السلام عليكم هيبقى في عندي زوج وزوجته أجانب بينا بيزنس ، و كنت محتاج...

  • بادئ الموضوع بادئ الموضوع Usama Elhenawy
  • تاريخ البدء تاريخ البدء
عرض العطلة
U

Usama Elhenawy

:: مسافر ::
#1
السلام عليكم

هيبقى في عندي زوج وزوجته أجانب بينا بيزنس ، و كنت محتاج أعملهم برنامج صغير ليوم واحد وهيكون يوم جمعه في أول إسبوع من أبريل .

ياريت لو في اقتراحات من بعد صلاة الجمعه لحد باليل بحيث ينتهي اليوم بمركب عايم زي النيل فرعون أو ماكسيم أو ماشابه

ملحوظة .. مش عارف ده مكان مناسب لوضع سؤال زي ده ولا لأ .
 
#3
شارع المعز و خان الخليلي لحد الساعه 6...و بعد كدا مول مصر ادخلوا سينما 4k ممكن تتعشوا هناك.. او تنزلوا البلد تاكلوا اكل شعبي
 
#4
المتحف المصري....زيارته هتاخد حوالى ٣ ساعات . ثم جولةبوسط البلد ثم نايل ماكسيم . او المتحف ثم صعود برج القاهرة ثم نايل مكسيم
 
عرض العطلة
#7
احتفل معاهم بيوم اليتيم يبقى شىء رائع واطلع بعدها على مركب فى النيل غديهم واطلع على الحسين وممكن المتحف المصرى
 
#8
اولا اوعى واياك وحذاري توديهم الهرم .. تجربه قاتله هتحرجك انت شخصيا
ثانيا المناطق المميزه الحسين وشارع المعز والمتحف المصري وكده شكرا جبرت
 
#10
ممكن كمان مجمع الاديان في مصر القديمة وجنبه المتحف القبطى . ومركز لصناعات الخزف في منتجات للبيع فيها تراث مصري. وزيارة جامع عمرو بن العاص جنبهم برده
 
عرض العطلة
#12
مابلاش الجمعة :D مصر كلها فى الشارع و زحمة و هيكرهوا حياتهم
خليها السبت لو تقدر ... يوم أجازة و الدنيا بتكون رايقة الى حد ما
 
#13
انا مش مصرية والصراحة البواخر الكبيرة شفتها في البسفور وهي احسن بكثير من اللي هنا، انصح بجولة في النيل في المراكب البسيطة وممكن تاخذ الاكل المصري انت بتشتريه بنفسك او تحضره فيه جولة ساعة تلف بها الزمالك وكمان فيه المعادي
الامسية في الحسين وشارع المعز وفيه بيوت ومقهي صغيرة تسمع فيها العود وفيه مطعم جمييييل هناك القعدة فيه جميلة داخل الحسين للاسف نسييت اسمه
ممكن تشيل جولة في النيل وتضيف برنامج زيارة للقلعة المهم تخلص البرنامج هناك على 4 ومن هناك تروح للحسين
 
#14
شكراااااااااااااااا لمرور حضرتك .. و المكان الجميل ده إسمه على ما اعتقد بيت السحيمي في شارع المعز بالحسين
 
عرض العطلة
#16
الصبح القلعة والبرج او الهرم، بليل ممكن حفلة في الاوبرا او شارع المعز وممكن اكل من بابا عبده هناك، او مطعم من مطاعم الزمالك زي اسكويا ولفت بنك او ايت اند بارل، وممكن الغدا من مطعم شعبي زي البرنس ، اخر اليوم خالص ممكن فلوكة شراعية في النيل من قدام فندق فور سيزون
 
#17
بإذن الله نهائي هيكون اليوم كالتالي طبعا بعد الأخذ بنصايحكم :

الصبح ع المتحف المصري واركن في جراج التحرير ووقت ظهر الجمعه اسيبهم اصلي اوارجعلهم اخدهم وممكن نديها كشري او طعميه وفول في وسط البلد ومنها نطلع ع الأزهر بارك وهركن في جراج الأزهر وجوا يلفو شويه ونتغدي في ستوديو مصر ويشوفوا الغروب هناك وبعدها نتمشي وننزل بقي علي شارع المعز والمنطقه اللي هناك لحد ما يزهقو نروح ع المنيل ناخد ايس كريم من جوكي ونركب مركب حلوه في النيل ومنها ع الفندق وكفى الله المؤمنين القتال ، واللي حضر عزا وشكرااااا.

شكرًا لنصايحكم وتفاعلكم مع البوست ❤️☺️
 
#18
مفيش أجمل من الأهرامات والمتحف المصري والنيل وكده اليوم خلص بشياكه ومفيش وقت لاكتر من كده لو خدتهم الحسين وحتت مصر القديمة حتتبهدلو شحاتين وحتحس بالاحراج ادام ضيوفك ..بلاش حديقة الأزهر مفيهاش شيء مميز ليهم اكيد
 
#19
بعد the platform المعادي فيه مشتل صغير كدة فيه مراكبي بيطلع بسعر حلو من شهرين طلعنا ب 110 للمركب كله وهتبقي المركبة كلها لكم ويلف في جزيرة الدهب ولو ظبط امعاه قبل كدة ممكن يوديهم جزيرة الدهب وياكلوا فطير وعسل وفيه برنامج هيحبوه لو بيحبوا رياضة شوية kayaking in the Nilehttps://www.facebook.com/events/1262946663781380/?ti=cl
 
عرض العطلة
عرض العطلة
أعلى أسفل
عودة
قائمة