السلام عليكم ورحمة الله وبركاته ....اخواني اتمنى تفيدوني عن هذي الجامعات من...

[Waad AL]

السلام عليكم ورحمة الله وبركاته ....اخواني اتمنى تفيدوني عن هذي الجامعات
من ناحية الولايه ومستوى المعهد وايهما افضل جامعه من ناحية تخصص (موارد بشريه)
-sand Diego state university
-university of california riverside
-georgia south western state university
-georgia southern state university
وهل اهذه الجامعات تعطي قبول نهائي لطلاب البكالريوس عند انتهاءهم من المعهد دون اختبار الايلس والتوفل....اتمنى كل من لديه معلوما عن هذه الجامعات يفيدني
ولكم جـــــــــــــــــــزيل الـــــــــــشكــــــر

 

[Waad AL]

ياللله مافي احد عندوه معلومه عن هادي الجامعات

 

[Bandar Mohd]

السلام عليكم، اولا احب اسال على اي اساس اخترتي الجامعات هذي؟ هل بحثتي بناءا على تخصص الموارد البشرية؟ لانه انا شيكت عليهم كلهم من ناحية وجود واعتماد تخصص الموارد البشرية (بكالوريس) في موقع الوزارة لكل الجامعات وللاسف ولا وحده منهم معتمد عندهم هذا التخصص. فنصيحتي لك لما تبحثي عن اي جامعة اول شي تسوينه انك تتاكدي انه التخصص معتمد من قبل وزارة التعليم العالي في موقعهم. احيانا ممكن يكون فيه تحديث ويكون فعلا التخصص هذا تم اعتماده لاحد الجامعات ولاكن حالينا نمشي على الواضح امامنا، الا اذا كان وضعك مختلف يعني بتدرسي على حسابك مثلا فا كذا شي راجع لك وتختلف كل الموازين. اما بالنسبه للولاية انا اقدر اتكلم عن كاليفورنيا، من تجربتي الشخصية كاليفورنيا من اجمل الولايات من ناحية جو (معتدل اغلب السنه لابرد شديد ولا حر شديد) من ناحية تمشية ووناسه (كل شي متوفر ودخل الولاية قايم على السياحه) وشعبها برضه طيبين و نسبة الاختلاط فيها عالية من ناحية الجنسيات الكثيره اللي تعيش فيها وهذا يخفف من نسبة العنصرية وانا شخصيا ولله الحمد ماسبق وحصل لي اي موقف، عيبها الوحيد غلاها ولاكن (الزين غالي) الاجارات غالية يعني الشقق مثلا (غرفه وصالة ودورة مياه (اكرمك الله) ومطبخ) ممكن تبدى من 1000$ الى 1800$ حسب المدينه والموقع والمواصفات اجار فقط بدو فواتير. الضرائب عاليه برضه تقريبا من 8.5% الى 10% تختلف من مقاطعه لاخرى ولاكن بشكل عام انا لي قرابة 3 سنوات فيها عشت سنه في جنوبها في مدينه اسمها ثاوزند اوكس Thousand Oaks قريبه لي لوس انجلس، والان عايش قريب ل سان فرانسسكو وهي في الشمال والحمد لله جدا مرتاح. طبعا بالنسبه للجامعات اللي انت حاطتها تقييماتها كويسه اللي في كاليفورنيا حقت سان دييقو تقييمها 164 و ريفر سايد تقييمها 97 على امريكا. الاثتين في جورجيا مقيمينهم بس بدون رقم (مدري ليش). وهذا تقييم الجامعات فقط، في حاجه ابيك تنتبهي لها في التقييم كل جامعة تقييمها يعتمد على شغلتين الاول تقييمها على مستوى امريكا (الجامعة نفسها) الثاني تقييم الكلية (كلية العلوم الادارية او البزنس) يعني مع الاخذ بعين الاعتبار انه ممكن يكون تقييم جامعة مثلا 100 ممكن كلية البزنس عندهم تكون 10 على امريكا فخذي الشي هذا بعين الاعتبار. اذا تبيين تبحثي عن تقييم اي جامعة الطريقة سهلة جدا بس اكتبي اسم الجامعة في قوقل وبعدها اكتبي Ranking وفي الغالب اول لنك بيطلع لك حيكون يحوي المعلومات اللي تبينها. واتنمى اني افدتك وبالتوفيق

 

[Waad AL]

الله يسعد ك اخوي bandar ويعطيك العافيه والجامعات هاذي مكتب جابها ليا وقالي اختاري منهم وعلى كلاموه جميعهم معترف فيها من قبل التعليم العالي ...بس حاب اسألك انت قولتلي التخصص مو معترف في التعليم العالي ولكن قرار ابتعاثي دراسة (موارد بشريه) هل يجب علي تغير التخصص ولك جزيل الشكر

 

[Bandar Mohd]

لا لا، التخصص موجود بس في الجامعات هذي غير موجود مثلا هو موجود في الجامعات هذي: SAN FRANCISCO STATE UNIVERSITY / SAN JOSE STATE UNIVERSITY هذوي بس (مثالين) انا متاكد انه فيه اكثر تبي تعرفين ادخلي على موقع وزارة التعليم العالي، اختاري التعليم بالخارج بعدين الجامعات الموصى بها بيطلع لك صفحة البحث حددي الخيارات اللي هي الدولة: امريكا \ الولاية مثلا كاليفورنيا (وتقدري تخلي الخيار مفتوح على كل امريكا بعدم تحديدي ولاية) \ المدينه: لاتحددي\ نوع الجامعه: لاتحددي\ اسم الجامعه: لاتحددي\ وضع الجامعة: لاتحددي\ اسم التخصص: ممكن تكتبي Business Administration, Human Resource Management او Human Resource Management\ واخير المرحلة: طبعا البكالوريس وبعد كذا راح تظهر لك كل الجامعات المعتمدة وهذا للنك البحث علشان يسهل عليك البحث https://ru.mohe.gov.sa/univ.aspx?uc... Resource Management&catid=0&certid=3&stid=-1 وبالتوفيق

 

[Abdullah Z Almjdal]

التخصص مقفل من الملحقيه

 

[Bandar Mohd]

وشو اللي مقفل، انت تقصد تخصص الموار البشرية لانه على كلام الاخت وعد عندها قرار ابتعاث بهذا التخصص فسؤالي كيف يعطوها قرار ابتعاث فيه اذا هم اصلا مقفلينه؟

 

[Abdullah Z Almjdal]

مقفل من الملحقيه بس اللي في البرنامج يمكن لا

 

[Waad AL]

اخوي بندر يعطيك العافيه ..انا بحثت عن جامعة ساند يقو في موقع التعليم العالي ومو موجود اي معلومه متعلقه عن الجامعه هل هذا يعني بأنها غيرمعترف فيها وشكرا

 

[Bandar Mohd]

معليش بس وش قصدك انه مو موجود اي معلومة عنها؟ جامعة سان دييقو موجوده من ضمن الجامعات اللي في قائمة الوزارة للراغبين بالدراسه فيها. بس التخصص اللي اتي ترغبين الدراسه فيه غير معترف فيه من قبل الوزارة لمرحلة البكالوريس