السلام عليكم ورحمة الله وبركآته .. ممكن تفيدوني بأفضل معهد في امريكآ ؟؟...

  • بادئ الموضوع بادئ الموضوع نسرين البدر
  • تاريخ البدء تاريخ البدء
عرض العطلة
ن

نسرين البدر

:: مسافر ::
#1
السلام عليكم ورحمة الله وبركآته ..
ممكن تفيدوني بأفضل معهد في امريكآ ؟؟ وبأي ولاية وتخصصي ريآضيات ..وكلي امتنان
 
#2
وينكم سآعدوني لو تكرمتم .؟! كنت مسافرة وباقي ما اخترت لا الولاية ولا المعهد ..:( وهل من الضروري انتقاء المعهد ومراسلته قبل الملتقى ..؟!أقصد متى آخر موعد لإختيار المعهد وكلي شكر
 
عرض العطلة
#6
مافي شي اسمه أفضل معهد، كل المعاهد اللي معتمده من الملحقية تعتبر جيدة جدا، والاختلاف بينها في مدة الفصل الدراسي وكثافة البرنامج وارتباطها بالجامعة وعدد المستويات وامكانية دخول الجامعة بعد المعهد من عدمها بدون توفل.
التعليم في المعهد لوحده غير كافي لتعلم اللغةـ الطالب لازم يبذل مجهود في البيت لتقوية مهارات القراءة والاستماع والمحادثة والكتابة،
وهذا الكلام أقوله من تجربة، لي الان في أمريكا أكثر من 3 سنين ونص.
وكل طالب راح يمدح او يذم في المعهد حسب خبرته.... ومن خبرتي الشخصية لاتأخذي رأي الطلاب في المعهد على أنه صحيح، الآراء غالبا منحازة وليست محايدة.
مثال: المعاهد المتميزة في التعليم الدراسة فيها شديدة، ويصعب على الطالبة/الطالب أن ينتقل من مستوى للي بعده الا إذا أثبت إتقانه للمهارات المحددة في ذلك المستوى، وأكثر الطلبة يعتبرون مثل هالمعهد سيء، بينما يعتبر في الحقيقة من أقوى المعاهد على مستوى أمريكا.
العامل الأهم في اختيار المعهد هو رغبتك.. هل تبي تعيشي في مدينة صغيرة أو ككبيرة، حارة أو باردة، غالية أو رخيصة، وهل عندك ثقة بنفسك إنك راح تتعلم اللغ بشكل جيد وتجتازي التوفل لدخول الجامعة.
لأنه للأسف أكثر الطلبة السعوديين يبحثوا عن جامعة فيها معهد يدخل الجامعة بدون توفل لانه هالطلبة غير واثقين من اجتيازهم للغة. وغالبا مثل هالمعاهد عدد قليل وتمتلئ بالسعوديين بسرعة وفي وقت قصير.
وفي الأخير مستحيل تلقي شيئ كامل ومثالي، يعني ماراح تلقي معهد ممتاز ومدينة كبيرة وفلة ورخيصة وآمنة. لازم تضحي بشيئ عشان تحصلي شيئ آخر، وأنت تحددي أولوياتك.
آسف على الإطالة، وإن شاء الله أكون أفدتكم بشيئ.
 
#7
الله يعطيك العآفية ماقصرت أخي .. أنا مايهمني الأجواء ولا المكآن الأهم أجتاز المرحلة ومعي لغة ممتازة علماُ بأن لغتي الحالية ضعيفة نوعا مآ .. فياليت تفيدني وتساعدني لأنه بصراحة مش عآرفة أي شيء .. وكلي امتنان يا طيب ..
 
#8
إذا كان عندك شوية لغة وتشوفي نفسك راح تجتازي اللغةإذن الله بسهولةطيب، أبشري، في عندي لك مدينة صغيرة معهدها ممتاز والمدينة معقولة وآمنة ومش غالية وفيها كل شي تحتاجيه وفيها سعوديين وأنا درست فيها لغة، وجامعتهامن أفضل الجامعات في الرياضيات
الجامعة اسمها إلينوي والمدينة أربانا شامبين. إذا تبيها أقدر أساعدك فيها من ناحية القبول والسكن ووووو. انا نقلت منها قبل أكثر من سنة.
 
#10
على فكرة، المعهد اللي قلت لك عليه يصلح للناس اللي عندهم شوية لغة ولو كانت ضعيفة يعني سنة إلى سنة ونص تكفي بالمعهد، لكن اللي ماعندهم لغة تماما ماينفع لهم لانه راح يكون صعب جدا عليهم وراح يحتاجوا وقت طويل للوصول للمستويات العليا، سنتين ويمكن بعدها كمان مايقدروا يجيبوا توفل.
 
