K
Karim Magdy
:: مسافر ::
الساحل الشمالي و اسكندرية بس على جميل و نضيف قوي و ممكن ابيزا بس بشكل مختلف ..
في رايي هي دة قبرص اللي لفتها كلها في اسبوع..
رحلتي بدات يوم الجمعة 15 يوليو 2016 و انتهت برده الجمعة بس 22 يوليو 2016
قراري اني اروح قبرص جه متاخر شوية وكان بديل لرحلة تانية " مش فاكر دلوقتي فين"
بس بعد ما زرتها بقت في قائمتي لافضل الدول التي زرتها.
الطيران :
تذكرة الطيران لقبرص افضل اسعار ليها عن طريق خطوط الطيران اللبنانية Middle East AirLines ME أو مصر للطيران Egypt Air وهتبقا في حدود 3500 او 4 - لازم اوضح تاني اني جبتها قبل السفر بوقت قصير و ده اللي خلاها توصل للسعر ده -
الفيزا :
قبرص دولة ضمن الاتحاد الاوروبي لكن لا يطبق عليها نظام الشنجن ،يعني لو معاك فيزا شنجن سارية تدخل قبرص ادي لكن لو معاك فيزا قبرص لا يسمح لك بدخول سائر دول الاتحاد الاوروبي.
اجراءات الفيزا :
تحدد ميعاد عن طريق الموقع دة /VFS Global
الاوراق المطلوبة :
1- طباعة نموذج طلب السفر من الموقع واستيفاءه
2- حجز تذكرة طيران
3- حجز فندق
4- خطاب من الموارد البشرية HR letter من مكان عملك بتوضح فيه مهنتك وشغال من امتا ومرتبك قد ايه
5- كشف حساب بنكي
وصلنا قبرص الحمدلله .. نتفسح بقا
مبدئيا كدة قبرص عبارة عن جزيرة يعني اغلب الفسح فيها هتكون شواطيء لكن بما اني متخصص في سياحة المغامرات و المخاطر فا لا يوجد ما يمنع من مزج سياحة الشواطيء الجميلة بالمغامرات
احلى مدن في قبرص من وجهة نظري هي ليماسول Limassol و Ayia Napa و Paphos بافوس ، اما لارنكا Larnaca فا محستهاش مثيرة قوي او فيها حاجة تتعمل ، العاصمة نيكوسيا Nicosia معلوماتي عنها انها شبه خان الخليلي كدة فا فضلت اني مضيعش وقتي فيها.
محطة الوصول كانت لارنكا الساعة 6 تقريبا خلصت اجراءات الوصول و طلعت الدور التاني عشان ده موقف الاتوبيسات |.. دفعت 1.5 يورو وركبت اتوبيس رقم 425 اللي بيوديك وسط البلد قريب من Mackenzie Beach وده كان مكان اقامتي هناك في فندق Mackenzie وتقدر توصله عن طريق مواقع الحجز المعتادة او موقع www.bookcyprus.com
الاقامة في الفندق كلفتني في اليوم الواحد حوالي 40 دولار بس لازم افكركم تاني اني حجزت قبلها بوقت قصير عشان كدة الاسعار كانت غالية بالاضافة الى ان الغرفة اللي حجزتها كانت شرحة و برحة و بتبص على البحر .. وصلت الاوتيل لقيت حجزي جاهز في اقل من 5 دقايق كنت في غرفتي الجميلة المريحة ... الدش المنعش .. ونزلت جري اتفرج على البلد ... هي كلها عبارة عن شارع طويللللل على البحر و شوارع اخرى خلفية للشوبينج بس خلي بالك البلد بتقفل بدري شوية على 9 بكتير طبعا غير المنطقة السياحية دي سهرانة لحد وقت متاخر ... التاكسي هناك معقول او غالي شوية بس المساقات قصيرة فا لو مره اضطريت تركب تاكسي المسافة القصيرة هتخليك تدفع مبلغ اخره 100 جنيه. طبعا في بعض المواقع الاثرية عبارة عن ما شاء الله صخور ممكن الناس تزورها بس انا كبرت دماغي و ماكنش في وقت وفضلت اني اتفرج على البلد افضل.
