رفضوني السفاره اليوم وقسم بالله مغبون مادري وش اسوي .. من امس صاحي عشان لا...

[Alshehri Roy]

رفضوني السفاره اليوم وقسم بالله مغبون مادري وش اسوي ..

من امس صاحي عشان لا يفوتني الموعد وبعد م ردني طار النوم كلله وافكار تروح وتجي ،

اول شي قالي : درجاتك ضعيفه مع العلم ان ٣ من اخوياي نسبتهم ٦١ رايحين امريكا ع حسابهم
وانا نسبتي ٦٩.٥٤ ، علمي : وكمان على حسابي ..

رجعت للمكتب اللي جاب لي القبول قال نسوي لك موعد ثاني ان كان تبغى ف الظهران اسهل ..

طلعت من عندهم مادري وش اسوي بغيت اسوي ٣ حواذث على خريص حسبي الله عليهم ..

واللي غبني زود ما يعطيني فرصه كل م يسئلني سؤال ما يمدي اشرح له الا يشطح بي ويهزئني بطريقه لبقه ..

حسبي ربي بس ، قسم بالله نظرت الحزن اللي ف عين ابوي انها كسرتني

استغفر الله العظيم ي رب قدرني وافرحه

 

[Abdullah Alhumood]

سو موعد ثاني في الظهران وشوف وش يطلع معك والله ييسر لك امورك , وانشالله بعد كل عسر يسر

 

[GN Gari]

الله يسهلك ويفرجلك امرك ويوفقك وتسعد ابوك وامك بقدرة ربنا ثم باستطاعتك

 

[Mohammed Alghomary]

يا الغالي ان كان لك رزق بتاخذه
ما لك رزق من الله ، ما راح تاخذه
الله يرزقك و يوفقك

 

[Eid Khalil]

اي شباك ساولك المقابلة اكيد يا 9 يا 12 او قبل الاخير ؟

 

[Manal M Alharbi]

هونا و تهون خير ان شاء الله أرجع حاول مره ثانية اصبر و تحمل الاشياء السهلة مالها قيمة لمن تتعب و تاخذها بصعوبة راح تكون لها قيمة اكبر .. و بشرنا لمن تاخذها

 

[Alshehri Roy]

شباك 10

 

[Eid Khalil]

ارجع قدم وان شالله رح تقبل التاشيرة

 

[Eid Khalil]

كثيير يالي رفضوهم اول مرة رجعو قدمو وقبلو التاشيرة لا تيأس

 

[Manal Alsuhaibani]

مَا أضيف على كلام أخواني غير شيء
أكثر من الاستغفار بنية الشيء الي تبيه ,
مَافي مثل الاستغفار ,
قدم و أكثر من الاستغفار و تأكد أن ربي بيعوضك خير
سواء قبلت أم لم تُقبل ,
أن قُبلت قدامك خير بإذن الله و أن رفضت أعرف أن ربي ردك عن مكروه أو ينتظرك خير .

 

[Mohammed Al Shahrani]

لا تروح للضهران راح يسالونك ليش جيت للظهران واحنا رفضناك بالرياض ايش السبب
إرجع وصلح موعد ثاني مع السفاره في الرياض
البس بدله رسمية وحلق وخلك جنتل ولا ترتبك ولزم تكون جاهز

 

[Mohammad Zamzami]

ياخوي وش تبي بامريكا والله اتمنى اطلع منها اليوم قبل بكرا الله يكفينا شرها ويرجعنا بلدنا سالمين غانمين

 

[Mohammad Zamzami]

لعل الله رايدلك الخير ولعلها خيرة من رب العالمين هو اعلم بحالنا

 

[Fares Kateb]

يمكن ربنا اراد لك الخير في مكان اخر لا تعلمه انت ولكن يعلمه رب العالمين فلا تيأس ولا تحزن ولكن قل ربي اكتبلي الخير حيث كان ثم رضني به

 

[Lavender Flower]

ان شاء الله خير انا اخوي رفضوا اول مرة وحجزنا موعد تاني ابد لاتيأس

 

[Huda Alghamdi]

لا تيأس يا أخ رائد .. الحياه تجارب و ماتجي بالساهل ولا تسرع بخريص تروح فيها والا تسوي حادث لا سمح الله تيك ات ايزي .. سهلها وربك بيسهلها عليك .. وأمورك بإذن الله بتتيسر .. تفائلوا بالخير تجدوه .. والله يوفقك و ييسر أمرك

 

[Ahmad Bin Abdulaziz]

اخوي سولي لك موعد ثاني في الظهران اسهل والله او رح تمشي اموك كمان بالتوفيق

 

[Abdul Majeed Majeed]

معليك حبيبي لا تستسلم ,,انت حاول أكثر من مره وبتصيب.,.,,,.أو شفلك بنت وصير محرم وروح مرافق وبعدها حول الى مبتعث رسمي وبل توفيق

 

[Abdullah Alhumood]

اما شوف لك بنت , حسيتهم البنات زي الفجل تلقاهم مزروعين ههههههههههههه

 

[Abdul Majeed Majeed]

في طرق كثيرة الناس الحين صارو يتزوجون بنات متفوقات حتى يحصلون على فرصة الأبتعاث ويروحون مرافقين ويحولون مبتعثين,,,ما شالله البنات عندنا نسبهم فوق الـ 96%