عرض العطلة
#11
أخ عدنان في معهد اسمه els شو رايك فيه إذا سمحت لأن سمعت ان دا المعهد تدريسه ضعيف بس ميزته مافي اختبار توفل ويجيب لك قبول الجامعة اللي تابع لها .. بس أنا ما أبغى أساسي يكون ضعيف أبغى أدرس اللغة صح
 
#12
فعلا معاهد ELS تعتبر تجارية أكثر منها تعليمية وغالبا توجد في جامعات عادية أو ضعيفة. اللي يبي يتعلم لغة أكاديمية صح على أصولها يبعد عن هالمعاهد ويروح لأي معهد يسمى Intensive English Institute or Program زي المعهد اللي وصيت فيه قبل شوي، وإذا انت مجتهدة وعندك شوية لغة راح تجيبي التوفل أو الايلتس إن شاء الله في حدود سنة.
 
#14
مدري من فين جايبة المعلومة دي....
الطالب اللي يختار مدينة غالية يستاهل. عشان كذا الطالب لازم يختار مدينة معقولة على قد فلوسه ومو غالية، زي دي المدينة اللي ذكرتها أربانا شامبين في ولاية إلينوي الراتب يكفي ويزيد. السكن المؤثث لطالب لوحده مايزيد عن 850 دولار مع كل الفواتير، يبقى من المكافاءة 1000 دولار تكفي للمعيشة وكل شيء، انا كنت ساكن لوحدي وعندي سيارة وكنت أوفر مابين 300 إلى 500 دولار في الشهر.
اختبار التوفل قيمته 175دولار وبعد ماتطلع نتيجة الاختبار بغض النظر عن الدرجة سواء عالية او منخفضة ترسليها للمحلقية مع كشف حساب يثبت انه تمت عملية دفع قيمة الاختبار والملحقية تعوضك عنها. وتقدري تختبري قد ماتبغي ولو نجحتي في اختبار التوفل (80 من 120) في اقل من سنة من بداية بعثتك ....الملحقية تصرف لك مكافأة اجتياز اللغة راتب شهر واحد أساسي 1450 دولار.
 
عرض العطلة
#17
@Sun Al-zahrani بنسلفانيا حلوة وبيتسبرغ من المدن اللي دايما فيها طلاب سعوديين لكن ماعندي معلومات بالتفصيل عن جودة الجامعات والمعاهد فيها، لكن تواجد السعوديين فيها باستمرار يدل على أنها خيار جيد جدا ومناسب. أما المكافاْة فهي تحفيز من الملحقية للطلبة لدخول اختبار التوفل واجتيازه في سنة أو أقل من بداية البعثة، يعني اللي يجيب درجة 80من120 في التوفل أو مايعادلها في الاختبارات الأخرى يأخذ مكافأءة إضافية مرة واحدة تساوي راتب شهر أساسي 1450 دولار. لأنه أكثر الطلبة يبحثوا عن معاهد تدخل الجامعة بدون توفل والملحقية ماتبغي هالشي لانه هالطريقة غير مضمون للحصول على قبول بالجامعة وربما الطالب يضيع وقته في مثل هالمعاهد ومايختبر توفل وإذا جاء وقت دخول الجامعة تكون الجامعة صارت مليئة بالطلبة السعوديين ويتم إغلاقها من وزارة التعليم العالي السعودية مما يعني إيقاف تسجيل طلبة جدد سعوديين فيها،.... ووقتها الطالب يتورط ويكون قضى وقت طويل في اللغة بدون اجتياز التوفل ويبدأ رحلة البحث عن معهد لغة آخر وربما تنتهي فترة اللغة الانجليزية وهو لم يحصل على قبول وهذه مشاكل واقعية لطلبة كثيرين
 
#20
فية طريقة للبحث مره حلوه .. اول شي شوف انت ايش يناسبك من الولايات .. مثلا اخترنا ولاية اوهايو بعدين ادخل على https://ru.mohe.gov.sa/default.aspx واكتب تخصصك وشوف كم مدينة تطلع لك واذا ناسبتك المدينة اقراء عنها وعن الجامعة واسئل عنها اكثر . واذا مااعجبت غير الولايه وهكذا .... وفي 51 ولاية واكثر من 1500 جامعة معترف فيها . كذا راح تستفيد من البحث ولاتكون متشتت كل يوم واحد معطيك نصيحه . والي مافهم يقول وانا اساعده
 
عرض العطلة
عرض العطلة
عرض العطلة
أعلى أسفل
عودة
قائمة