صباح الخيرات أنا مسافره لأمريكا اهم شي انو الويندوز يكون اصلي ؟ يعني عادي...

[Fno Essa]

صباح الخيرات
أنا مسافره لأمريكا
اهم شي انو الويندوز يكون اصلي ؟
يعني عادي لو الاوفس تقليد ؟
ياريت احد يفيدني

 

[Albeshi Jebryl]

لا مو عادي... اذا اكتشفو اي برنامج مقلد انتي في ورطه اكرر اذا اكتشفو.. فا الحرص واجب

 

[Fno Essa]

مشكور اخي ع التنبيه بس كيف احصل ع الاصدار الاصلي

 

[Albeshi Jebryl]

من مكتبة جرير

 

[Osama Al-Ghamdi]

ارفع البرامج على احد مواقع الرفع وخل الوندوز اصلي ولماتوصل امريكا نزل البرامج الى رفعتها على جهازك

 

[Hatim Al Hasani]

والله انا كمبيوتري كلو نسخ و جوال مسوي له جيلبرك وقبل ما سافر النااس خوفتني و انتبه ومني عارف ايش دخلت امريكا ولاحد قلي هات لاب توبك والا جوالك . القلق طبيعي

 

[Osama Al-Ghamdi]

بس الحذر واجب لعلمك الاغنيه الوحده المو اصليه يدفعونك عليها 250 دولار لو عرفو

 

[Albeshi Jebryl]

زي ماقلنا الحرص واجب

 

[Fno Essa]

صحيح زي ماقلت الحرص واجب

 

[Jawharah Tabbakh]

فنو حبيبي اسمعي كلامي.. احسن شي حطي لاب توبك في وحده من الشنط اللي بتروح للشحن واقفلي الشنطة بقفل.. وريحي دماغك من هم التفتيش ومادري شنو
وربي انا سويت زي كده لما جيت على فانكوفر
وارتحت ولا شلت هم شي
رغم انو كان فيه تفتيش على اللاب توبات لما نزلت ترانزيت في مطار ألمانيا

 

[Jawharah Tabbakh]

وشفت الناس اللي شايلين معاهم اللاب تبعهم.. طلبوا منهم يفتحو اجهزتهم لما مريت من التفتيش بألمانيا

 

[Ranoo Almarawani]

صباح الورد فنوو توصلي بالسلامة يارب موفقة أختي بس حبيت أقلكـ لوتشتري لااب من هناكـ وتستخدميهـ أفضل ليكي من الكلام اللي مالو داعي لانوا بجد رح تتعبي وربنا ييسر ليكي قلبؤؤ

 

[Jawharah Tabbakh]

اما جوالي معايا جالاكسي S2 ولا أحد سأل عن الجوال ولا كان في تفتيش أساسا
لا تخافي ياقلبي.. سوي زي ما قلت لك واستودعي الشنط عند الله
وتوصلي بالسلامة إن شاء الله يارب

 

[Albeshi Jebryl]

كلام الاخت جواهر كويس اشحنيها.. واذا على الوزن امسحي البرامج الي مو اصليه وخلاص ونزليها في امريكا... بس ما انصح بشرا كمبيوتر من امريكا لانه بدون كيبورد عربي

 

[Jawharah Tabbakh]

حتى انا ما انصح بشراء لاب توب من أمريكا.. الافضل انك تشحينها وتريحي راسك من القلق والخوف من التفتيش

 

[Jawharah Tabbakh]

انا عن نفسي قفلت الشنط تبعي بقفل وغلفتها في المطار.. واستودعتها عند الله وحطيتها بالشحن
والحمدلله وصلت فانكوفر ولا أحد قال لي أي كلمة على الشنط
رغم اني تعبت ومريت بصعوبات طوال رحلتي من جده الى فانكوفر
بس ما اقول غير الحمدلله على كل حال وصلت فانكوفر بالسلامة
واليوم كملت 9 أيام من جيت على فانكوفر

 

[Fno Essa]

مشكوره ياقلبي لانه والله من جد شايله هم البرامج دي
ربي ييسرها وتعدي ع خير

 

[Jawharah Tabbakh]

الشكر لله ياقلبي
لا تخافي حبيبي وربي الموضوع ما يستحق القلق دا كلو..
انا قلت لك تجربتي.. واللي سار معايا بس
وإن شاء الله يارب اكون افدتك بشي ينفعك
وبالتوفيق
وتوصلي بالسلامة يااارب

 

[Fno Essa]

الله يسلمك يا عسل تسلميلي