بالمناسبة اللي بيركب موتوسيكلات زيي قبرص جنة بالنسبة له وهيلاقي حاجات متعدلة كتيررررر بس اخرهم خوذة وشورت !!
ليماسول :
يا عيني على Limassol ليماسول " ايييححححححح" معلش اصلها وحشتني قوي و ناسها وحشوني برده .. المسافة بين المدينتين تقريبا 45 دقيقة بس لازم تاخد بالك كويس قوي من الايام ومواعيد الاتوبيس في الايام العادية كل نص ساعة تقريبا لكن يوم السبت و الاحد ممكن توصل ساعتين فا خدو بالكو .. سعر التذكرة 4 يورو
بما ان قبرص عبارة عن جزيرة فا ليماسول برده عبارة عن شارع طويل على البحر وكل اللي عليك تعمله انك تاخد الفوطة الجميلة و تستمتع بالبحر اللي زي بحر اسكندرية لكن الصراحة مية مصر احلى و كمان الرمال تحسها سودا !! لكن جو البحر اجمل و اشيك ... ده الصبح
طاب نسهر بقا اماكن السهر كتيرة للشباب في منها في الشارع الرئيسي للبحر و في منها في اخر شارع البحر عند الميناء هتلاقي ميدان ندخل من جمبه يمين ... قابل يا معلم
اثناء اقامتي هناك لاحظت شيء غريب قوي ان التكييف في الغرفة بفلوس اضافية ... ايوا ... ادفع تتكيف و الشحن بيكون عن طريق كارت زي كارت الشحن المنزلي الموجود عندنا دلوقتي.
ايا نابا Ayia Napa :
لازم اعترف ان برده عشان الرحلة اتخطط ليها متاخر كان لازم اخلي بافوس بعد ليماسول يعني تبقا بالترتيب لارنكا - ايا نابا - ليماسول - بافوس - لارنكا .. المهم وصلت Ayia Napa .. ياختييييييي كاني في Ibiza او قريب منها ... هناك تقريبا مافيش عربيات او هي زي شرم الشيخ كدة .. شواطيء كتير احلاها نيسي Nissi Beach وهناك كلها Quad cars و Buggy وتعتبر زي مستعمرة كدة للبريطانيين بيجو يسهرو و يسكرو فيها براحتهم ... في كل مكان هناك مزيكا عالية و ناس بترقص ... انا كا كريم كنت طاير انبساط الحمد للة بس من المزيكا و الاجواء الحلوة السعيدة.
لو انت قلبك جامد روح شاطيء نيسي هتلاقي ناس متجمعين في مكان فوق كدة ... ده مكان الناس بتنط منه في الميه بس خطر جدا لان كله تحت صخور ... بس انا نشنت و عملتها الحمد لله .... ارجوك لو مش بتعرف تعوم كويس او حسيت انك ممكن تنزل على الصخور DONT DO IT
بافوس Paphos :
مدينة هادية احلى مكان فيها عند المينا و هناك بتتركز كل اماكن السهر و الفنادق اقامتي في فندق Pyramos كانت مريحة جدا ... نصيحتي ليك اجر عربية مفتوحة ... مش غالية قوي ممكن تبقا 30 يورو في اليوم او اقل لواكتر من يومين و لف بيها و روح ليماسول واتفرج على الطريق هتشوف مناظر بعمرك ... هي مدينة للاسترخاء اكتر منها للفرهدة
تاني مغامرة ليا هناك اني حجزت رحلة بالموتوسيكلات في جبال ترودوس و دي اعلى جبال هناك و يصل ارتفاعها لحوالي 2000 متر و شفت مناظر وسط السحاب دة غير الاماكن الخطر اللي عديت فيها يعني لو وقعت يا معلم ... خلاص كدة Game Over
مش عاوز اطول اكتر من كدة و معلش لسة راجع فا لسة منزلتش صور كتير لكن سافرو قبرص ناس رايقة جدا ومتعاونين و حاجة مهمة وانت من مصر خد معالك يورو انا كنت واخد دولارات و قلت اغير من هناك و خلاص اولا مش اماكن كتير بتغير خاصة في لارنكا و السعر مش حلو ....
