في كم سؤال محيرني شويتين : أول شي الأبلكيشن اللي نعبيه في الطيارة ... يوزعوه...

[Sultan Ashour]

في كم سؤال محيرني شويتين :
أول شي الأبلكيشن اللي نعبيه في الطيارة ... يوزعوه كل شركات الطيران في الطيارة ولا إذا أحد سافر على خطوط تانية غير الخطوط السعودية يطلبها ولا كيف وضعها ..؟؟

تاني شي ناوي أجيب معايا تمر لرمضان الله يبلغنا رمضان وياكم سالمين غانمين .. طبعا التمر حيكون مغلف ومكتوب عليه تاريخ الإنتهاء بس ناوي أجيب معايا معسل وجراك المعسل مالو تاريخ إنتهاء إش الحل ؟؟؟؟

وإش أكتب في الأبلكيشن شيشة ولا معسل ؟؟ لأنو سمعت إنو لازم تكتبها في الأبلكيشن اللي يوزعوه في الطيارة عشان لو شافوها في المطار لا يعملو عليها محضر وكدا ...

 

[Abdullah Z Almjdal]

كل خطوط الطيران توزع الابلكشن ... والمعسل ماادري ...

 

[Ghadi Al]

بابا جاب معا شيشه و جراك ولا كتبنا شي في الابلكشن و عادي ماقالو شي

 

[Sultan Ashour]

خايف ما أكتبها في الأبلكيشن ولو فتشو الشنط ولقوها يعملولي مهرجان عشان أنا لحالي يعني مو عيلة >_>

 

[Ghadi Al]

مدري والله بس نحنا ماكلمونا

 

[Sultan Ashour]

بالتساهيييييل الله يعديها على خير أدعولي بس تجي الفيزا بدري بعد أسبوع مقابلتي في السفارة

 

[Rana Khayyat]

اسأل واكتبها احسن لانو اعرف لو واحد لحالو يدققو اكتر من لو كانت عيلة

 

[Malek ALtheyabi]

الخطوط السعودية .. بصراحة جيت عليها ووزعوا الابلكيشن ُ.. وخدمتهم حلوه .. / عاد مدري عن الخطوط الثانيةةة ُ.. بالتوفيق لك ُ

 

[Abrar An]

انا زوجي جاب معاه 2 كيلو جراك وارقيلة وماكتبنا قي الورقة بس كتبنا اكل وجبت تمر وبهارات واشياء كتير ومشونا وللمن سالونا قلنا في اكل معانا وفتشت الشنطة وماقالت شي وقلنا للحرمة معانا( هوكا وتوباكو) هما كدا يسموها قالت اتز اوكي

 

[Abdullah Almohammadi]

الله يسهلك ويفكك من هالخبيث ان شاء الله ^_^ واشوف صحتك عال العال ^^ احنا الحجازيه بلانا الله بالشيشه بكل بيت + المعسل

 

[Sara Alsuf]

طيب لي ماخذ بس ابزار بسموكثيره وكريمات طبيه زي العلاج يكتب وهالورقه لكل شخص ولا اذا كانت عائلة بس ورقه

 

[Sultan Alkhaldi]

الورقة هذي لجميع الاشخاص الاجانب نفسنا يعني ؟؟ ويااختي سارة اذا كان عندك كريمات (علاج) نصيحه مني خذي لك وصفة طبية فيها من دكتورك انك عندك المرض الفلاني مثلا وانتي تستخدمينه علشان يعالج الشغله الفلانية وتكون بالانجليزي افضل كذا ويكون وضعك في السليم ان شاء الله والله يشفيك ويشفي جميع المسلمين يارب

 

[Sultan Ashour]

أشكر الجميع دون إستثناء ..
سارة جوابك إن شا الله يفيدوكي فيه أنا مالي خبرة ..
سلطان الورقة تتوزع علي كل اللي يجي على أمريكا والورقة دي مهمة جدا لو ضيعتها رجعت بلدك ممكن تنحرم من دخول أمريكا خمسة سنين.

 

[Sultan Alkhaldi]

حبيبي وانا ايش قلت من قبل لجميع الاشخاص الاجانب ؟؟ ركز على كلامي عدل ؟؟ ههههههههههه

 

[Ghadi Al]

نحنا جبنا اكل و ادويه و الشيشه و الجراك ولا كتبنا شي في الورقا D:

 

[Sultan Alkhaldi]

ماادري والله بس انا هذا رايي الشخصي وانا احب ان يكون وضعي في السليم ؟

 

[Sultan Ashour]

حبيبي إذا إنت كاتب الكلام وقدامو علامات إستفهام يعني بتسأل .. أنا رديتلك الورقة تتوزع على الجميع سواءا أجانب أو سعوديين ..

ترا في شي إسمو آداب الحوار مو مهزلة كل شي تضحك عليه ما شفت أي شي يستدعي الضحك .... وفي شي إسمو فاصلة ونقطة وإستفهام وتعجب مو كل شي إستفهام الله يسعدك ياريت إنتا اللي تركز وإنتا تكتب عشان الناس تفهم عليك .

 

[Sultan Alkhaldi]

حبيبي سلطان انا هذا اسلوبي عاجبك اوك ... مو عاجبك الله يستر عليك انا عندي اهم شي ان سارة فهمتني عدل وبالنسبة لك اذا بتطالع كل واحد واسلوبه راح تتعب مااقول الا الله يهديك بس وانا عندي سؤال لك يعني الاجنبي في امريكا (يعتبر سعودي) ؟؟ انا اقصد تتوزع على كل الاجانب سواء سعوديين او كويتين او هندي ان شاء الله هذا معناة الاجنبي اذا كنت ماتعرف اللغه العربية عدل لاتجلس تتناقش مع احد وبالنسبة للضحكه مااعتقد ان فيه شي ممنوع لو ضحكت انت مو قدام وجهي علشان تقول لي اداب الحوار ؟ انت تكلم عدل واسلوبك عدله وهذيك الساعه علم الناس اداب الحوار وبالنسبة للاستفهام جميع الموجودين عارفين طريقتي بس الظاهر انك جديد على الموقع مااقول الا الله يهديك ويجزيك كل خير يارب

 

[Sultan Ashour]

"رحم الله إمرء عرف قدر نفسه"..!!

 

[Fofeta Al]

الله يصلحكم ويهديكم لازم نهايه كل موضوع مضاربه الاعضاء اللي يدقق علي كل صغيره وكبيره ما بيتحمل الغربه لاحول ولا قوه الا بالله