صباح الخير، انا معنديش اي خبرة في السفر بره مصر وبفكر اسافر لوحدي في اجازة...

  • بادئ الموضوع بادئ الموضوع Hagar Elsayed
  • تاريخ البدء تاريخ البدء
عرض العطلة
H

Hagar Elsayed

:: مسافر ::
#1
صباح الخير،
انا معنديش اي خبرة في السفر بره مصر وبفكر اسافر لوحدي في اجازة شم النسيم فعندي شوية اسئلة لو تكرمتوا وافادتوني بيها :)
١- هل هو خطر فعلا اسافر لوحدي اول مرة؟ مش ممكن اتعرض لحالات سرقة/نصب/حالات مرضية او اي شئ ومحدش يعرف يوصلني بأهلي مثلا؟
٢- لو قدمت ع فيزا جورجيا باعتبار انها اسهل فيزا بتطلع في ٥ ايام، هل مفروض احجز تذاكر الطيران باعتبار أن نسبه الرفض فيها قليلة *معرفش هتفرق ولا لا بس انا خدت الشنجن قبل كدة* ولا استنى لحد ماتجيلي اضمن بس وقتها تذاكر الطيران والفندق هيكونوا غليوا؟ وهل في طيران free cancellation زي الفنادق؟
٣- انا سافرت جوه مصر كتير بس بردو مش لوحدي، مع شركات سياحة. بس دايما كان بيجيلي احساس اني اقدر انظم ده كله لوحدي وهيطلع احسن اكتر من كدة وهنبسط اكتر، هل بردو الاحسن اول مرة اسافر مع شركة سياحة بعدين انطلق ولا اجازف واخوض التجربة؟ ولو كدة مين شركات سياحة تكون متجربة اسعارهم معقولة ومنظمين؟
 
#2
طلما عارفه هتعملى ايه وهتروحى فيين يبقى أتكلى على الله
بس قبل ما تسافرى خشى على النت وجمعى معلومات عن البلد والمواصلات والعمله وحاله الجو وأماكن السياحية
 
#3
مفيش اي خوف من اي حاجة. طالما في تخطيط مناسب والفلوس متوفرة يبقى توكلي على الله وانطلقي. بس طبعا بعد ما تحددي الوجهة قوليلنا في الجروب عشان نشاركك بخبرتنا في المكان ونوفر عليكي مواقف كتير انتي في غنى عنها. بالتوفيق ان شاء الله ورحلة سعيدة باذن الله. شدي حيلك وتعالي دبي وليكي عندي tour محصلتش :)
 
#5
Traveling alone is a pleasure and amazing opportunity u will not forget in ur whole life
Regarding safety let me tell you l bnt l te3esh f masr te2dar t3esh f ay heta no place worse than here
 
عرض العطلة
#8
بس نحب نشدد أن في فرق كبير بين السفر لوحدك وانتي عارفة ومخططة والسفر لوحدك وناوية تستكشفي هناك
 
عرض العطلة
#11
هو ع فكره مينفعش تسافرى لوحدك اكثر من يوم وليله وان كان لا بد فبمحرم
ياريت تحطوا القواعد الدينيه ف الحسبان شويه زى ما بتهتموا بقواعد وشروط البلدان اللى بتسافروا ليها
 
#12
بصى مش هقلك انه لا يجوز شرعا
بس انا جربت السفر كتير والحمد لله ومن خبرتى احب اقلك نصيحه كبنت ما تسفريش لوحدك
وربنا مبفرضش حاجه غير وفعلا ليها سبب
 
#13
ولا هيحصلك اى حاجه سافري ولفي براحتك السفر رائع ومتشغليش بالك ب اليقولك هتتبهدلي بلاش كل ده كلام فاشل
 
عرض العطلة
#16
احسن بدون شركة سياحة شوفى انتى رايحة اى بلد اقرى عنها كويس و ادخلى الجروب سيرش عليها هتلاقى مقالات الناس اتكلمت عنها وهتلاقى الاماكن و الأسعار و كل حاجة السفر ابسط مما تتخيلى
 
#17
فيه حل وسط بين انك تجازفى لوحدك وبين انك تطلعى مع شركة سياحة ... تطلعى مع مجموعة من الجروب هنا ... فيه ناس بتلم بعضها وتسافر جورجيا او تركيا او ماليزيا وتايلاند ... الخ
 
#19
رأي متحجزيش التذكرة الا بعد التاشيرة طبعاااا
ممكن تسافري مع اَي حد بترتاحيلو أحسن ما تكوني لوحدك ولكن لو مش عايزه حد معاكي خزي احتياطي رقم شركه سياحه هناك أو لو عرفتي تتعرفي علي حد لو لا قدر الله احتاجتي حاجه ترجعيله
أو حتي تخلي شركه أو حد من أقاربك يتابع اخبارك من مصر ويقدر يتصرف مع اَي شركه سياحه في مصر
 
عرض العطلة
عرض العطلة
أعلى أسفل
عودة
قائمة