B
Bilal Mümin
:: مسافر ::
صباح الفل 
ان شالله هبدأ تقرير رحلتي عن الأربع دول الي زورتهم وهما :
تايلاند - ماليزيا - اندونيسيا - هونج كونج .
وهبدأ التقرير الجزء الاول بتايلاند ان شالله
* تذكرة الطيران : حجزت التيكت قبلها بشهر ونص تقريباً وكانت Multi Ticket
وده كان أرخص سعر تذكره مالتي وكانت علي موقع Ebookers.com
•الذهاب من الكويت لبانكونك ترانزيت القاهره ؛ مصر للطيران
العوده من هونج كونج للقاهره ترانزيت بانكوك ؛ مصر للطيران
* سعر التيكت : 470$ حوالي 9200 جنيه مصري
وصلت مطار القاهره الساعه ١١ مساءاً وكان الترانزيت ساعتين ،
ركبت طيارة بانكوك الساعه ١ صباحاً ووصلت مطار بانكوك الساعه ١٢ الظهر " Suvarnabhumi "
•رحلات بوكيت ممكن تسافر من نفس المطار وده وطبعاً لو لقيت رحلات بتطلع منه ولكن الغالب ان رحلات بوكيت بتطلع من مطار اسمه " Don Meung "
فيه باص مجاني بينقل بين المطارين ببلاش اسمه " Shuttle Bus"
•الطيران الداخلي كان " Air Asia "
سعر التيكت كان تقريباً 30$ حوالي 550 جنيه مصري
وزن الطيران الداخلي ٧ كيلو بس
وتقدر تشتري وزن ووجبه من علي موقع الشركه Airasia.com وبتدفع زياده حوالي 12$ تقريباً ٢٢٠ جنيه مصري .
•كده وصلنا بوكيت ف كل كلامنا هيكون بعملة تايلاند الي هيا البات التايلاندي
سعر الدولار الامريكي مقابل البات = 34.800 THB
سعر الجنيه المصري مقابل البات = 2 THB
من المطار اخدت ميني باص لغاية الهوستل وكان سعره تقريباً 200 بات ونزلت قدام الهوستل .
* الهوستل كان اسمه Dreams وكان بعيد عن الباتونج بيتش بس 10 دقايق وحجزته من علي العملاق Booking.com
* فيه حاجه جميله اوي حصلتلي مع مصر للطيران وهو ان الشنطه بتاعتي مجاتش معايا علي نفس الطياره ووصلتني بعدها ب ٣ ايام وطبعاً كانت حاجه سيئه جداً لاني اضطريت اني انزل اشتري هدوم وكل مستلزماتي الي اصلاً كانت ف الشنطه وطبعاً كانت بهدله جامده ليا في اول رحلتي ف Thanks Egypt Air
* دخلت عملت Check In واستلمت سريري واللوكر بتاعي وخرجت طبعاً عشان اشتري لبس عشان اقدر اكمل باقي الرحله .
* سعر الليله في الهوستل كان 250 بات قعدت 6 ايام كان الاجمالي 1500 بات
* شريحة الموبيل : بلاش بلاش نشتري من المطار شريحه او ناخد تاكسي لان الموضوع من المطارات بيكون اوڤر ، فيه ماركت مشهور جداً اسمه 7 Eleven ده هتلاقوه منتشر كل خطوتين ، دخلت اشتريت شريحة موبيل بصورة الباسبور وكان سعر الشريحه 49 بات وشحنت باقة نت كانت كافيه لمدة اسبوع ودي كان سعرها 100بات
* الاكل في بوكيت : ياريت تبعدوا عن المطاعم العربيه ياجماعه لان اقل سعر للوجبه الواحده حوالي 350 بات
واسالو كتير عن الاكل الحلال واعملو حسابكم في تونه وجبنه هتنفعكم جداً واسعار الوجبات زي الجمبري او السمك مع الارز متوسط 150 بات .
* رحلة اليوم الاول : كانت جزيرة Phi Phi Island
انتظرت الباص قدام الهوستل وصل الساعه 8 صباحاً واتحركنا للميناء الي هنركب منه المركب السريع .
المحطه الاولي كانت : Maya Beach وده شط صغير وسط جزيره من الجبال الصخريه اتمشينا شويه علي الشط واخدنا جوله واتصورنا .
المحطه التانيه كانت : مكان بجانب جزيره جبليه والميه لونها كريستال وتحفه وعملنا في المكان ده Snorkeling ونزلنا شوفنا السمك والشعاب المرجانيه .