قبرص فيها كل حاجة ... عيش احلى مغامرة على البحر ووسط السحاب وبين الطرق ... قبرص بلد الناس الرايقة .. اللي بيصحو متاخر
في رايي هي دة قبرص اللي لفتها كلها في اسبوع..
رحلتي بدات يوم الجمعة 15 يوليو 2016 و انتهت برده الجمعة بس 22 يوليو 2016
قراري اني اروح قبرص جه متاخر شوية وكان بديل لرحلة تانية " مش فاكر دلوقتي فين"
بس بعد ما زرتها بقت في قائمتي لافضل الدول التي زرتها.الطيران :
تذكرة الطيران لقبرص افضل اسعار ليها عن طريق خطوط الطيران اللبنانية Middle East AirLines ME أو مصر للطيران Egypt Air وهتبقا في حدود 3500 او 4 - لازم اوضح تاني اني جبتها قبل السفر بوقت قصير و ده اللي خلاها توصل للسعر ده -
الفيزا :
قبرص دولة ضمن الاتحاد الاوروبي لكن لا يطبق عليها نظام الشنجن ،يعني لو معاك فيزا شنجن سارية تدخل قبرص ادي لكن لو معاك فيزا قبرص لا يسمح لك بدخول سائر دول الاتحاد الاوروبي.
اجراءات الفيزا :
تحدد ميعاد عن طريق الموقع دة /VFS Global
الاوراق المطلوبة :
1- طباعة نموذج طلب السفر من الموقع واستيفاءه
2- حجز تذكرة طيران
3- حجز فندق
4- خطاب من الموارد البشرية HR letter من مكان عملك بتوضح فيه مهنتك وشغال من امتا ومرتبك قد ايه
5- كشف حساب بنكي
وصلنا قبرص الحمدلله .. نتفسح بقا
مبدئيا كدة قبرص عبارة عن جزيرة يعني اغلب الفسح فيها هتكون شواطيء لكن بما اني متخصص في سياحة المغامرات و المخاطر فا لا يوجد ما يمنع من مزج سياحة الشواطيء الجميلة بالمغامرات
احلى مدن في قبرص من وجهة نظري هي ليماسول Limassol و Ayia Napa و Paphos بافوس ، اما لارنكا Larnaca فا محستهاش مثيرة قوي او فيها حاجة تتعمل ، العاصمة نيكوسيا Nicosia معلوماتي عنها انها شبه خان الخليلي كدة فا فضلت اني مضيعش وقتي فيها.
محطة الوصول كانت لارنكا الساعة 6 تقريبا خلصت اجراءات الوصول و طلعت الدور التاني عشان ده موقف الاتوبيسات |.. دفعت 1.5 يورو وركبت اتوبيس رقم 425 اللي بيوديك وسط البلد قريب من Mackenzie Beach وده كان مكان اقامتي هناك في فندق Mackenzie وتقدر توصله عن طريق مواقع الحجز المعتادة او موقع www.bookcyprus.com
الاقامة في الفندق كلفتني في اليوم الواحد حوالي 40 دولار بس لازم افكركم تاني اني حجزت قبلها بوقت قصير عشان كدة الاسعار كانت غالية بالاضافة الى ان الغرفة اللي حجزتها كانت شرحة و برحة و بتبص على البحر
.. وصلت الاوتيل لقيت حجزي جاهز في اقل من 5 دقايق كنت في غرفتي الجميلة المريحة ... الدش المنعش .. ونزلت جري اتفرج على البلد ... هي كلها عبارة عن شارع طويللللل على البحر و شوارع اخرى خلفية للشوبينج بس خلي بالك البلد بتقفل بدري شوية على 9 بكتير طبعا غير المنطقة السياحية دي سهرانة لحد وقت متاخر ... التاكسي هناك معقول او غالي شوية بس المساقات قصيرة فا لو مره اضطريت تركب تاكسي المسافة القصيرة هتخليك تدفع مبلغ اخره 100 جنيه. طبعا في بعض المواقع الاثرية عبارة عن ما شاء الله صخور ممكن الناس تزورها بس انا كبرت دماغي و ماكنش في وقت وفضلت اني اتفرج على البلد افضل.بالمناسبة اللي بيركب موتوسيكلات زيي قبرص جنة بالنسبة له وهيلاقي حاجات متعدلة كتيررررر بس اخرهم خوذة وشورت !!
