M
Motaz Elsherif
:: مسافر ::
مساء الفل
دلوقتي طبعا في ناس كتيرة بتواجهها مشكلة وجود مهنة في الباسبور وخصوصا الناس اللي هاتسافر دولة من دول التصريح الامني في حالة ان مكتوب طالب او مؤهل في البطاقة والباسبور.. النهاردة اسمحولي اطول عليكم شوية واقولكم علي طريقة لتغيير المهنة في البطاقة والباسبور
اولا تحضر شوية اوراق كالتالي
- المؤهل الدراسي اصل وصورة
- البطاقة الشخصية اصل وصورتين
- عدد ٢ صورة شخصية
- الرقم التأميني وده بتجيبه بالتليفون عن طريق رقم ١٦٢١٧ وتقولهم اسمك ورقمك القومي واسم الام
- تروح مكتب البريد وقوله عايز اعمل حوالة لمديرية القوي العاملة هايعملك حوالتين ب ٨٦ جنية وربع واحدهم وتصويرهم صورتين برضة
تاخد كل ده وتروح مكتب العمل وقوله عايز اعمل قياس مهارة وعايز الوظيفة تبقي مثلا (مدير مبيعات) او اخصائي مبيعات او أي وظيفة انت عايزها.. هايعملك جواب تروح تمتحن بيه في احد الاماكن اللي متعاقده معاهم (بالنسبة لي كان فندق سونستا) وطبعا حسب الوظيفة.. المهم هاتاخد الورقة دي وتروح ع الجهة هايختمهالك من غير امتحانات ولا اي حاجة بتسيبهالهم وترجع تاخدها منهم وبعدين تطلع علي مكتب العمل تاني تسلمهم الورقة دي هايديك شهادة قياس مهارة وكارنية صغير كدة عليه صورتك والوظيفة وختم النسر عليها تطلع ع السجل بالكارنية ده وتجدد بطاقتك بالوظيفة اللي في الكارنية وبعد كدة تعمل باسبورك علي حسب بطاقتك ومبروك يا معلم
ولو في اي اسئله انا تحت امركم
دلوقتي طبعا في ناس كتيرة بتواجهها مشكلة وجود مهنة في الباسبور وخصوصا الناس اللي هاتسافر دولة من دول التصريح الامني في حالة ان مكتوب طالب او مؤهل في البطاقة والباسبور.. النهاردة اسمحولي اطول عليكم شوية واقولكم علي طريقة لتغيير المهنة في البطاقة والباسبور
اولا تحضر شوية اوراق كالتالي
- المؤهل الدراسي اصل وصورة
- البطاقة الشخصية اصل وصورتين
- عدد ٢ صورة شخصية
- الرقم التأميني وده بتجيبه بالتليفون عن طريق رقم ١٦٢١٧ وتقولهم اسمك ورقمك القومي واسم الام
- تروح مكتب البريد وقوله عايز اعمل حوالة لمديرية القوي العاملة هايعملك حوالتين ب ٨٦ جنية وربع واحدهم وتصويرهم صورتين برضة
تاخد كل ده وتروح مكتب العمل وقوله عايز اعمل قياس مهارة وعايز الوظيفة تبقي مثلا (مدير مبيعات) او اخصائي مبيعات او أي وظيفة انت عايزها.. هايعملك جواب تروح تمتحن بيه في احد الاماكن اللي متعاقده معاهم (بالنسبة لي كان فندق سونستا) وطبعا حسب الوظيفة.. المهم هاتاخد الورقة دي وتروح ع الجهة هايختمهالك من غير امتحانات ولا اي حاجة بتسيبهالهم وترجع تاخدها منهم وبعدين تطلع علي مكتب العمل تاني تسلمهم الورقة دي هايديك شهادة قياس مهارة وكارنية صغير كدة عليه صورتك والوظيفة وختم النسر عليها تطلع ع السجل بالكارنية ده وتجدد بطاقتك بالوظيفة اللي في الكارنية وبعد كدة تعمل باسبورك علي حسب بطاقتك ومبروك يا معلم
ولو في اي اسئله انا تحت امركم