المحطه الثالثه : كانت جزيرة بي بي ايلاند وهناك لقينا البوفيه مستنينا بعد تعب السباحه ولفينا كتير في الجزيره واتصورنا وكان فيه بوفيه للفاكهه كمان .
المحطه الرابعه : كانت شط القرود لعبنا معاهم واكلناهم موز كتير واخذنالهم صور كتير
المحطه الخامسه والاخيره : كانت في طريق العوده جزيرن اسمها " كايا نوك " نزلنا عومنا شويه واتمشينا فيها وكان فيها محلات ايس كريم ومشروبات وكانت للاسترخاء قبل العوده .
* ملحوظه : رحلة Phi Phi Island من اجمل الرحلات في بوكيت
* رحلة اليوم الثاني : رحلة Rafting
اتحركنا من قدام الهوستل الساعه ٨ صباحاً وبعدين وصلنا جنينه كبيره كده فيها تجمع للقرود " مش عارف ايه حكايتي مع القرود " اكلناهم موز واتصورنا ف المكان وبعدين اتحركنا للمكان الي هنعمل فيه الرافتينج ودي كانت من اجمل الحاجات الي عملتها في اسيا وحاجه بتغير النفسيه جداً
لبسنا الجواكيت ونزلنا المراكب وبدات الرحله ف نهر طوله ٥ كيلومتر وحاجه روعه بتمني اكررها تاني .
•رحلة اليوم الثالث : كانت جزيرة James Bond
اتحركنا الساعه ٧ صباحاً للميناء الي هنتحرك منه وكانت الرحله بالسفينه الكبيره مش السريعه وكانت ممتعه بصراحه
طول الرحله المشروبات مجاناًً وكمان الغداء علي متن السفينه وهنزور اربع اماكن وهما :
باناك : ودي عباره عن مجموعة كهوف وبيتم الدخول ليها عن طريق المراكب المطاطيه وبيتم ركوب كل اتنين من السياح مع شخص بيجدف من الطاقم ودخلنا كهف الخفافيش والقرود كمان
هونق : نزلنا علي الجزيره دي اتمشينا شويه واتصورنا جنب الصخور وكان وقت ممتع جداً
جيمس بوند : واخيراً وصلنا جزيرة جيمس بوند اتمشينا في الجزيره واتصورنا صور كتير جدا وعومنا فيها كانت الميه جميله جدا وكان فيه اماكن بتبيع هدايا وحاجات تذكاريه بس كانت غاليه لان اعتمادها كله كان علي السياح فقط .
لاوا : وده مكان وقفنا فيه عشان الناس تنزل تعوم فيه وبما اني مش بعرف ابلبط غير ع الشط طبعاً فمنزلتش وقضيناها رقص ع المهرجانات الي قلبنا بيها السفينه
* رحلة اليوم الرابع : كانت يوم السفاري
كان يوم ركوب الفيل والبيتش باجي Atv وحاجه كده زي البانجي جمب بس مش فاكر اسمها بس جميله بتلبس الخوذه وجاكت الامان وتتزحلق ع الحبل يامعلم من مكان لمكان بس جميله
* رحلة اليوم الخامس والاخير: كانت Phuket Day
ودي زورنا فيها اهم معالم بوكيت ومنها :
معبد وان تشالنوج وده يعتبر من اهم معالم الدينيه في بوكيت لكونه بيدل عن رموز دينيه في تايلاند
تمثال بوذا الكبير من الاماكن الدينيه المهمه في بوكيت وده بيزوره ناس كتير متدينه وده ارتفاعه تقريباً 45 متر
مدينة بوكيت القديمه ودي من اكتر الاماكن المحببه لقلب السياح في بوكيت عشان بسيطه جداً وروعه وده غير معالم السياحه الي فيها والمطاعم والكافيهات .
الرحله دي كانت نص يوم يعني خلصت علي العصر كده ،
كنت حاجز رحله Half Day عشان طيارتي كانت لكوالالمبور الساعه ٩ بالليل
* ركبت ميني باص من الهوستل للمطار اتحرك الساعه 5 المغرب ومدته ساعه للمطار وكان سعره حوالي 200 بات
* المواصلات في تايلاند ممكن تأجر موتور بايك طول اليوم وده سعره 250 بات طول اليوم واغلب الرحلات هتكون بالمواصلات من والي الهوستل بتاعك
* ملحوظه : اسعار الرحلات في بوكيت اسعارها متفاوته من مكتب للتاني المهم انتا وشطارتك في الفصال
وبكده تكون رحلتي في تايلاند خلصت وهطير دلوقتي علي ماليزيا استنوني
#السفر_حياه
#اللي_مسافرش_لسه_متولدش
#بتاع_الحصاله
ان شالله هبدأ تقرير رحلتي عن الأربع دول الي زورتهم وهما :
تايلاند - ماليزيا - اندونيسيا - هونج كونج .
