انا معايا تاشيره سنغافوره وتايلاند كنت حاجز القاهره سنغافوره والعوده من...

[Ahmed EL Belkasy]

انا معايا تاشيره سنغافوره وتايلاند
كنت حاجز القاهره سنغافوره والعوده من كوالالمبور
الظابط ف المطار قالى لازم تجيب تصريح من التحرير
قلتله ازاى وانا طالع من سنغافوره
قالى بس هترجع من كوالالمبور
أجيبه يمين شمال متربس دماغه ورجعنى ابن ال ......
اعمل ايه بقا؟؟؟

 

[Bahaa Aldeen Farouk]

مكتوب المهنه ايه في الباسبور ؟

 

[Sayed Essam]

جواب ظابط اتصال ؟ ولا تصريح امني ؟

 

[Eslam Farid]

اعمل عودة مضروبة من سنغافورة وحطها في عينه

 

[Mohamed Abdoalhady]

اعمل ذهاب وعودة من سنغافورة متجبش سيرة مالزيا خالص

 

[AhMed Medhat]

المهنه ايه عندك فى الباسبور !

 

[Ahmed EL Belkasy]

هو طلب التصريح الامنى وش
خصوصا لما شاف تاشيره تايلاند كمان

 

[Walid Hussein]

اغرب حاجه سمعتها ... لان قدام عينى .. كان الموظفين بيقولوا سافر من غير تصريح .. ما عدا الطلبه ...

 

[Walid Hussein]

ونصيحه اخويه .. ادخل على ظابط تكون ست ... بتكلم جد

 

[Hany Zaid]

ضيع سفرك ولا ايه يعني

 

[Mohamed Abd El-hamied]

لو مكتوب مهنه ف الباسبور مش محتاج تصريح امنى

 

[Walid Hussein]

كنت تحاول تدخل ساعتها لمدير أمن المطار .. وتتكلم معاه بهدوء ... احيانا ممكن يكون فيه رد فعل كويس .. ويرفع التعنت

 

[Khaled Badry]

Ahmed EL Belkasy هو شاف تذكرة العودة ازاي ؟

 

[Adel Lamey]

مش من حقه يرجعك طالما مكتوب مهنه فى الباسبور

 

[Hossam Masoud]

انت رايح سنغافورة وحاجز وتمام اية اللي جاب سيرة كوالالمبور .. وليه اصلا تديه تيكيت الرجوع هو هيشوف الفيزا وتيكيت الذهاب هيعديك عادي

 

[Ahmed Gado]

هات تذكرة من وسط البلد عودة سنغافورة ووريهالهم وانته مسافر. ظابط الجوازات بيشوف بس البوردنج بتاع السفر ولو طلب العودة (رغم انها مش تخصصه) اديله العودة سنغافورة

 

[Haitham Yossef]

والله قهر انا اسف لك سلف علي ظروفنا ال زي الزفت

 

[Ahmed Mostafa]

اعمل حجز وهمي أن انت مش راجع من ماليزيا.

 

[Mohamed Abd-elsattar]

انا معايا تأشيرة تايلاند سياحة روحت انا وزوجتي مجمع التحرير الموظف قالي تأشيرة السياحة ملهاش تصريح امني وقلتله يعني في المطار هيرجعونا قالي باللفظ حسب مزاج الظابط دولة بنت تييييت ماشية حسب مزاج الظابط

 

[Maroo Rodriguez]

هي رخمه يعني ولا هي ماليزيا ليها تصريح Ahmed EL Belkasy