M
Mohamed Ata Abdallah
:: مسافر ::
مساء الخير ... هنتكلم عن النهاردة عن رحلة جزيرة لينكاوي في ماليزيا
نزلت المطار الداخلي في لينكاوي وكنت مزبط مع سواق ماليزي اسمه عزمي بتوصية من أسامة المرشد السياحي اللي استقبلني في كوالالمبور وراجل محترم جدا واسعاره حلوة هنزلكو صورته ورقم تليفونه...
خدنا وروحنا منتجع بيرجايا لينكاوي .. كنت حاجز كوخ في الغابة .. عملت تسجيل دخول وروحنا في الطفطف لحد الكوخ ... وهنا كانت بداية تجربة وحشة اوي اتحولت لتجربة اكتر من رائعة
دخلت الكوخ وهموت وادخل الحمام ... واول مدخلت قبل مقفل الباب واذ فجأة ... سحلية
طبعا جالي هستيريا وجريت برة واعدت اهرش بقي ( عارفين انتو وسواس الحشرات دة )
رحت مكلم الاستقبال وحكيتلهم اللي حصل وهيا بكل برود بتقول ان دة عادي ف لينكاوي ...
طلبت منها تغير الكوخ للفيو بتاع البحر او ترجع قيمة الحجز واشوف فندق تاني .. وكان ردها ان مفيش غرف متاحة عالبحر وحجزك غير قابل للاسترداد
ساعتها بس ... العرق المصري طلع
قولتلها هطلبلك البوليس وهسوأ سمعتكم عالبوكينج وهكتب كل الكلام دة ...
مفيش ٥ دقايق لقيتها بتقولي في غرفة متوفرة عالبحر ولو مش عاجباك ممكن تاخد فلوسك كاملة
طبعا روحت بصيت عالغرفة اللي عالبحر ليقتها حاجة كدة تفتح النفس وانظف من اللي في الغابة... واخدتها طبعا من غير مدفع فرق ولا حاجة ( المصري معروف بجبروته)
المهم قلت الحق بقيت اليوم علشان ميضعش عليا وخدنا عزمي الى رحلة المانجروف
رحلة جميلة جدا جدا جدا لدرجة اني كنت عايز اطلعها تاني ف اخر يوم .. بنعدي علي جزيرة الخفافيش اللي مفهاش خفافيش وجزيرة التماسيح اللي مفهاش حتى كتكوت ومجموعة جزر تانية ... وفي فالاخر فقرك اطعام الصقور كانت تحفة
خلصنا الرحلة ورجعنا عالفندق وخلص تقريبا اول يوم
تاني يوم بقي نزلنا البحر ...
بجد انا عمري مهنسى منظر البحر هناك وانت جوة البحر وشايف الجبال الخضرا قدام منك والتلفريك شايفه قدامك ... منظر مش ممكن اشوف احلى منه
قعدنا فالبحر شوية وبعدها روحنا التلفريك.. قريب من الفندق ممكن تمشيه ١٠ دقايق او تركب الطفطف بتاع الفندق بيروح لحد هناك من غير فلوس بس احنا خدنا الطفطف
طلعنا التفلريك وطبعا المنظر من فوق حلو جدا يستاهل التجربة ...
خلصنا التلفريك ورجعنا مشي للفندق ... طريق الرجوع كان تحفة وخدنا شوية صور حلوة هتشوفوها تحت ...
خلص تاني يوم وباقي تالت يوم ( الاخير في لينكاوي )
بدأنا جولة في لينكاوي مع عزمي .. روحنا مصنع الشوكولاتة ومحل للقهوة البيضاء واشترينا منهم بس ندمنا بصراحة لان الحاجات دي كلها موجودة في كوالالمبور ويمكن ارخص لان الطيران الداخلي بيكون ليك بس ٧ كيلو عالطيارة واكتر من كدة بتدفع عليهم فلوس
روحنا بعدها حديقة الطيور حلوة جدا والاطفال بيتبسطوا فيها جدا
خلصنا حديقة الطيور وطلعنا حديقة الفواكه بس مكنتش اد كدة بصراحة الحلو اللي فيها بس انك بتاكل شوية فاكهة بتاكلهم اصلا فالفندق
خلصت الجولة بسرعة عشان عايز الحق انزل البحر تاني قبل اليوم ميخلص ولما تشوفو الصور تحت هتشوفوا اد ايه المنظر جميل ورااااائع
خلص اليوم التالت في لينكاوي وطالع تاني يوم الصبح علي جزيرة بينانج ( في التقرير القادم ان شاء الله )
اسيبكم بقي مع الصور ...