وهبدأ التقرير الجزء الاول بتايلاند ان شالله
* تذكرة الطيران : حجزت التيكت قبلها بشهر ونص تقريباً وكانت Multi Ticket
وده كان أرخص سعر تذكره مالتي وكانت علي موقع Ebookers.com
•الذهاب من الكويت لبانكونك ترانزيت القاهره ؛ مصر للطيران
العوده من هونج كونج للقاهره ترانزيت بانكوك ؛ مصر للطيران
* سعر التيكت : 470$ حوالي 9200 جنيه مصري
وصلت مطار القاهره الساعه ١١ مساءاً وكان الترانزيت ساعتين ،
ركبت طيارة بانكوك الساعه ١ صباحاً ووصلت مطار بانكوك الساعه ١٢ الظهر " Suvarnabhumi "
•رحلات بوكيت ممكن تسافر من نفس المطار وده وطبعاً لو لقيت رحلات بتطلع منه ولكن الغالب ان رحلات بوكيت بتطلع من مطار اسمه " Don Meung "
فيه باص مجاني بينقل بين المطارين ببلاش اسمه " Shuttle Bus"
•الطيران الداخلي كان " Air Asia "
سعر التيكت كان تقريباً 30$ حوالي 550 جنيه مصري
وزن الطيران الداخلي ٧ كيلو بس
وتقدر تشتري وزن ووجبه من علي موقع الشركه Airasia.com وبتدفع زياده حوالي 12$ تقريباً ٢٢٠ جنيه مصري .
•كده وصلنا بوكيت ف كل كلامنا هيكون بعملة تايلاند الي هيا البات التايلاندي
سعر الدولار الامريكي مقابل البات = 34.800 THB
سعر الجنيه المصري مقابل البات = 2 THB
من المطار اخدت ميني باص لغاية الهوستل وكان سعره تقريباً 200 بات ونزلت قدام الهوستل .
* الهوستل كان اسمه Dreams وكان بعيد عن الباتونج بيتش بس 10 دقايق وحجزته من علي العملاق Booking.com
* فيه حاجه جميله اوي حصلتلي مع مصر للطيران وهو ان الشنطه بتاعتي مجاتش معايا علي نفس الطياره ووصلتني بعدها ب ٣ ايام وطبعاً كانت حاجه سيئه جداً لاني اضطريت اني انزل اشتري هدوم وكل مستلزماتي الي اصلاً كانت ف الشنطه وطبعاً كانت بهدله جامده ليا في اول رحلتي ف Thanks Egypt Air
* دخلت عملت Check In واستلمت سريري واللوكر بتاعي وخرجت طبعاً عشان اشتري لبس عشان اقدر اكمل باقي الرحله .
* سعر الليله في الهوستل كان 250 بات قعدت 6 ايام كان الاجمالي 1500 بات
* شريحة الموبيل : بلاش بلاش نشتري من المطار شريحه او ناخد تاكسي لان الموضوع من المطارات بيكون اوڤر ، فيه ماركت مشهور جداً اسمه 7 Eleven ده هتلاقوه منتشر كل خطوتين ، دخلت اشتريت شريحة موبيل بصورة الباسبور وكان سعر الشريحه 49 بات وشحنت باقة نت كانت كافيه لمدة اسبوع ودي كان سعرها 100بات
* الاكل في بوكيت : ياريت تبعدوا عن المطاعم العربيه ياجماعه لان اقل سعر للوجبه الواحده حوالي 350 بات
واسالو كتير عن الاكل الحلال واعملو حسابكم في تونه وجبنه هتنفعكم جداً واسعار الوجبات زي الجمبري او السمك مع الارز متوسط 150 بات .
* رحلة اليوم الاول : كانت جزيرة Phi Phi Island
انتظرت الباص قدام الهوستل وصل الساعه 8 صباحاً واتحركنا للميناء الي هنركب منه المركب السريع .
المحطه الاولي كانت : Maya Beach وده شط صغير وسط جزيره من الجبال الصخريه اتمشينا شويه علي الشط واخدنا جوله واتصورنا .
المحطه التانيه كانت : مكان بجانب جزيره جبليه والميه لونها كريستال وتحفه وعملنا في المكان ده Snorkeling ونزلنا شوفنا السمك والشعاب المرجانيه .
