A
Abody Al-Ghareeb
:: مسافر ::
جيت لي في ملعبي ههههه. التصريح دا بطلعه ممكن ٤-٥ مراات في السنة "انا طالب جامعي". لو اثناء الدراسة لازم يكون ليك قريب من الدرجة الاولى خارج مصر هتحتاج صورة الجواز وصورة اخر ختم خروج علشان احيانا بيغلسوا وصورة جوازك وعلى مجمع التحرير تطلع شهادة تحركات ، ٥ ايام عمل وتستلمها. افضل يوم تروح فيه هو السبت وابعد عن الاحد . وبعدين تروح بيها على منطقة التجنيد بالعباسية مع اثبات قيد لازم يكون فيه الرقم الثلاثي. لو في الاجازة بس اثبات القيد وعلى حلمية الزيتون. سواء هنا او هنا بتطلع في حوالي نص ساعة. وجوازك طبعا معاك على طول. بيتكتب فيها طبعا الدولة المسافر ليها. 90% محدش بيبص فيها في المطار