A
Amaar Bahnasy El Demerdash
:: مسافر ::
البرنامج لو حتبدأيه ابدايه من اول اسكندريع و خديه لاخرها بالترتيب عشان متضيعيش و قت .. انزلى محطه مصر متنزليش سيدى جتبر اول متنزلى و تطلعى برة المحطه حتلاقى المسرح الرومانى قدام المحطه على طول اسالى اى حد حيوصلك .. جنب المسرح شارع النبى دانيال شارع من الشوارع القديمه فى اسكنديه ... ممكن تتمشى فيه لحد اخره حتلاقى الكورنيش .. من عند الكورنيش ممكن تركبى حاجة ناحيه بحرى حتنزلى عن الشيخ وفيق رز بلبن و كسكسى افطرى و دلعى نفسك ..اتحركى على القلعة و المتحف البحرى قدام القلعة على طول . بعد كده ممكن تركبى لشارع سوتر او مكتبه اسكندريه .. ادخلى المكتبه و اتفرجى عليها اسالى عن الجولات التعريفيه بالمكتبه حتلاقيها علاطول موجوده .. حتطلعى بمعلومات حلوه و حتستمتعى .. بعدين فى عروض القبه السماويه .. اسالى على العرض و انتى بتقطعى التذكرة .. ممكن يكون بعد ما تخلصى الجوله يكون العرض بدا .. تكونى وفرتى وقت .. لما تخلصى اسالى اى حد فى الشارع من طالبه الجامعة على حودة دنجل .. ده مطعم سمك بس شعبى شويه ... بس هو علامه من علامات الاظاريطه "ده اسم المنطقة اللى انتى فيها ".. ممكن تاخدى ساندويتشات .. لو مش حابه تزروطى نفسك الاوبشن ده موجود عنده .. بعد ما تخلى .. على اول دخله الشارع حتلاقى بتاع عصير .. حتلاقى تركيبات غريبه من العصائر باسامى غريبه اختارى اللى تحبيه .. فى شوب قصب اسمه كاس العالم .. انصحك متطلبهوش لانك مش حتقدرى تخلصيه .. بس لو خلصتيه حتحسي بحاله من النشوة و السعاده من فرط اللذة ..اطلعى على كورنيش و اركبى اى حاجه رايحة على المنترة .. روحى لفى فى حدايق هناك و شوفى الورود و القصر .. و اتفرجى على لحظة الغروب من على كبرى المنتزة مع المايه الزرقاء و الاشجار .. حتحسي بطاقة ايجابيه غريبة.. بعدين يا ستى اركبى من هناك على سيدى جابر و رحله سعيدة انشاء الله و تنورى اسكندرية
A
Ahmed Mansour
:: مسافر ::
لو روحتي اليكس روحي سان استيفانو جراند مول بلاز روعة وفيه سينمات ممتازة وممكن تاكلي في الفود كورت وهناك قريب جدااا قصر المجوهرات في زيزنيا لازم تروحيه الصباح لانهم بيغلقوا الساعة 2 تقريبا وفيه هناك لسان البحر في جليم تحفة انه داخل البحر وما تروحي النتزه اليوم هيضيع منك اطلعي على محطة الرمل وصفية زغلول عايزة تتمشي شوية انزلى منهم للمنشية وفي صفية زغلول لو عايزة استراحة ممكن تعقدى في تريانون تشربي شاي وجاتوه وفيه محل هناك في صفية زغلول بس قدام بيبيع خروب طبيعي روعة ومن هناك على بحري القلعة بس لو عايزة القلعة ممكن تروحيها اول حاجة لانها بتغلق بعد العصر وعنك جيلاتي عزة في اليكس صعب اول تلمي اليكس في يوم واحد انا بخطط اعمل لها زيارة بس صعب تلميها في يوم اختار الاماكن اللي نفسك تروحيها
D
Dr-muhammed Fawzii
:: مسافر ::
طيب ممكن بالترتيب كدا يا جدعان
او حد يجمع كل الخلاصه ف كومنت واحد ويعملي تاج
لاني بنزل يوم اه و بقعد الف لوحدي بقضي اليوم لف ومعرفش حاحه هناك بس بتبسط
بس نفسي انزل يوم واشوف كل حاكه ومضيعش حاجه ف ياريت تكتبوا كله ف كومنت واحد بلاماكن و الطريق ا اي اروحها و الوقت علشان مفيش حاحه تتعارض مع التانيه
وشكرا جدا جدا
او حد يجمع كل الخلاصه ف كومنت واحد ويعملي تاج
لاني بنزل يوم اه و بقعد الف لوحدي بقضي اليوم لف ومعرفش حاحه هناك بس بتبسط
بس نفسي انزل يوم واشوف كل حاكه ومضيعش حاجه ف ياريت تكتبوا كله ف كومنت واحد بلاماكن و الطريق ا اي اروحها و الوقت علشان مفيش حاحه تتعارض مع التانيه
وشكرا جدا جدا