ليماسول :
يا عيني على Limassol ليماسول " ايييححححححح" معلش اصلها وحشتني قوي و ناسها وحشوني برده
.. المسافة بين المدينتين تقريبا 45 دقيقة بس لازم تاخد بالك كويس قوي من الايام ومواعيد الاتوبيس في الايام العادية كل نص ساعة تقريبا لكن يوم السبت و الاحد ممكن توصل ساعتين فا خدو بالكو .. سعر التذكرة 4 يورو بما ان قبرص عبارة عن جزيرة فا ليماسول برده عبارة عن شارع طويل على البحر وكل اللي عليك تعمله انك تاخد الفوطة الجميلة و تستمتع بالبحر اللي زي بحر اسكندرية لكن الصراحة مية مصر احلى و كمان الرمال تحسها سودا !! لكن جو البحر اجمل و اشيك ... ده الصبح
طاب نسهر بقا
اماكن السهر كتيرة للشباب في منها في الشارع الرئيسي للبحر و في منها في اخر شارع البحر عند الميناء هتلاقي ميدان ندخل من جمبه يمين ... قابل يا معلم اثناء اقامتي هناك لاحظت شيء غريب قوي ان التكييف في الغرفة بفلوس اضافية ... ايوا ... ادفع تتكيف و الشحن بيكون عن طريق كارت زي كارت الشحن المنزلي الموجود عندنا دلوقتي.
ايا نابا Ayia Napa :
لازم اعترف ان برده عشان الرحلة اتخطط ليها متاخر كان لازم اخلي بافوس بعد ليماسول يعني تبقا بالترتيب لارنكا - ايا نابا - ليماسول - بافوس - لارنكا .. المهم وصلت Ayia Napa .. ياختييييييي كاني في Ibiza او قريب منها ... هناك تقريبا مافيش عربيات او هي زي شرم الشيخ كدة .. شواطيء كتير احلاها نيسي Nissi Beach وهناك كلها Quad cars و Buggy وتعتبر زي مستعمرة كدة للبريطانيين بيجو يسهرو و يسكرو فيها براحتهم ... في كل مكان هناك مزيكا عالية و ناس بترقص ... انا كا كريم كنت طاير انبساط الحمد للة
بس من المزيكا و الاجواء الحلوة السعيدة.لو انت قلبك جامد روح شاطيء نيسي هتلاقي ناس متجمعين في مكان فوق كدة ... ده مكان الناس بتنط منه في الميه بس خطر جدا لان كله تحت صخور ... بس انا نشنت و عملتها الحمد لله .... ارجوك لو مش بتعرف تعوم كويس او حسيت انك ممكن تنزل على الصخور DONT DO IT
بافوس Paphos :
مدينة هادية احلى مكان فيها عند المينا و هناك بتتركز كل اماكن السهر و الفنادق اقامتي في فندق Pyramos كانت مريحة جدا ... نصيحتي ليك اجر عربية مفتوحة ... مش غالية قوي ممكن تبقا 30 يورو في اليوم او اقل لواكتر من يومين و لف بيها و روح ليماسول واتفرج على الطريق هتشوف مناظر بعمرك ... هي مدينة للاسترخاء اكتر منها للفرهدة
تاني مغامرة ليا هناك اني حجزت رحلة بالموتوسيكلات في جبال ترودوس و دي اعلى جبال هناك و يصل ارتفاعها لحوالي 2000 متر و شفت مناظر وسط السحاب دة غير الاماكن الخطر اللي عديت فيها يعني لو وقعت يا معلم ... خلاص كدة Game Over
مش عاوز اطول اكتر من كدة و معلش لسة راجع فا لسة منزلتش صور كتير لكن سافرو قبرص ناس رايقة جدا ومتعاونين و حاجة مهمة وانت من مصر خد معالك يورو انا كنت واخد دولارات و قلت اغير من هناك و خلاص اولا مش اماكن كتير بتغير خاصة في لارنكا و السعر مش حلو ....
قبرص فيها كل حاجة ... عيش احلى مغامرة على البحر ووسط السحاب وبين الطرق ... قبرص بلد الناس الرايقة .. اللي بيصحو متاخر
✌