M
Mahmoud Samir Bedair
:: مسافر ::
قصتى مع البركان
______________
كنت فى رحلة اسبوعين لماليزيا و اندونيسيا,واخر تلات ايام كنت فى جاكارتا ومنها ارجع على كوالا و من كوالا للقاهرة,المهم وانا فى جاكارتا و فاضل اقل من 48 ساعه اتحرك لكوالا فكرت فى فكرة مجنونه.
فى بركان اسمه برومو mount bromo فى اندونيسيا قريب من مدينة اسمها surabaya سمعت عنه.
البركان ده نشط جدا لدرجة ان اخر اندلاع ليه كان فى 2016 ,بركان برومو ده من اشهر البراكين فى العالم واهمها سياحيا.
حسبت حسبتى و شوفت كده لو حجزت تكرة بالليل من جاكارتا لسورابايا على اير اسيا لقيتها رخيصه فى حدود 600 جنيه واخدت القرار و حجزت طيارة ذهاب بالليل و عوده ظهر تانى يوم فرق بينهم حوالى 16 ساعه تقريبا.
كانت مغامرة غير محسوبه و يمكن ده كان اجمد حاجه فيها ,تخيلوا لو اتاخرت فى العوده من سورابايا لجاكارتا حيفوتنى طيارة من جاكارتا لكوالا و من كوالا لمصر.
المهم ركبت الطيارة لسورابايا و فى السكة اتسليت و قريت تجارب ناس تانيه فى كيفية الوصول للبركان.محدش عملها فى اقل من 24 ساعه فكان لازم يكون فى ابداع.
وصلت لسورابايا و سالت الناس اروح ازاى لمنطقه اسمها Probolinggo و لحقت اوتوبيس بيتحرك نص الليل و كان سعره كويس جدا. خدت الرحلة حوالى 3 ساعات وفوجئت انى فى وصت منطقة ريفية مفيهاش اى حد ,الوقت قرب من الفجر و كل حاجه قافله وشايف الجبل العملاق اللى ارتفاعه 2 و نص كيلو من بعيد قدام عنيا.
لقيت راجل و اقف بموتوسيكل قولت اساله وعرض على يطلعني الجبل بعشره دولار, بعد ما فقدت الامل و ملقيتش اى حل تانى وافقت, احب اقولكم ان تجربة طلوع جبل بموتوسيكل صيني مميزه جدا يا ريت متجربوهاش
المهم فهمت من الانجليزي المكسر بتاع الراجل ده انه حيوصلنى لمكان فوق الجبل الناس بتأجر منه عربيات جيب و تطع رحلة البركان.
وصلت و اتفقت مع واحد من سواقين الجيب -تقريبا كان اخر واحد فاضل و مش لاقى زباين- و رضى بعد نزاع ياخد خمسين دولار يوديني لقمة جبل مقابل للبركان نشوف الشروق على البركان و بعد كده نتحرك للفوهه نفسها و بعدين يفرجنى على منطقة السفارى المحيطة.
وصلت فى وسط طرق عير ممهده و لو شوفتوها مش حتصدقوا ان ممكن عربيه تعديها وشوفت الشروق و كان منظر من اروع ما يمكن و فوجئت بعدد كبير جدا من السياح.
بعد الشروق اتحركت باتجاه البركان و فوجئت ان الجيب بتوصل لمكان متعرفش تكمل فيه ولازم أأجر حصان مع دليل يمشيني وسط الشبورة اللى مغطية كل شىء لحد ما وصلت لاعلى نقطة منها في سلالم مكسرة بتطلع للفوهه نفسها, حوالى ساعه تقريبا طلوع سلالم مليانه رماد بركانى لما نفسى قطع لحد ما وصلت و حسيت انى حققت انجاز مهم فى حياتى.
البركان نفسه كان نشط و دخان الكبريت بريحته الخانقه كان مالى الجو والسياح كانوا كتير,واخدت سيلفي مع البركان.
بدأت طريق العوده واتفرجت على منطقة السافانا ووصلت لمنطقة زى قريه كده فيها مطعم صغير فطرت فيه وانا حموت من الجوع و التعب.
و فوجئت ان مفيش اى مواصلة ترجعنى سورابايا تانى لحد ما بالعافيه لقيت مكروباص قديم متفق مع سياح يوديهم لمنطقه يركبوا منها باص و لكن الصدمه كانت ان ميعاد الرحلة فاتنى.
كنت خلاص سلمت امرى لله و ربنا يعوض على وانا فى وسط الحسره ربنا استجاب لدعايا و جتلى فكره كده اسال الساعه كام و طلع ان سورابايا و جاكارتا فى بينهم فرق ساعه كاملة.
متخيلين مدينتين فى بلد واحده في بينهم فرق ساعه, مين كان يتخيل.
طبعا شعور الفرحه لا يوصف و كانى الروح ردت فى, لسه فى امل. وصلت قبل الرحلة الحمد لله و لحقت الطيارة. ورجعت لجاكارتا فى الوقت المناسب.
طبعا مع فارق التوقيت بين هناك و بين مصر لما رجعت كانت الناس فى مصر لسه بتصحى من النوم لاقونى روحت زورت بركان و رجعت
يا رب تكون القصه الطويله دى مفيده و تعجبكم و احب اقولكم.
ما اجمل السفر و ما اجمل الجنان.
