بفضل الله حصلت على تاشيرة الشنجن من سفارة فرنسا بالقاهرة وهيكون سفرى اواخر...

  • بادئ الموضوع بادئ الموضوع Adham Magdy
  • تاريخ البدء تاريخ البدء
عرض العطلة
A

Adham Magdy

:: مسافر ::
#1
بفضل الله حصلت على تاشيرة الشنجن من سفارة فرنسا بالقاهرة وهيكون سفرى اواخر ابريل باريس اولا 4 ايام وبعد كده امستردام 3ايام وكنت عايز اعرف من اهل الخبرة ايه الافضل فى باريس الحى العاشر ولا الثامن لانى حجزت فى فندق ايبيس باريس كانال سانت مارتن وده فى العاشر وايبيس ستايلز سانت لازار وده فى الثامن بس هو اغلى من الاول وبرضه امستردام فندق سيتى امستردام فى منطقى السنتر بس غالى ولا هامبتون امستردام سيتى ويست وده فى منطقة اسمها زيبورغ وسعره معقول
وياريت برنامج كويس لباريس 4ايام وامستردام 3ايام واى نصائح مفيدة فى الاكل والتنقلات لانها اول مرة اسافر اوروبا وقلقان جدا وشكرا لكم
 
#2
باريس حلوة ومتعه فيها التمشيه فمنطقه البرج والشانزليزينة بس في حرامية فالمنطقه دى من نوعيه انهم بتوع صم وبكم و كدة والحركات دى .. امستردام دمها خفيف جدا وخصوصا الرحله البحرية بتاعتها
 
#5
باريس اول يوم. ايفل ..رحله السين.. الشانزليزيه
تانى يوم ..فرساي .. نوتردام..الاوبرا والحى الاتينى
تالت يوم.. دى ليديفانس ..ارك دى تريونف ..لوفر
تالت يوم .. ساكريكور والمنطقه المحيطة والتسوق
رابع يوم.. يورو ديزنى
 
عرض العطلة
#6
امستردام..
اول يوم .. دام سكوير ..متحف الشمع ..حديقه الحيوان .. حديقه فونلاند (مش فتكرو اسمها اوى)
تانى يوم .. منطقه المتحاف والتسوق
تالت يوم زيارة منطقه الطواحين قريه زان ساشن
 
عرض العطلة
#12
انا كنت حاجز فندق في منطقه باريس سان جيرمان افتكر الحي السادس بس اكتشفت بالصدفه اننا جنب كل الاماكن السياحيه .قعدت اربع ايام لك ان تتخيل مستخدمتش المترو علي الاطلاق كل الاماكن السياحيه علي نهر السين وكانت قريبه من باريس سان جيرمان متحف اللوفر ومتحف اوساي وبرج ايفل والكونكورد وغيره
 
عرض العطلة
#16
نصيحة مجرب في باريس. اوعى تشيل معاك اي كاش اكتر من احتياج مصاريفك الشخصية سيب كل فلوسك وحاجتك في الفندق. واوعى لحد ما توصل فندقك من المطار تطلع الفلوس اللي معاك لأي سبب كان خلي حاجتك في جيب داخلي ومعاك مثلا ٥٠ يورو في جيبك. النشالين هناك معاهم دكتوراة. رحلة سعيدة.
 
#18
حجز الطيران مش مطلوب لتاشيرة فرنسا بس انا كنت مقدمه وكنت عامل حجز مؤكد اما الفنادق كنت حاجزها برضه مؤكد لايمكن استردادها من على بوكينج بس بفيزا مفيهاش رصيد
 
#19
في امستردام تقدر تحتاج تطبيق المواصلات العمومية 9292.nl فيه يعطيك اش وسيلة لازم تستعمل بالنسبة للسوبر ماركتس فيه كثير لكن تجنب ah و lidl فيه جل الأشياء أرخص
 
#20
الحي 1-9 دول احسن حاجه يليهم الحي 10، ايبيس سانت لازار مكانه حلو قوي جنب الاوبرا ومول لافايت، بس ايا كان لو الاوتيل جنب المترو مفيش اي مشكله حتروح كل حته بالساهل، اول ماتوصل في المطار طلع باس المترو بس اتاكد ان سفرك حيكون خلال اسبوع الباس (بيبدا اتنين الصبح لحد الاحد اللي بعده باليل)
باريس فيها حتت كتير ولو ليك في المشي روح opera- les marais- latin quarter
دي مناطق بيتمشى فيها كلها وبجد ممتعه قوي، روح لافايت جاليري، روح الساكر كير (الكابل كار هناك اركبه بباس المترو ماتقطعش تذكره)، اللوفر طبعا، النوتردام (انا مادخلتهاش اتصورت قدامها بس)
بالنسبه لامستردام احجز اوتيل جنب مترو، حتى لو هوا مش فيالسيتي سنتر مش حيفرق معاك ( انا قعدت في casa 4000)
 
عرض العطلة
عرض العطلة
عرض العطلة
أعلى أسفل
عودة
قائمة