اهلين ممكن اي احد يساعد اخوي في محنته هوا جاته وظيفة وهو بالاصل مبتعث فلمن...

[Hawzn Sa]

اهلين

ممكن اي احد يساعد اخوي في محنته

هوا جاته وظيفة وهو بالاصل مبتعث فلمن ينوي يغير المهنة حقته من طالب لموظف حكومي

هل يسقط اسمع من الابتعاث او هالكلام موصحيح وصدق كمان

لانه سمع دي الاسطوانة من ناس ومررررررررره محتار

يارب اللي يعرف يساعدنا ويجيب على هالسؤال

شكرا

ولتفاصيل اكثر بهالموضوع
/استفسار بليز ساعدوني في ذا الموضوع البسيط

 

[Albeshi Jebryl]

اعتقد يوقفون عنه البعثه... نفس زميلي موظف حكومي رفضو ابتعاثه الى ان يسقط اسمه من التامينات و الوظيفه

 

[Hawzn Sa]

هو ناوي ياخذها فترة بس .. وبعدها يروح يمكن ماجستيره بس هو يخاف يسقط نهائيا من البعثة لمن يغير مهنته

 

[Hawzn Sa]

والا يغيير ماراح تصير له مشاكل

 

[Albeshi Jebryl]

الا بتصير له مشاكل.. نظام التعليم مربوط مع الداخليه..كم الفتره بين الوظيفه و الابتعاث ؟

 

[Ali Alshammari]

اذا غير مسمى حالته الوظيفيه يسقط اسمه من ابتعاث البرنامج, صارت معي

 

[Hawzn Sa]

الوظيفة جات وهو هنا في اجازة وزوجته حامل فناودي يجلس 6 الى 7 شهور عليال ماتخلص حملها يكون قبوله للماستر جا ويطيروا مع بعض فهمت

 

[Hawzn Sa]

اخوي علي يعني شو تنصحه حتى اقوله وربي عذبنا معاه انا ابي اريح ابوي واريحه .. لان ابوي يبيه ياخذ هالوظيفة وهو متردد

 

[Ali Alshammari]

افهم يااختي انا ,
افضل حل مثل مايعملوا زملائي كلهم الموظفين والمبتعثين , ياخذ اجازه من عمله ثم يرافق زوجته المبتعثة على البرنامج كمرافق , ويدرس هناك عادي طبيعي ,

 

[Hawzn Sa]

لسا هو ماقبل العمل .. لازم يغيير المهنة علشان يعطوه العمل وبعدين عو المبتعث مو زوجته ؟؟؟؟

 

[Albeshi Jebryl]

اذا غير مهنته راح تسقط بعثته... بكل اختصار

 

[Ali Alshammari]

قلتلك الحل اللي اشوف زملائي يعملوه بهالحالة , يخلي زوجته تقدم على الابتعاث , وهو يقدم على الوظيفة , ويوخذ اجازه من دون راتب من عمله ويطلع مرافق لزوجته ويبتعث هناك ويدرس طبيعي , يكون ضمن الوظيفة وبعدها ضمن الابتعاث , في حال انه تحبي تسمعي رأيي في مسئلة اذا اخوك تسكرت في وجهه واسأل الله عز وجل انه يفرج همه , ومالقى الا الوظيفة او الابتعاث , يعني خيار واحد من الاثنين , انا انصحه الوظيفة, الابتعاث يتعوض , الوظيفة ماتتعوض بسهولة !!!

 

[Hawzn Sa]

على كذا مره وضعه صعب .. مشكور ابو تركي

 

[Ali Alshammari]

الوظيفة افضل له من وجهة نظري من الابتعاث,

 

[Hawzn Sa]

اوكي راح انشخ تعليقاتكم واعطيها هوا

 

[Hawzn Sa]

بجد مشكورين مررررررررا

 

[Ali Alshammari]

بالتوفيق له يارب

 

[Hawzn Sa]

ليه كذا تقولوا ان الوظيفة افضل .. حرام هو مره تعبت وكثير متمسك فيها حتى مايفكر يقبل هالوظيفة

 

[Ali Alshammari]

واحد من مساعي المبتعث هو الحصول على وظيفة, يعني تسخير الابتعاث بغرض الحصول على عمل , وحتى هنا بامريكا هذي نظرتهم بخصوص الدراسات العليا , يسمونها "التعليم الافضل بعرض الحصول على العمل الحياتي المناسب" بمعنى طالما تحقق الهدف الاساسي , تبقى الاهداف الاخرى مع عامل الوقت مصيرها ان شاء الله تتحقق , لكن في اولويات بالحياة.
وعشان ارسملك الصورة بنمط وسطي بين المثالية والواقعية , المبتعث عرضه لمواجهة الكثير من العقبات في حياته الاكاديمية , ماقبل الدراسة , اثناء الدراسة , ومابعد التخرج, بمعنى هناك من هو حاصل على درجات علمية عالية وفي تخصصات جيدة ولم يجد الوظيفة المناسبة لاسباب مختلقة له.
فانا ارجع واقوله كثير من المبتعثين الي رجعوا تركوا بعثتهم ومسكوا بعملهم كانوا متمسكين اول بالابتعاث , لكن بجلسة صادقة مع النفس وبحسبة بسيطة عقلانية غيروا تفكيرهم , وانا نفسي مريت بظروف مشابهه لهالظروف قبل كذا , فاللي حبيته وفضلته لنفسي احب وافضله لغيري , والله ييسرلي وله ولكل مسلم الخير في اي مكان ومن اين ماكان.

 

[Hawzn Sa]

شكور مره بس في رد من سعوديون في امريكا .. جاء الان انه عادي يقبل الوظيفة