M
Mohamed Yehia
:: مسافر ::
السلام عليكم ورحمة الله وبركاته
التقرير المرة دى عن مكان مهضوم حقه كتير فى الرحلات ( Garden Route)
المكان ده ينفع للشباب والعائلات
فيه كل ما تتخيلوا من الحاجات اللى ممكن تسافر علشانها
طبيعة (جبال، كهوف، لاجوون، محيطات، كهوف، غابات مطيرة، سفارى حيوانات حتى هناك فى صحرا!!)
اكتيفتيز ( هايكينج، سباحة، ركوب أمواج، سكاى دايف، غطس، زيبلينج، رافتينج .. فيه كل حاجة)
حتى عشاق الهدوء والمنتجعات هيلاقوا ضالتهم فى المكان ده
يمكن الحاجة الوحيدة اللى مش هتلاقوها هى منتجعات التزلج على الثلج
طيب ايه هو الجاردن رووت ده ؟
ده يبقى الساحل الجنوبى لقارة أفريقيا كلها والممتد من الشرق من مدينة اسمها بورت اليزابيث فى جنوب أفريقيا لحد الغرب مدينة كيب تاون ده تقريبا 800 كيلو
بس الجزء الاشهر هو من منتزه تسيتسيكاما فى الشرق لحد جورج فى الغرب حوالى 250 كيلو
من جورج لكيب تاون حوالى 450 كيلو
اشهر المدن فى الطريق طبعا بورت اليزابيث، نايزنا وكيب تاون
افضل طريقة لزيارة الجاردن رووت هى انك تعمل Road trip
ودى هتأجر عربية وتلف بيها الطريق كله انا استلمتها من مطار جورج وسلمتها فى كيب تاون
- مدينة نايزنا ودى انا شايف انها انسب مكان تقعد فيه فى قلب الجاردن رووت
المدينة صغيرة جدا جدا ممكن تلفها فى نص ساعة مشى وهم بيسموها فينيسيا أفريقيا علشان هى مبنية وسط اللاجون وفيها قنوات زي فينيسيا فيها مولات صغير وكذا سوبر ماركت وطبعا المشى فيها وفى الووتر فروت رائع
- كيب تاون ودى جزء من الطريق لكن تعتبر نهاية الطريق وطبعا دى محتاجة تقرير لوحدها
علشان كده همتفى هنا بالجزء من جورج ل تسيتسيكاما
الاكتيفتيز اللى عملتها فى الجاردن رووت (المسافات من نايزنا لانى كنت مقيم هناك)
- سكاى دايف فى مكان اسمه "بليتنبرج باى" وتقريبا ساعة من نايزنا فى الشرق
- منتزه تسيتسيكاما وده اجمل بارك فى الطريق هتشوف فيه الجبال مع المحيط مناظر خيالية وفيه هايكينج ورافتينج كمان " ساعتين من نايزنا"
- بانجى جامب من فوق جسر بلوكرانس وده فوق اخدود ارتفاعه 216 متر وتعتبر اعلى جامب من فوق كوبرى موجودة حاليا، الجسر بيربط بين ولايتين فى جنوب افريقيا وهم الكيب الشرقى والغربى
- بافلز باى وده شاطئ جميل جدا جدا فيه ركوب امواج وسباحة وبراشوت و حتى لعبنا هناك كريكت ربع ساعة من نايزنا
- مدينة اودشترون ودى فيها كهوف اودشترون ومزارع النعام وهناك ممكن تركب نعام ساعتين من نايزنا
- مدينة ويلدرنس فيها ناشونال بارك وشلالات وشواطئ تقريبا نص ساعة من نايزنا
- نايزنا لاجون وهيدز دول التقاء اللاجون بالمحيط الهندي فى نايزنا
- لازم هناك تجيب لحم نعام وتشويه سواء كنت تاخده فى اى ناشونال بارك او حتى فى الهوستيل
- فى حاجات كتير انا معملتهاش وكذا بارك مدخلتهاش فى الجاردن رووت
زى الغطس مع القروش، بيتش باجى ، الرحلات فى اللاجون، مشاهدة الحيتان زيبلينج، سفارى، صيد .... وغيرها كتير
معظم الحاجات دى تعملوها فى كيب تاون بس الجاردن رووت ارخص والطبيعة هناك لا تقارن بكيب تاون
- الاكل رخيص والاقامة رخيصة لو هتعمل انت اكلك مع نفسك بس هتتكلف بنزين ودخول اى بارك تقريبا بفلوس غير ايجار العربية
- مشكلة الجاردن رووت الوحيدة هى المواصلات واللى للاسف مش موجودة فتأجر عربية او تهيتشهايك بقى " شعال هناك كويس "
-المكان امان جدا جدا والشعب هناك طيب
لحد دلوقتى انا روحت 25 دولة تقريبا وبصراحة رحلتى فى الجاردن رووت هى الافض على الاطلاق حتى لو انت مش غاوى اكتيفتيز انت ممكن تقعد تتفرج على منظر الجبال والمحيط 3 ايام مش هتندم
فى اماكن وشواطئ كتير انا مروحتهاش هناك ومشوفتش تقرير لحد راح نفس الاماكن تقريبا فى الجاردن رووت، علشان كده اللى ناوى يروح يقرا كويس جدا ويذاكر المنطقة علشان يعرف يختار صح
التقرير المرة دى عن مكان مهضوم حقه كتير فى الرحلات ( Garden Route)
المكان ده ينفع للشباب والعائلات
فيه كل ما تتخيلوا من الحاجات اللى ممكن تسافر علشانها
طبيعة (جبال، كهوف، لاجوون، محيطات، كهوف، غابات مطيرة، سفارى حيوانات حتى هناك فى صحرا!!)
