M
Mahmoud Samir Bedair
:: مسافر ::
16 - ماليزيا
ماليزيا ممكلة اتحادية وقوة اقتصادية عملاقة في جنوب شرق آسيا مكونة من 13 ولاية وثلاثة أقاليم اتحادية, العاصمة كوالالمبور و مقرالحكومة الاتحادية فى بوتراجايا. تعداد السكان 30 مليون نسمة سنة . مقسومه قسمين يفصل بينهم بحر الصين الجنوبي، شبه الجزيرة الماليزية فى الغرب وبورنيو الماليزية فى الشرق (صباح و ساراواك). حدودها مع تايلند واندونيسيا وسنغافورة وسلطنة بروناي. متنوعة الاعراق بين ملايو و صينيين وهنود لكن الملايو المسلمين بيمثلوا 60% من سكانها.
ماليزيا عشان على خط الاستواء بيكون مناخها طول السنة رطب و صيف لكن بتتميز ان فيها تنوع بيئي كبير جدا. اهم المناطق السياحيه كوالالمبور و ضواحيها , جزيرة لنكاوى , جزيرة بينانج , منطقة سيلانجور و منطقة صباح فى الشرق. وكل واحده فيهم متميزه تماما عن التانيه فى بيئتها و طبيعتها.
---------------------------
اولا كوالا
, مدينة متطورة جدا مليئه بالمولات وناطحات السحاب و اشهر معالما برجين بتروناس التوأم خامس اعلى مبنى فى العالم و برج المنارة و منطقة التاون سنتر KLCC اللى فيها حاجات كتير جدا زى الاكواريوم و الحدائق المتنوعه زى klcc park , bird park , orchid park , butterfly park و فيها كمان المسجد الوطنى الشهير و مليئة بالمولات و اشهرها مول الklcc suria و النافورات العملاقة اللى قدامه بالوانها الجميله و التايم سكوير و بافيلون . وفيها معالم اسلامية شهيرة زى متحف الفن الاسلامى و مبنى السلطان عبد الصمد , و مننساش الchina town و شارع العرب bukit bintang و little india و معابد الثري ماهاماريامان و الثيان هو و اجمد حاجه قبل ما ننساها ال sunway lagoon وده حاجه مبهجه كده ملاهى على مولات على منتجع.
كل ده خلى كوالا نفسها عاصمه مليانه حاجات كتير تتعمل و مولات كتير للشوبنج لكن فى جانب تانى الناس بتهمله و بترجع تشتكى ان كوالا ممله وهو المناطق اللى حوالين كوالا اللى فيها حاجات اكتر بكتير كمان من ضمنها:
putrajaya
و دى منطقة حديثة عاملين فيها العاصمة الادارية و حتنبهرو من جمالها و نظافتها , لازم تزوروا جامع بوتراجايا و الكبارى الحديثه اللى فيها.
cameron highland
ودى بعيده شوية عن كوالا لكنها اجمل منظر طبيعي ممكن تتخيلوه و مش ناس كتير بتروحها لكنها فعلا تحفه عباره عن مرتفعات و مزارع شاى و شلالات بامتداد البصر وقمة فى النظافه و الجمال
bukit tabur
و دى حديقة و منطقه جبلية جميله جدا و فيها معبد ال batu cave و قريب منها شلال kanching
jinteng highland
و دى معروفه للجميع منتجع سياحي فيه كازينو و ملاهى و تليفريك على ارتفاع 1700 متر و متنسوش تشوفوا الكوبرى المعلق بين الجبال
kuala tahan
و دى منطقة الحدائق الوطنية taman negara و فيها محمية و غابات كبيره جدا و ممكن تجربوا فيها رياضات كتير زى الهايكنج و الكانوبى او الكبارى الخشبية اللى بتبقى جوه الغابه فوق الاشجار
selangor
ودى اللى فيها الصن واى لاجون و الغابات الجميلة و فيه نهر السليم اللى فيه رياضات الرافتينج و العوم فى الشالالات
---------------------------------
ثانيا جزيرة لنكاوى
اللى شخصيا بعتبرها اجمل مكان روحته فى حياتى الهدوء و الجمال و الطبيعه و الناس المؤدبه الجميله لنكاوى ميكفيهاش اسبوعين سفر وبنصح اللى يروح ماليزيا يبدأ بيها الاول و يقضى فيها اكتر وقت ممكن.
