. دور انت علي مواقف التاكسي و اسال و قارن مع upper.
و اخيرا اسف علي التطويل و اتمني ان الكل يجرب السفر عشان فعلا تجربة مفيدة.
 
أعلى