A
Ali Alshammari
:: مسافر ::
قبل فترة كان عندنا طالبة امريكية جننتني تقول ابوديك لقرية عندنا واوريك شي غريب بحياتك كلها ماشفته قلت طيب, عاد ودتني لمطعم عندهم يبيع سندوتشات ويلفها بورق جرايد, بس طعمه فنان , تقول شفت كيف ؟ شكله يقرف بس فنان !! قلت بنفسي اجل لو اوريك الجمرية عندنا يجيلك شلل نصفي على كذا !! عاد مرة علمتها شلون تسمي قبل الاكل , تقولي انتم عندكم بالسعودية لما توكلوا بالمطاعم كلكم تقولوا "بسم الله" برضو؟ قلت اي نعم وفي مطاعم نقول " حسبنا الله ونعم الوكيل بعد !"
A
Ali Alshammari
:: مسافر ::
ياخي طالبه عندنا مصفوقة مرة جبت قهوة وقهويت الفصل وقلتلهم ذي قهوة عربية قعدت تسألني انت عربي ؟ بعد 4 شهور الهبله وحنا مقابلين بعض من الصبح لليل !! قلت لا مكسيكي وشرايك يعني؟! واحد اخر اسمه الشمري من وين يكون يعني ؟ من شمر امريكا ؟ , وقعدت تسألني عندكم مكدونلدز ؟ طيب عندكم سب وي ؟ طيب انتم فسقانين ؟ طيب انتم الواحد يتزوج عندكم اربع حريم , ومن هالسوالف اللي الشباب ماشاء الله عليهم مالهم سالفه غيرها.
A
Ali Alshammari
:: مسافر ::
عاد هي مستغربه شلون المطعم ذا يلف الاكل بجرايد !! قلت يابنت الحلال لو تشوفين الجمريه عندنا بيجيلك شلل نصفي , ولا التميس اللي للحين ماادري والله شلون يلصق داخل الفرن ومايطيح , لا وصارلنا 400 سنة وحنا بس ناخذ ونحط على كراتين مدري الافغاني من وين جايبها ونجي مروحين للبيت وناكل نصه بالطريق !!