لنكاوى الحياة فيها بتبدأ بدرى و كل حاجه بتقفل بعد المغرب ما عدا شارع cenang اللى فيه الشوبنج و المطاعم و الاكواريوم.
منطقة كوه تاون هى قلب لنكاوى فيها فنادق كتير و فيها مولات و فيها الميناء اللى منه بيتم حجز رحلات اليوم الواحد زى island hopping , mangrove forest , pulau payar
و دى رحلات فى الغالب بيجيلك عربيه تاخده من الفندق و ترجعك ليه بعد تقضية يوم كامل فى رحلة جميه.
بنصح الى يروح لنكاوى يأجر عربيه عشان يستمتع بباقى الجزيره براحته عشان فى حاجات كتير جدا ممكن زيارتها زى الشلالات و حديقة الحيوان ومزارع الفاكهه و التلفريك و الشواطى المتنوعه
---------------------------
ثالثا جزيرة بينانج
و اشهر مناطقها جورج تاون و دى جزيرة جميله زى لنكاوى بس اقرب من العاصمه عشان كده متطورة شوية و فيها انشطة كتير و شواطىء و معابد
--------------------------
رابعا منطقة sabah
و دى منطقة فى الجزء الشرقى من ماليزيا طبيعتها مختلفة تماما , اقل فى التطور و اجمل فى الطبيعه و فيها شواطىء و مناطق جبليه كتير عيبها بس انها بعيده جدا عن مقر حكم البلد و ممكن فى الطريق ليها تزوروا جزيرة pulau tioman لرياضات الغطس و السنوركلنج
--------------------------
خامسا melaka
ودى منطقة في الجنوب فيها ممر ملاحى مهم جدا دوليا و بالتالى متاثره جدا بالطابع الاوروبى فى المبانى نتيجة الاحتلال زمان و فيها جامع مشهور جدا مبنى وسط المياه حتشوفوه فى الصور
ده ملخص تجربتى لماليزيا و متنسوش وانتوا هناك تجربوا مطعم nando's فى كوالا و مطعم wonderland seafood فى لنكاوى و تدعولى.
يا رب الصور تعجبكم مع عدم استخدامها دون الرجوع لى.
باقى الرحلات هنا
/Sicherheitskontrolle erforderlich
ماليزيا ممكلة اتحادية وقوة اقتصادية عملاقة في جنوب شرق آسيا مكونة من 13 ولاية وثلاثة أقاليم اتحادية, العاصمة كوالالمبور و مقرالحكومة الاتحادية فى بوتراجايا. تعداد السكان 30 مليون نسمة سنة . مقسومه قسمين يفصل بينهم بحر الصين الجنوبي، شبه الجزيرة الماليزية فى الغرب وبورنيو الماليزية فى الشرق (صباح و ساراواك). حدودها مع تايلند واندونيسيا وسنغافورة وسلطنة بروناي. متنوعة الاعراق بين ملايو و صينيين وهنود لكن الملايو المسلمين بيمثلوا 60% من سكانها.
ماليزيا عشان على خط الاستواء بيكون مناخها طول السنة رطب و صيف لكن بتتميز ان فيها تنوع بيئي كبير جدا. اهم المناطق السياحيه كوالالمبور و ضواحيها , جزيرة لنكاوى , جزيرة بينانج , منطقة سيلانجور و منطقة صباح فى الشرق. وكل واحده فيهم متميزه تماما عن التانيه فى بيئتها و طبيعتها.
---------------------------
اولا كوالا
, مدينة متطورة جدا مليئه بالمولات وناطحات السحاب و اشهر معالما برجين بتروناس التوأم خامس اعلى مبنى فى العالم و برج المنارة و منطقة التاون سنتر KLCC اللى فيها حاجات كتير جدا زى الاكواريوم و الحدائق المتنوعه زى klcc park , bird park , orchid park , butterfly park و فيها كمان المسجد الوطنى الشهير و مليئة بالمولات و اشهرها مول الklcc suria و النافورات العملاقة اللى قدامه بالوانها الجميله و التايم سكوير و بافيلون . وفيها معالم اسلامية شهيرة زى متحف الفن الاسلامى و مبنى السلطان عبد الصمد , و مننساش الchina town و شارع العرب bukit bintang و little india و معابد الثري ماهاماريامان و الثيان هو و اجمد حاجه قبل ما ننساها ال sunway lagoon وده حاجه مبهجه كده ملاهى على مولات على منتجع.