لمتابعة باقى الرحلات
/Sicherheitskontrolle erforderlich
______________
كنت فى رحلة اسبوعين لماليزيا و اندونيسيا,واخر تلات ايام كنت فى جاكارتا ومنها ارجع على كوالا و من كوالا للقاهرة,المهم وانا فى جاكارتا و فاضل اقل من 48 ساعه اتحرك لكوالا فكرت فى فكرة مجنونه.
فى بركان اسمه برومو mount bromo فى اندونيسيا قريب من مدينة اسمها surabaya سمعت عنه.
البركان ده نشط جدا لدرجة ان اخر اندلاع ليه كان فى 2016 ,بركان برومو ده من اشهر البراكين فى العالم واهمها سياحيا.
حسبت حسبتى و شوفت كده لو حجزت تكرة بالليل من جاكارتا لسورابايا على اير اسيا لقيتها رخيصه فى حدود 600 جنيه واخدت القرار و حجزت طيارة ذهاب بالليل و عوده ظهر تانى يوم فرق بينهم حوالى 16 ساعه تقريبا.
كانت مغامرة غير محسوبه و يمكن ده كان اجمد حاجه فيها ,تخيلوا لو اتاخرت فى العوده من سورابايا لجاكارتا حيفوتنى طيارة من جاكارتا لكوالا و من كوالا لمصر.
المهم ركبت الطيارة لسورابايا و فى السكة اتسليت و قريت تجارب ناس تانيه فى كيفية الوصول للبركان.محدش عملها فى اقل من 24 ساعه فكان لازم يكون فى ابداع.
وصلت لسورابايا و سالت الناس اروح ازاى لمنطقه اسمها Probolinggo و لحقت اوتوبيس بيتحرك نص الليل و كان سعره كويس جدا. خدت الرحلة حوالى 3 ساعات وفوجئت انى فى وصت منطقة ريفية مفيهاش اى حد ,الوقت قرب من الفجر و كل حاجه قافله وشايف الجبل العملاق اللى ارتفاعه 2 و نص كيلو من بعيد قدام عنيا.
لقيت راجل و اقف بموتوسيكل قولت اساله وعرض على يطلعني الجبل بعشره دولار, بعد ما فقدت الامل و ملقيتش اى حل تانى وافقت, احب اقولكم ان تجربة طلوع جبل بموتوسيكل صيني مميزه جدا يا ريت متجربوهاش
المهم فهمت من الانجليزي المكسر بتاع الراجل ده انه حيوصلنى لمكان فوق الجبل الناس بتأجر منه عربيات جيب و تطع رحلة البركان.
وصلت و اتفقت مع واحد من سواقين الجيب -تقريبا كان اخر واحد فاضل و مش لاقى زباين- و رضى بعد نزاع ياخد خمسين دولار يوديني لقمة جبل مقابل للبركان نشوف الشروق على البركان و بعد كده نتحرك للفوهه نفسها و بعدين يفرجنى على منطقة السفارى المحيطة.
وصلت فى وسط طرق عير ممهده و لو شوفتوها مش حتصدقوا ان ممكن عربيه تعديها وشوفت الشروق و كان منظر من اروع ما يمكن و فوجئت بعدد كبير جدا من السياح.
بعد الشروق اتحركت باتجاه البركان و فوجئت ان الجيب بتوصل لمكان متعرفش تكمل فيه ولازم أأجر حصان مع دليل يمشيني وسط الشبورة اللى مغطية كل شىء لحد ما وصلت لاعلى نقطة منها في سلالم مكسرة بتطلع للفوهه نفسها, حوالى ساعه تقريبا طلوع سلالم مليانه رماد بركانى لما نفسى قطع لحد ما وصلت و حسيت انى حققت انجاز مهم فى حياتى.
البركان نفسه كان نشط و دخان الكبريت بريحته الخانقه كان مالى الجو والسياح كانوا كتير,واخدت سيلفي مع البركان
.بدأت طريق العوده واتفرجت على منطقة السافانا ووصلت لمنطقة زى قريه كده فيها مطعم صغير فطرت فيه وانا حموت من الجوع و التعب.
و فوجئت ان مفيش اى مواصلة ترجعنى سورابايا تانى لحد ما بالعافيه لقيت مكروباص قديم متفق مع سياح يوديهم لمنطقه يركبوا منها باص و لكن الصدمه كانت ان ميعاد الرحلة فاتنى.
كنت خلاص سلمت امرى لله و ربنا يعوض على وانا فى وسط الحسره ربنا استجاب لدعايا و جتلى فكره كده اسال الساعه كام و طلع ان سورابايا و جاكارتا فى بينهم فرق ساعه كاملة.
متخيلين مدينتين فى بلد واحده في بينهم فرق ساعه, مين كان يتخيل.
طبعا شعور الفرحه لا يوصف و كانى الروح ردت فى, لسه فى امل. وصلت قبل الرحلة الحمد لله و لحقت الطيارة. ورجعت لجاكارتا فى الوقت المناسب.
طبعا مع فارق التوقيت بين هناك و بين مصر لما رجعت كانت الناس فى مصر لسه بتصحى من النوم لاقونى روحت زورت بركان و رجعت
يا رب تكون القصه الطويله دى مفيده و تعجبكم و احب اقولكم.
ما اجمل السفر و ما اجمل الجنان.
لمتابعة باقى الرحلات
/Sicherheitskontrolle erforderlich