نزلت هالموضوع اللي من المفروض انه ينزل من زمااااان الا وهو...

[Basem Alharbi]

نزلت هالموضوع اللي من المفروض انه ينزل من زمااااان الا وهو

الضحك على بعض بخصوص اغلاط بعض

شاعر ها حلو الموضوع اعجبني ههههههههههههههه
بصراحه الموضوع دا كبير ومتشعب انا نزلته هنا لانه ابي حلول يستفاد منها انا وغيري

تصدقون هذي المشكله من يوم جيت كندا وانا الاحظها واعاني منها انا وغيري كثير انه احنا السعوديين لمن نغلط بترجمه او نتكلم بكلمة بغير موقعها اقصد للغه الانجليزيه نجلس نتريق على بعض والصينين والاجانب يعدلو لبعض ويعلمو بعض الاغلاط واحنا نجلس محشات ولا ونمسكها عليك كمان
والله هذي من اكبر المعوقات التي تواجهنا نحن طلاب اللغه اتمنى نطرح الحلول اتمنى
اين الحلووووووووووووووووول

 

[Moteeb Alanazi]

نصيحه أخويه .. لآ تمشي مع سعوديين إلآ إذآ أتقنت اللغه .. أو على الأقل بس بالويكند تقآبلهم .. وصدقني رآح تحس إنك متطور لأن الشي هذآ يحبطك ولآزم تبعد عنهم .. وبالتوفيق للجميع يآرب ..

 

[Fahad Alanazi]

عادي يا قلبوه الخطاء وارد والمفروض اللي يخطئ يتعلم من خطائه عاد اذا علقنا عليه من باب المحبه وانا اخوك وتعرف الغربه تحتاج لبعض الترفيه واكيد القلوب نظيفه وعلى قولتهم كل دقه بتعليمه

 

[Saad Althawab]

بالعكس اشووف انه مافيها شي والخطاء وارد ويمكن الشخص هذا يتعلم من خطاءه ولا عاد يخطي فيه مره ثانيه بحكم ان زملاءه علقوو عليه وضحكو فعاادي مافيها شي اذا قلت طيب علمووني كيف الصح. وبكذا انت تتعلم ولاعااد تغلط فيها مره ثانيه.اما كلمة انك تقول شوف شوف هذي اللي تحطمك وتجيب لك المرض اذا انت من نفسك تجراءت وتعلمت وغلطت مره مرتين مافيها شي وعدلت خطاءك هذا الكلام.

 

[Mohmmad Malki]

مافيها شئ يا بطل شوف الاجانب كيف ينطقو العربية ونضحك عليهم لكن مع الوقت راح تحس بالفرق بينك وبين اللي يتريق ! اقسم بالله ياما غلطت بس لغتي جيدة احسن من زملائي في العمل ودائماً ينادوني لان اغلب المرضى اجانب الحمدلله رغم اني مااخدت دورة ولا شئ وانتا عارف حال الانقلش في المدارس سيئ

 

[Mohd Almuhaimid]

اللي أشوفه يا شباب (وجهة نظر) ... ان من أحد مقوّمات تعلّم أي لغّة هي الثقة بالنفس ... يوم يخطي الواحد ويشوف اللي سمع كلامه يضحك عليه حتى لو من باب المزح ,, ما عاد يتجرّأ يقول شي ثاني مرة ثانية .. لأنك أضعفت ثقته بنفسه وصار يفكر قبل ما يتكلم إنو لو تكلّمت راح يضحكون علي وأشياء زي كذا يعني ويكتفي بالسكوت ,, حتى لو كان اللي قاله صح ... يا جماعة إحنا خير أمة أخرجت للناس (وتعاونوا على البر والتقوى) ... ومعليش يا فهد اذا تسمحلي ارد عليك ,,, في اشاء كثيرة تضحّك غير هالطريقة وأنت نفسك ياللي تضحط (ما اقصدك يا فهد) أنت نفسك يوم تجي تتكلم مع حقين اللغة الأصليين تلقاك ما جبت الكلمة بالشكل المطلوب (مهما تمكّنت من اللغة) لأنها ماهي لغتك الأم واكيد راح تسمع كلمات جديدة ... ويا سعد يا غالي .. بسألك وش الصح إوإنها أكثر استفادة, اذا ضحكت عليه وبعدين علمته ولا اذا علمته على هداوة بينك وبينه وشرحتله شلون يصلّح خطأه ؟؟؟ (بكل منطقية وانا اخوك) .... يا جماعة لا تحسبون ان كل الناس الله خلقهم واحد في الأحاسيس والمشاعر والتفكير وطريقة المعالجة ... يمكن انت بضحكتك تكون هي القشّة التي قسمت ظهر البعير ... يعني انت تضحك وخويك يضحك واذا راح للمطعم يطلب ضحكوا عليه واذا راح للمدرسة ضحكوا عليه .. وجيت أنت كمّلتها وقلت شي او علّقت عليه والرجال اخذ قرار بأن يرجع لأنه ما قاعد يستفيد وأن الكل مهما تعلّم راح, يضحكون عليه ... كذا أنت تكون تسببت في تحطيم واحد كان ممكن في يوم من الأيام يكون شيء في المجتمع وأنت كنت السبب في اكمال مسيرته ......
عموما يا شباب اعذروني اذا كان تعليقي أكبر من الموضوع نفسه لكن وربّي ما تكلّمت هالشي لين شفت واحد من الشباب بعيني (جاي متحمّمّمّمّمّمّس ع الدراسة ويشتري كتب وياخذ مدرسين خصوصي وقعدنا نظحك عليه كل ما أخطأ وألحين هو رجع للسعودية بكل خيبة أمل (وربّي إنّي ندامن على كل شي والى يومك ذا وانا اعتذرله لأني حاس بالذنب) ... فلا تقيسون الأمور كما تراها أنت ,,

 

[Mohmmad Malki]

كل شخص وقدراته ولا يحاول يتقرب من السعودين لان الطلعات والفله لها وقتها في الويك إند رغم اني ما انصح إلا في المناسبات الدينية والوطنية وان سنحت الفرصة مو على طول تدورلهم .. حاول تحتك في أهل البلد الأصليين صحيح ما راح تنطق الكلمة زي ما بينطقوها لكن حتتعلم الأكسنت مع مرور الوقت ولا تخجل اتكلم بلكنتهم لا تتكلم بلكنتك كسعودي لكن فرق اللغة غلط

 

[Basem Alharbi]

اخوي محمد المحيميد اهنيك واحييك بجد هذا اللي كنت ابي اقوله وخانني التعبير واشكرك بعنف على مشاركتك الطيفة ولا يهونون الجميع