لو انا حجزت طيران لبنان يوم الاحد القادم وتوجهت الي المطار يوم الاحد للسفر...

[Tarek Mansour Lopez]

لو انا حجزت طيران لبنان يوم الاحد القادم
وتوجهت الي المطار يوم الاحد للسفر
ومعي 2000 دولار
مع العلم
عمري ما سافرت قبل كده
الوظيفه في جواز السفر صاحب شركه اخشاب
العمر 38 عام
السفر بغرض سياحيه لمده ثلاث ايام
هل هقابل مشاكل في السفر؟
ولا هاخذ تأشيره علي جوازي واركب طائره الي لبنان
رجاء التوضيح مع تفاصيل

 

[Mohamed Afifi]

ما هو أقصى مبلغ يمكن حمله من الدولارات والخروج به من لبنان؟

 

[Sherif Shaban]

10 آلاف من أى مكان خروج ودخول لو زادوا دولار واحد هاتكون فى مشكله كبييرة

 

[Eslam Shehata]

كل فرد صح

 

[Eslam Shehata]

انا واخي كل واحد ١٠ ممكن

 

[YOna Nabil]

خد معاك المطار صور من السجل التجاري والبطاقة الضريبية واي عقود تثبت انك شغال في مجال المهنة ف الباسبور بالفعل

 

[Rouqaya Ramadan]

الافضل حجر الاوتيل و ابدا مايكون وهمي لأن في حدا مصري اجا على لبنان ب حجز وهمي فورا رجعو و صح المطار عنا عم يرجع كتير مصريين الافضل اخد الفيزا من السفارة

 

[Ghada Shady]

لازم تصريح أمني

 

[Enass Attia]

لازم يكون معاك حجز فندق مؤكد ومطبوع

 

[Eng Netro]

مش هيطلعوك من الممطار 100% هيقولك هات ازن من ظابط الاتصالات فى مجمع التحرير فى الحاله دى متروحش من نفسك خليه الاول يعملك جواب رسمى من شرطه المطار لظابط الاتصالات الى بيختملك عليه وبيديك الموافقه

 

[Lobna Hamdy]

عن تجربة: 2000 دولار + حجز لطيارة والفندق +جواز سفرك وبس

 

[Hatem Ahmed Aly]

والله حيرتوا الرجل و حيرتوني معاه فيه اللي بيؤكد عن خبرة و تجربة انه هايسافر و يوصل بدون مشاكل و فيه كمان اللي بيؤكد عن خبرة و تجربة ان اوراقه غير مقبولة ... غالبا مفيش قواعد ثابته لازم تجرب و انت و حظك بس الأفضل أمن اوراقك

 

[Ahmed Momtaz]

كله كده تمام مش ناقصك غير حجز فندق
عن تجربه
وممكن تعمل حجز فندق من الفندق الي هي ادفع بعدين وفي الحاله دي مش هتخسر حاجه وهيكون عندك حجز مؤكد

عن تجربة سفر الجواز مكتوب فيه مهندس حر - ٢٠٠٠$ - حجز فندقي وكله مشي زي الفل

 

[Abanoub Marzouk]

بص ياباشا الدنيا حلوه ف مطار لبنان انت تحجز طيران من غير فيزا عادي وتسافر وف لبنان هتوريله االالفين دولار وهتشتري طابع ب 20 دولار قله انك هتقعد 10ايام بس خد عنون فندق تقعدفيه

 

[Ahmed Nada]

لبنان مافيهاش مشكله بالنسبالك لكن اسأل علي موضوع التصريح الامني من هنا في مجمع التحرير عشان انت سنك تحت الاربعين

 

[Ahmed Nada]

Check your inbox

 

[Rouqaya Ramadan]

شو يعني تصريح أمني و ليه فوق الأربعين ؟

 

[Tarek Mansour Lopez]

انشاء الله هحجز طيران مع حجز فندق مع 2000 دولار وربنا معانا
الغرض من السفر حاجه واحده
انا هقدم في شهر 6 القادم علي تشنجن ايطاليا وكل اوراقي تمام بس جواز سفري ابيض مفيش في تأشيرات او اختام دخول وخروج
فالسفر الي لبنان بغرض اخد ختم دخول وخروج علي جواز السفر
ولو ربنا يسر هحاول اروح جورجيا 3 ايام
هيفدني كتير اعتقد في تشنجن ايطاليا
دعواتكم

 

[يحيى ابوزهره]

تخطيط تمام