نزلت المطار الداخلي في لينكاوي وكنت مزبط مع سواق ماليزي اسمه عزمي بتوصية من أسامة المرشد السياحي اللي استقبلني في كوالالمبور وراجل محترم جدا واسعاره حلوة هنزلكو صورته ورقم تليفونه...
خدنا وروحنا منتجع بيرجايا لينكاوي .. كنت حاجز كوخ في الغابة .. عملت تسجيل دخول وروحنا في الطفطف لحد الكوخ ... وهنا كانت بداية تجربة وحشة اوي اتحولت لتجربة اكتر من رائعة
دخلت الكوخ وهموت وادخل الحمام ... واول مدخلت قبل مقفل الباب واذ فجأة ... سحلية
طبعا جالي هستيريا وجريت برة واعدت اهرش بقي ( عارفين انتو وسواس الحشرات دة )
رحت مكلم الاستقبال وحكيتلهم اللي حصل وهيا بكل برود بتقول ان دة عادي ف لينكاوي ...
طلبت منها تغير الكوخ للفيو بتاع البحر او ترجع قيمة الحجز واشوف فندق تاني .. وكان ردها ان مفيش غرف متاحة عالبحر وحجزك غير قابل للاسترداد
ساعتها بس ... العرق المصري طلع
قولتلها هطلبلك البوليس وهسوأ سمعتكم عالبوكينج وهكتب كل الكلام دة ...
مفيش ٥ دقايق لقيتها بتقولي في غرفة متوفرة عالبحر ولو مش عاجباك ممكن تاخد فلوسك كاملة
طبعا روحت بصيت عالغرفة اللي عالبحر ليقتها حاجة كدة تفتح النفس وانظف من اللي في الغابة... واخدتها طبعا من غير مدفع فرق ولا حاجة ( المصري معروف بجبروته)
المهم قلت الحق بقيت اليوم علشان ميضعش عليا وخدنا عزمي الى رحلة المانجروف
رحلة جميلة جدا جدا جدا لدرجة اني كنت عايز اطلعها تاني ف اخر يوم .. بنعدي علي جزيرة الخفافيش اللي مفهاش خفافيش وجزيرة التماسيح اللي مفهاش حتى كتكوت ومجموعة جزر تانية ... وفي فالاخر فقرك اطعام الصقور كانت تحفة
خلصنا الرحلة ورجعنا عالفندق وخلص تقريبا اول يوم
تاني يوم بقي نزلنا البحر ...
بجد انا عمري مهنسى منظر البحر هناك وانت جوة البحر وشايف الجبال الخضرا قدام منك والتلفريك شايفه قدامك ... منظر مش ممكن اشوف احلى منه
قعدنا فالبحر شوية وبعدها روحنا التلفريك.. قريب من الفندق ممكن تمشيه ١٠ دقايق او تركب الطفطف بتاع الفندق بيروح لحد هناك من غير فلوس بس احنا خدنا الطفطف
طلعنا التفلريك وطبعا المنظر من فوق حلو جدا يستاهل التجربة ...
خلصنا التلفريك ورجعنا مشي للفندق ... طريق الرجوع كان تحفة وخدنا شوية صور حلوة هتشوفوها تحت ...
خلص تاني يوم وباقي تالت يوم ( الاخير في لينكاوي )
بدأنا جولة في لينكاوي مع عزمي .. روحنا مصنع الشوكولاتة ومحل للقهوة البيضاء واشترينا منهم بس ندمنا بصراحة لان الحاجات دي كلها موجودة في كوالالمبور ويمكن ارخص لان الطيران الداخلي بيكون ليك بس ٧ كيلو عالطيارة واكتر من كدة بتدفع عليهم فلوس
روحنا بعدها حديقة الطيور حلوة جدا والاطفال بيتبسطوا فيها جدا
خلصنا حديقة الطيور وطلعنا حديقة الفواكه بس مكنتش اد كدة بصراحة الحلو اللي فيها بس انك بتاكل شوية فاكهة بتاكلهم اصلا فالفندق
خلصت الجولة بسرعة عشان عايز الحق انزل البحر تاني قبل اليوم ميخلص ولما تشوفو الصور تحت هتشوفوا اد ايه المنظر جميل ورااااائع
خلص اليوم التالت في لينكاوي وطالع تاني يوم الصبح علي جزيرة بينانج ( في التقرير القادم ان شاء الله )
اسيبكم بقي مع الصور ...