M
Mohamed Sharaf
:: مسافر ::
فيه حاجتين ممكن تروحي بيهم ميكونوس ...اول حاجة تركبي مركب وفيه شركتين يا اما blue star او sea jets شركة sea jets دي اسرع ف الوقت بس كانت اغلي من التانيه ..واللي بيروح اليونان مبيروحش ميكونوس بس بيروح معاها سانتوريني وبعدها يطلع علي ميكونوس او العكس ...الحل التاني طيران ..بس الناس بتفضل المركب لانك هتاخدي معاكي الشنظ اللي عاوزاها مش هتتقيدي ب وزن زي الطيران..طبعا الجزيرة غنيه عن التعريف ممكن حضرتك تتفرجي علي كليب عمرو دياب بتاع الليله ده متصور هناك ...الجزيرة عموما كلها بارات وحفلات ودايما فيه منافسه بينهم وبين ibiza ف موضوع الحفلات والسهر ده ...عايزه تعرفي مواعيد المراكب وكل الطرق المتاحة انك تروحي هتستخدمي الموقع ده وتدخلي حضرتك عاوزه تروحي من فين لفين وهو هيجبلك كل حاجة rome2iro.com
A
Ahmad Bahaa
:: مسافر ::
وانا في أثينا رحت جزيرة تانية كان إسمها هيدرا .. تيكت المركب كان ب50 يورو ذهاب وعودة والرحلة للجزيرة حوالي ساعة بالمركب وكان أكتر حاجة تميزها البيوت اللي على الجبال بطبعها اليوناني المعروف ولونها الأبيض والمناظر الرائعة للبحر من فوق والحياة البسيطة .. وسيلة التنقل هناك على ظهر الحمير .. مفيش عربيات هناك ومناطق السباحة قليلة بس منعزلة تماما وفيها خصوصية رهيبة