كل ده خلى كوالا نفسها عاصمه مليانه حاجات كتير تتعمل و مولات كتير للشوبنج لكن فى جانب تانى الناس بتهمله و بترجع تشتكى ان كوالا ممله وهو المناطق اللى حوالين كوالا اللى فيها حاجات اكتر بكتير كمان من ضمنها:
putrajaya
و دى منطقة حديثة عاملين فيها العاصمة الادارية و حتنبهرو من جمالها و نظافتها , لازم تزوروا جامع بوتراجايا و الكبارى الحديثه اللى فيها.
cameron highland
ودى بعيده شوية عن كوالا لكنها اجمل منظر طبيعي ممكن تتخيلوه و مش ناس كتير بتروحها لكنها فعلا تحفه عباره عن مرتفعات و مزارع شاى و شلالات بامتداد البصر وقمة فى النظافه و الجمال
bukit tabur
و دى حديقة و منطقه جبلية جميله جدا و فيها معبد ال batu cave و قريب منها شلال kanching
jinteng highland
و دى معروفه للجميع منتجع سياحي فيه كازينو و ملاهى و تليفريك على ارتفاع 1700 متر و متنسوش تشوفوا الكوبرى المعلق بين الجبال
kuala tahan
و دى منطقة الحدائق الوطنية taman negara و فيها محمية و غابات كبيره جدا و ممكن تجربوا فيها رياضات كتير زى الهايكنج و الكانوبى او الكبارى الخشبية اللى بتبقى جوه الغابه فوق الاشجار
selangor
ودى اللى فيها الصن واى لاجون و الغابات الجميلة و فيه نهر السليم اللى فيه رياضات الرافتينج و العوم فى الشالالات
---------------------------------
ثانيا جزيرة لنكاوى
اللى شخصيا بعتبرها اجمل مكان روحته فى حياتى الهدوء و الجمال و الطبيعه و الناس المؤدبه الجميله لنكاوى ميكفيهاش اسبوعين سفر وبنصح اللى يروح ماليزيا يبدأ بيها الاول و يقضى فيها اكتر وقت ممكن.
لنكاوى الحياة فيها بتبدأ بدرى و كل حاجه بتقفل بعد المغرب ما عدا شارع cenang اللى فيه الشوبنج و المطاعم و الاكواريوم.
منطقة كوه تاون هى قلب لنكاوى فيها فنادق كتير و فيها مولات و فيها الميناء اللى منه بيتم حجز رحلات اليوم الواحد زى island hopping , mangrove forest , pulau payar
و دى رحلات فى الغالب بيجيلك عربيه تاخده من الفندق و ترجعك ليه بعد تقضية يوم كامل فى رحلة جميه.
بنصح الى يروح لنكاوى يأجر عربيه عشان يستمتع بباقى الجزيره براحته عشان فى حاجات كتير جدا ممكن زيارتها زى الشلالات و حديقة الحيوان ومزارع الفاكهه و التلفريك و الشواطى المتنوعه
---------------------------
ثالثا جزيرة بينانج
و اشهر مناطقها جورج تاون و دى جزيرة جميله زى لنكاوى بس اقرب من العاصمه عشان كده متطورة شوية و فيها انشطة كتير و شواطىء و معابد
--------------------------
رابعا منطقة sabah
و دى منطقة فى الجزء الشرقى من ماليزيا طبيعتها مختلفة تماما , اقل فى التطور و اجمل فى الطبيعه و فيها شواطىء و مناطق جبليه كتير عيبها بس انها بعيده جدا عن مقر حكم البلد و ممكن فى الطريق ليها تزوروا جزيرة pulau tioman لرياضات الغطس و السنوركلنج
--------------------------
خامسا melaka
ودى منطقة في الجنوب فيها ممر ملاحى مهم جدا دوليا و بالتالى متاثره جدا بالطابع الاوروبى فى المبانى نتيجة الاحتلال زمان و فيها جامع مشهور جدا مبنى وسط المياه حتشوفوه فى الصور
ده ملخص تجربتى لماليزيا و متنسوش وانتوا هناك تجربوا مطعم nando's فى كوالا و مطعم wonderland seafood فى لنكاوى و تدعولى.
يا رب الصور تعجبكم مع عدم استخدامها دون الرجوع لى.
باقى الرحلات هنا
/Sicherheitskontrolle erforderlich