ايه اغرب موقف حصل معاكم في السفر ؟

[Hala Zied]

نسيت اللاب توب بتاعي بمطار اسطنبول وخرجت ركبت الاتوبيس للطيارة وعند وصولى للطائرة فجاة تذكرته.. جالي هلع راح سائق الاتوبيس تركي لا فاهمني ولا فاهماه رجعني بالاتوبيس لداخل الصالات عقبال ما يوصل الفوج التاني للطيارة تركني ادور على اللاب ولقيته ورجعت مع الفوج التاني فعلا للطيارة.. ماكنتش مصدقة وكان موقف صعب جدا لان شغلي كله كان على اللاب

 

[Ahmed Shabiek]

كنت مسافر دوله ما.... بصفتي شغال في شركة سياحه فظبت الحجز ولاني بحب السي فود طلبت علي التكت ان يكون الوجبه سي فود.... واحنا بقي علي الطياره وانا في الوسط وعلي يميني بنت وشمالي راجل عجوز... لقيت المضيفة بتنده علي اسمي وجبتلي الوجبه... الناس كلها مستغربه لان طبعا المضيفين بينزلو لحمه او فراخ علي حسب ما انت عايز.... اشمعني انت جايلك واجبه مخصوص... دا كان سؤال الحج والبنت اللي جمبي.... قلتلهم مفيش بس انا عيان وعندي مرض خطير... واعرف الكابتن بتاع الطياره... وهوا عارف ظروفي الصحيه واني ممنوع من الحمه والفراخ.... ببص للراجل لقيت عينه دمعت

 

[Mahmoud Elmahdy]

كلكوا سافرتوا وليكوا مواقف وانا بذاكر عشان عندى ميدتيرم :'(
شكرا يا مصر

 

[Mostafa Abdelrahman]

في شرم الشيخ نزلنا انا و بن خالي ف سيناء استراحة و انا و هو مش معانا غير علب السجائر بس و الموبايلات و الفلوس و كل حاجة إثبات شخصى و أكل و هدوم في الأتوبيس المهم دخل هو الحمام بعد كدة طلع و انا دخلت بعدو مرة واحدة لقيتو فتح الباب عليا و قولى الأتوبيس اتحرك و بيسرخ قمت زى مانا نجرى ورا الأتوبيس 200 متر جرى و الرحلة بتضيع قدام عنينا لحد ما الأتوبيس وقف اللي يغيزك بقي ان احنا كنا 5 بس الأتوبيس كلوا أول ما فتح الباب قمت جى ساحب واحدة إسكندراني 55555 و قولتلهم اية يا جدعان كترنا ع بعض خلاص

 

[Hamada Hamdy]

الطياره هبطت هبوط اضطرارى

 

[Ибрам Юсиф]

بعد ما خرجنا انا ووالدي من مطار موسكو و احنا ع الباب بره والدي ولع سجاره لقينا البوليس جاي و بيزعق و بيشاور علي يفطه صغيره مش باينه مكتوب ممنوع التدخين المهم طلب باسبور والدي و اخده منه و المفاجأه ان ابويا اداله باسبوري انا روحت داخل للبوليس و مزعقله و بشاورله انت شوفتني بدخن شاور بلأ قلتله هات باسبوري بقي فتح الباسبور لقاه بتاعي استغرب و اداهولي و عرفت ان في بوليس غبي غير البوليس المصري

 

[Shady Mohamed]

:Sar Ah وانتى محصلكيش اى موقف غريب

 

[Ahmad Abdelwanis]

كنت راكب طيران بيجاسوس من اسطنبول للدوحة وبعد ما الطيارة طلعت لاحظننا لنها بتتهز جامد اوي بطريقة غير طبيعية لدرجة ان معدتي قلبت وفجأة المضيف قال في الاذاعة الداخلية ان الطيارة هترجع اسطنبول تاني عشان فيها عطل وهنغيرها طبعا الكلمة دي وقعت قلبي اكتر وقلبت معدتي اكتر واكتر وافتكرت برنامج رامز واكل الجو وملقتش الكيس بتاع الترجيع في الكرسي ومكنش ينفع اروح الحمام عشان طلبوا ربط الاحزمة ورجعت علي الارض وعلي رجل الراجل اللي قاعد جمبي