المحطه الثالثه : كانت جزيرة بي بي ايلاند وهناك لقينا البوفيه مستنينا بعد تعب السباحه ولفينا كتير في الجزيره واتصورنا وكان فيه بوفيه للفاكهه كمان .
المحطه الرابعه : كانت شط القرود لعبنا معاهم واكلناهم موز كتير واخذنالهم صور كتير
المحطه الخامسه والاخيره : كانت في طريق العوده جزيرن اسمها " كايا نوك " نزلنا عومنا شويه واتمشينا فيها وكان فيها محلات ايس كريم ومشروبات وكانت للاسترخاء قبل العوده .
* ملحوظه : رحلة Phi Phi Island من اجمل الرحلات في بوكيت
* رحلة اليوم الثاني : رحلة Rafting
اتحركنا من قدام الهوستل الساعه ٨ صباحاً وبعدين وصلنا جنينه كبيره كده فيها تجمع للقرود " مش عارف ايه حكايتي مع القرود " اكلناهم موز واتصورنا ف المكان وبعدين اتحركنا للمكان الي هنعمل فيه الرافتينج ودي كانت من اجمل الحاجات الي عملتها في اسيا وحاجه بتغير النفسيه جداً
لبسنا الجواكيت ونزلنا المراكب وبدات الرحله ف نهر طوله ٥ كيلومتر وحاجه روعه بتمني اكررها تاني .
•رحلة اليوم الثالث : كانت جزيرة James Bond
اتحركنا الساعه ٧ صباحاً للميناء الي هنتحرك منه وكانت الرحله بالسفينه الكبيره مش السريعه وكانت ممتعه بصراحه
طول الرحله المشروبات مجاناًً وكمان الغداء علي متن السفينه وهنزور اربع اماكن وهما :
باناك : ودي عباره عن مجموعة كهوف وبيتم الدخول ليها عن طريق المراكب المطاطيه وبيتم ركوب كل اتنين من السياح مع شخص بيجدف من الطاقم ودخلنا كهف الخفافيش والقرود كمان
هونق : نزلنا علي الجزيره دي اتمشينا شويه واتصورنا جنب الصخور وكان وقت ممتع جداً
جيمس بوند : واخيراً وصلنا جزيرة جيمس بوند اتمشينا في الجزيره واتصورنا صور كتير جدا وعومنا فيها كانت الميه جميله جدا وكان فيه اماكن بتبيع هدايا وحاجات تذكاريه بس كانت غاليه لان اعتمادها كله كان علي السياح فقط .
لاوا : وده مكان وقفنا فيه عشان الناس تنزل تعوم فيه وبما اني مش بعرف ابلبط غير ع الشط طبعاً فمنزلتش وقضيناها رقص ع المهرجانات الي قلبنا بيها السفينه
* رحلة اليوم الرابع : كانت يوم السفاري
كان يوم ركوب الفيل والبيتش باجي Atv وحاجه كده زي البانجي جمب بس مش فاكر اسمها بس جميله بتلبس الخوذه وجاكت الامان وتتزحلق ع الحبل يامعلم من مكان لمكان بس جميله
* رحلة اليوم الخامس والاخير: كانت Phuket Day
ودي زورنا فيها اهم معالم بوكيت ومنها :
معبد وان تشالنوج وده يعتبر من اهم معالم الدينيه في بوكيت لكونه بيدل عن رموز دينيه في تايلاند
تمثال بوذا الكبير من الاماكن الدينيه المهمه في بوكيت وده بيزوره ناس كتير متدينه وده ارتفاعه تقريباً 45 متر
مدينة بوكيت القديمه ودي من اكتر الاماكن المحببه لقلب السياح في بوكيت عشان بسيطه جداً وروعه وده غير معالم السياحه الي فيها والمطاعم والكافيهات .
الرحله دي كانت نص يوم يعني خلصت علي العصر كده ،
كنت حاجز رحله Half Day عشان طيارتي كانت لكوالالمبور الساعه ٩ بالليل
* ركبت ميني باص من الهوستل للمطار اتحرك الساعه 5 المغرب ومدته ساعه للمطار وكان سعره حوالي 200 بات
* المواصلات في تايلاند ممكن تأجر موتور بايك طول اليوم وده سعره 250 بات طول اليوم واغلب الرحلات هتكون بالمواصلات من والي الهوستل بتاعك
* ملحوظه : اسعار الرحلات في بوكيت اسعارها متفاوته من مكتب للتاني المهم انتا وشطارتك في الفصال
وبكده تكون رحلتي في تايلاند خلصت وهطير دلوقتي علي ماليزيا استنوني
#السفر_حياه
#اللي_مسافرش_لسه_متولدش
#بتاع_الحصاله