اكتيفتيز ( هايكينج، سباحة، ركوب أمواج، سكاى دايف، غطس، زيبلينج، رافتينج .. فيه كل حاجة)
حتى عشاق الهدوء والمنتجعات هيلاقوا ضالتهم فى المكان ده
يمكن الحاجة الوحيدة اللى مش هتلاقوها هى منتجعات التزلج على الثلج
طيب ايه هو الجاردن رووت ده ؟
ده يبقى الساحل الجنوبى لقارة أفريقيا كلها والممتد من الشرق من مدينة اسمها بورت اليزابيث فى جنوب أفريقيا لحد الغرب مدينة كيب تاون ده تقريبا 800 كيلو
بس الجزء الاشهر هو من منتزه تسيتسيكاما فى الشرق لحد جورج فى الغرب حوالى 250 كيلو
من جورج لكيب تاون حوالى 450 كيلو
اشهر المدن فى الطريق طبعا بورت اليزابيث، نايزنا وكيب تاون
افضل طريقة لزيارة الجاردن رووت هى انك تعمل Road trip
ودى هتأجر عربية وتلف بيها الطريق كله انا استلمتها من مطار جورج وسلمتها فى كيب تاون
- مدينة نايزنا ودى انا شايف انها انسب مكان تقعد فيه فى قلب الجاردن رووت
المدينة صغيرة جدا جدا ممكن تلفها فى نص ساعة مشى وهم بيسموها فينيسيا أفريقيا علشان هى مبنية وسط اللاجون وفيها قنوات زي فينيسيا فيها مولات صغير وكذا سوبر ماركت وطبعا المشى فيها وفى الووتر فروت رائع
- كيب تاون ودى جزء من الطريق لكن تعتبر نهاية الطريق وطبعا دى محتاجة تقرير لوحدها
علشان كده همتفى هنا بالجزء من جورج ل تسيتسيكاما
الاكتيفتيز اللى عملتها فى الجاردن رووت (المسافات من نايزنا لانى كنت مقيم هناك)
- سكاى دايف فى مكان اسمه "بليتنبرج باى" وتقريبا ساعة من نايزنا فى الشرق
- منتزه تسيتسيكاما وده اجمل بارك فى الطريق هتشوف فيه الجبال مع المحيط مناظر خيالية وفيه هايكينج ورافتينج كمان " ساعتين من نايزنا"
- بانجى جامب من فوق جسر بلوكرانس وده فوق اخدود ارتفاعه 216 متر وتعتبر اعلى جامب من فوق كوبرى موجودة حاليا، الجسر بيربط بين ولايتين فى جنوب افريقيا وهم الكيب الشرقى والغربى
- بافلز باى وده شاطئ جميل جدا جدا فيه ركوب امواج وسباحة وبراشوت و حتى لعبنا هناك كريكت ربع ساعة من نايزنا
- مدينة اودشترون ودى فيها كهوف اودشترون ومزارع النعام وهناك ممكن تركب نعام ساعتين من نايزنا
- مدينة ويلدرنس فيها ناشونال بارك وشلالات وشواطئ تقريبا نص ساعة من نايزنا
- نايزنا لاجون وهيدز دول التقاء اللاجون بالمحيط الهندي فى نايزنا
- لازم هناك تجيب لحم نعام وتشويه سواء كنت تاخده فى اى ناشونال بارك او حتى فى الهوستيل
- فى حاجات كتير انا معملتهاش وكذا بارك مدخلتهاش فى الجاردن رووت
زى الغطس مع القروش، بيتش باجى ، الرحلات فى اللاجون، مشاهدة الحيتان زيبلينج، سفارى، صيد .... وغيرها كتير
معظم الحاجات دى تعملوها فى كيب تاون بس الجاردن رووت ارخص والطبيعة هناك لا تقارن بكيب تاون
- الاكل رخيص والاقامة رخيصة لو هتعمل انت اكلك مع نفسك بس هتتكلف بنزين ودخول اى بارك تقريبا بفلوس غير ايجار العربية
- مشكلة الجاردن رووت الوحيدة هى المواصلات واللى للاسف مش موجودة فتأجر عربية او تهيتشهايك بقى " شعال هناك كويس "
-المكان امان جدا جدا والشعب هناك طيب
لحد دلوقتى انا روحت 25 دولة تقريبا وبصراحة رحلتى فى الجاردن رووت هى الافض على الاطلاق حتى لو انت مش غاوى اكتيفتيز انت ممكن تقعد تتفرج على منظر الجبال والمحيط 3 ايام مش هتندم
فى اماكن وشواطئ كتير انا مروحتهاش هناك ومشوفتش تقرير لحد راح نفس الاماكن تقريبا فى الجاردن رووت، علشان كده اللى ناوى يروح يقرا كويس جدا ويذاكر المنطقة علشان يعرف يختار صح