M
Mohamed Ahmed
:: مسافر ::
حابب احكيلكم عن تجربتي مع التصريح الامني بالسفر لتركيا عشان الناس اللي بتستهون بيه او بتحجز قبله و ممكن يروح عليها حجز طيران او فنادق.
------
استلمت الفيزا 29 يناير اللي فات و يوم 30 يناير كنت بقدم طلب التصريح في المجمع و قالولي تعالي استلمه كمان 4 ايام ، بعد المدة اللي حددوها روحت قالولي تعالي كمان 25 يوم كمان عشان انت عندك تشابه في الاسماء مع حد مطلوب ، و بعد ال 25 يوم دول روحتلهم و قالولي تعالي معانا وحدة البحث الجنائي ف المجمع وهما يفصلوا في امرك ، اول ما دخلت ، راحوا مدخلني اوضة عاملة زي الحجز كده و كل اللي فيها اجانب و متكلبشين ، معظمهم سودانيين و شفت هنود و بنجلاديش و سوريين و يمنيين و ولد صيني وكلهم بيقولوا ان الفيزا بتاعتهم في مصر انتهت و اتقبض عليهم و هيترحلوا ،
انا طبعا ماكنتش متخيل ان ده بيحصل في مصر زي ما بيحصل في اوربا مثلا .
المهم فضلت محبوس ساعتين و كل شوية اقولهم انا ورايا شغل و محتاج امشي و امناء الشرطة يقولولي استني لما نتأكد ، مش يمكن تطلع انت اللي امن الدولة عايزه و بعد شوية قالولي احنا اكتشفنا ان في شخص اسمه الرباعي زيك و تاريخ ميلاده زيك مولود ف محافظة الفيوم و هو ده المطلوب ، ما انقذنيش الا ان اسم الام مختلف ، و بعد شوية بص في الباسبور و قالي انت مهندس ميكانيكا ؟ ، قلتله ايوه :/
بعدها عاملوني باحترام شوية و سابوني اتحرك بحرية شوية، و اخرج بره الحجز ده و بعدها كتبوا مذكرة و بعتوها لمكتب ضابط الاتصال عشان يبعتها لامن الدولة يشرحوله ان مش انا الشخص اللي هما عايزينه و طلبوا رشوة عشان تعبوا يا عيني في اثبات ان انا مش الشخص اللي هما عايزينه و بعدها قالولي تعالي بقي كمان 10 ايام عشان نشوف امن الدولة هيديك التصريح ولا لأ ...و اديني مستني
------
استلمت الفيزا 29 يناير اللي فات و يوم 30 يناير كنت بقدم طلب التصريح في المجمع و قالولي تعالي استلمه كمان 4 ايام ، بعد المدة اللي حددوها روحت قالولي تعالي كمان 25 يوم كمان عشان انت عندك تشابه في الاسماء مع حد مطلوب ، و بعد ال 25 يوم دول روحتلهم و قالولي تعالي معانا وحدة البحث الجنائي ف المجمع وهما يفصلوا في امرك ، اول ما دخلت ، راحوا مدخلني اوضة عاملة زي الحجز كده و كل اللي فيها اجانب و متكلبشين ، معظمهم سودانيين و شفت هنود و بنجلاديش و سوريين و يمنيين و ولد صيني وكلهم بيقولوا ان الفيزا بتاعتهم في مصر انتهت و اتقبض عليهم و هيترحلوا ،
انا طبعا ماكنتش متخيل ان ده بيحصل في مصر زي ما بيحصل في اوربا مثلا .
المهم فضلت محبوس ساعتين و كل شوية اقولهم انا ورايا شغل و محتاج امشي و امناء الشرطة يقولولي استني لما نتأكد ، مش يمكن تطلع انت اللي امن الدولة عايزه و بعد شوية قالولي احنا اكتشفنا ان في شخص اسمه الرباعي زيك و تاريخ ميلاده زيك مولود ف محافظة الفيوم و هو ده المطلوب ، ما انقذنيش الا ان اسم الام مختلف ، و بعد شوية بص في الباسبور و قالي انت مهندس ميكانيكا ؟ ، قلتله ايوه :/
بعدها عاملوني باحترام شوية و سابوني اتحرك بحرية شوية، و اخرج بره الحجز ده و بعدها كتبوا مذكرة و بعتوها لمكتب ضابط الاتصال عشان يبعتها لامن الدولة يشرحوله ان مش انا الشخص اللي هما عايزينه و طلبوا رشوة عشان تعبوا يا عيني في اثبات ان انا مش الشخص اللي هما عايزينه و بعدها قالولي تعالي بقي كمان 10 ايام عشان نشوف امن الدولة هيديك التصريح ولا لأ ...و اديني مستني