M
Mohamed Hikal
:: مسافر ::
السلام عليكم أعضاء الجروب الكرام أنا امبارح شوفت أخ كريم منزل بوست بيقول فيه تعالوا الإمارات فيه شغل وبلاش أحباط أنا عاوز أوضح حاجه مع أحترامي الكامل للجميع أنا مقيم هنا من 14 سنه والحمد نحمد ربنا بالنسبة للشباب اللي عاوز يسافر الارض ربنا خلقها نسعي فيها وكل شخص مننا ليه رزق حتي لو تحت الارض الأخ أتكلم عن معاملة المصريين وبيقول أبعد عنهم وكده وبلاش وكلام كله نقض وسلبي في كل مكان فيه الحلو والوحش والكلام ده عاري من الصحه أنا شخصيا اعرف ناس كتير أصدقاء عرب ومصريين شوفت كل الاحترام منهم ناس كتير ساعدتنا ناس كتير وقفت جنبي أعرف ناس من جنسيات عربيه لما جئت أجوز جهزوا شقتي بمعني اللي كان بيجيب طقم للمطبخ اللي مكنسه والي أخره هحكي مثال مثلا في ميلانو مجرد ما سألت واحد مصري عن عنوان فندق أخذني وركبتي وجاب قهوه وأعطاني خط إيطالي وصلني لحد الفندق نفس الكلام توهت في روما أخذني واحد مصري وصلني إليّ الفندق كمان في بروكسل تهت أنا واولادي اتنين مغاربه أخذونا بالسيارة الخاصة وصلوني للفندق هولندا شاب مغربي شافني شايل الشنط ومعي أطفال أصر أن يساعدني للوجه الله تمام كده فبلاش اَي حد لا يعمم تجربته الخاصة بالسلب علي الآخرين ويقول المصريين أو العرب مش كويسيين تمام بالنسبة للشغل فالشغل كتير فيه طريقين مفيش ليهم تالت لوحابب تسافر الإمارات اما عن طريق مكتب سفريات محترم وقبل ماتدفع بيقولك علي تفاصيل العقد الراتب والسكن وكده لان مش معني ان جابلك عقد عمل يبقي كده خلاص لا لازم تسأل حد ليك هل المرتب ده كويس هيكفي سكن واكل وهوفر منهم ولا ايه فلازم بتسأل حد ليك هنا يدلك علي الصح ولا تيجي هنا بعيد عن زوجتك واهلك وأولادك ومفيش مقابل كويس تمام الخيار الثاني هو فيزا زياره بتيجي بتدور علي شغل بيكون إعلانات الوظائف وانت كمان بتكتب اعلان في الجرايد ورزقك بتشوفه كل الناس بتسعي وربنا هو اللي عليه الاختيار مثلا ممكن حد يحصل شغل في اول أسبوع ممكن شهر ممكن أسبوعين شهرين ممكن ربنا مش أراد ليه اَي شي ويرجع بلده هل معني ده ان هو مش بيسعى لا طبعا كلها أرزاق كمان فيه ناس اصحاب شركات بتستغل انك محتاج وتشغلك براتب يدوب تاكل وتسكن منه المقصود من الكلام ان كل واحد ليه رزق مش فهلوه أنا شخصيا اعرف ناس كتير جدا جت هنا زياره ورجعت وناس ربنا كرمها وناس مش أعجبها الشغل وناس قالت دخلي في بلدي أحسن من هنا كل واحد ليه الخيار وفالنهايه الرزق بتاع ربنا والإمارات بلد محترم وراقي وشعب طيب وخلوق وربنا يصلح حال الجميع