السلام عليكم عندى استفار مهم بعد اذنكم انا كنت فى لندن وقولت اروح قبرص 3...

[Ismail Fawaz]

السلام عليكم
عندى استفار مهم بعد اذنكم
انا كنت فى لندن وقولت اروح قبرص 3 ايام معايا تاشيرتها
المهم انا دخلت مطار هيثرو لندن فتم ختم دخول
وانا خارج خرجت من مطار استانستد لندن دا مطار داخلى
علشان اركب طيران RayanAir الى قبرص
فلم يتم ختم الجواز خروج من لندن .؟؟
ولم اجد اى مكتب لختم الجوازات للخروج
وانا داخل قبرص تم ختم دخول على تاشيره قبرص سالت الموظف الى بيختم قالى انا ماليش دعوه بتاشيره انجلترا
انا ليا انى اختم دخول على تاشيره قبرص بس
الان السؤال ؟
انا كده ابقى مازلت موجود فى بريطانيا ولم اخرج ؟
علشان ما اخدتش ختم خروج
وهل ده سيؤثر على وضعى فى سفارة انجلترا فى مصر لما اريد اخذ تاشيره انجلترا مره اخرى
ولا هيعتمدوا على تاشيره دخولى وخروجى من قبرص ؟؟
ياريت يا جماعه الى عنده معلومه مؤكده يفيدنى
الف شكر

 

[Akram Essam Mohamed]

لندن مش بتختم خروج ده طبيعى بغض النظر عن وجهتك اذا كانت لبلدك الاصلى و لا اى وجهه تانيه...متقلقش يا أفندم

 

[Mina M. Ghattas]

لندن مفيش ختم خروج عندهم

 

[Mohamed El Shenawy]

متقلقش .انت تمام

 

[Mohamed Al-Deeb]

لندن مفيهاش ختم خروج ، تذكرتك ومع السلامة

 

[Kareem Sabry]

بيخرجوك من على السيستم بس مابيختموش الجوز خلاص حتى فى السعودية والبحرين وكدا

 

[Azer Malak]

هي فعلا بريطانيا عند التجديد ممكن قبول ورفض ولا تجديد علي طول زي امريكا علشان انا معايا ٦ شهور وناوي اجدد ٢ سنتين

 

[Ahmed Moustafa]

انجلترا مافيهاش ختم خروج على فكرة وانا جدتتها سنتين اكتر من مرة

 

[Azer Malak]

في التجديد بيطلب ورق زي اول مرة ولا اسهل

 

[Fidoo Sony]

معلش انا كنت ناوي اعمل كده
فممكن تقولي التذكره عامله كام واخدتها من مطار فين لفين

 

[Tarik Abo]

عادي دول كتير دلوقتي مش بتختم خروج

 

[Ismail Fawaz]

الف شكر يا جماعه على الافاده

 

[Ismail Fawaz]

طمنتنى استاذ Akram Essam Mohamed
على كده الى هيكسر فيز هناك مش هيتسال عنه خالص ههههه

 

[Ahmad Ibrahim]

حتي لو انت خرجت من هيثرو مش هيختومولك خروج بريطانيا بتختم دخول بس

 

[Sheref Hamed Numan]

مفيش ختم خروج حتي في هيثرو مش عايزين يشوفوا شكلنا المهم نغور

 

[Ismail Fawaz]

طب ياجماعه لما هما ما بيختموش فى اى مطار فى لندن ازاى هيعرفوا انك غادرت البلد ولم تكسر الفيزا سؤال مهم

 

[Ahmed Mostafa Nasef]

لندن مابتختمش خروج انت كدا صح

 

[Mohammed Awad El-Masry]

لندن و امريكا برضوا مفيش ختم خروج

 

[Ismail Fawaz]

رضا امين

 

[Khaled Badry]

انا حصلي موقف برضة شبه دا ولسة مش لاقي تفسير . لما بنزل المانيا وانا جاي من مصر مش بختم دخول . مع اني نزلت بروكسل و اثينا وكنت بختم دخول عادي ! انا معايا اقامة في السويد بس دا لا يغني عن الختم برضة .