M
Mahmoud Samir Bedair
:: مسافر ::
تعرف ايه عن اندونيسيا
اكيد سمعت حد بيتكلم عن جاكارتا او بالى؟
طب تسمع عن بركان برومو؟ تسمع عن معابد يوجياكورتا؟
10- اندونيسيا
عدد سكانها حوالي 238 مليون ,رابع اكبر دولة من حيث عدد السكان، وأكبر عدد سكان في العالم من المسلمين سكانا و مساحة . مكونة من 17508 جزيرة، 6000 منها مأهولة أكبرها جاوة وسومطرة .تعتبر الاقتصاد رقم 18 على العالم.المصريين بيدخلوها بتاشيرة بتتاخد في المطار هناك بسهوله. الجنيه المصري بيساوي ٧٠٠ روبيه.
موقعها الجغرافى مميز جدا لانها حلقة ربط بين اسيا و استراليا فى اقصى جنوب شرق اسيا عند خط الاستواء تماما و ده بيخلى الطقس استوائي.
اندونيسيا مش بس بتتمتع بطبيعه رائعة بيساعد عليها مساحتها الكبيرة والجزر الكتير, كمان ليها تاريخ عريق و حضارة لحد 3000 سنة ق.م. و فيها وجدوا اقدم هيكل عظمى فى التاريخ عمره 500000سنة (انسان جاوه) يكفى انك تعرف ان الاستراليين بيسيبوا بلدهم و يروحوا يصيفوا فى بالى.
جوهرة السياحة فى اندونيسيا هى جزيرة بالى, كبيره جدا و ميكفيهاش ولا شهر لوحدها , مثلا وسط بالى منطقة اوبود فيها مزارع الارز المدرجه الخضراء اللى فى كل مكان و المعابد المتنوعة و القصورالملكية و المناطق التجارية و مناطق الصناعات اليدوية و غابات القرود و حديقة الافيال حتكتشفوا ان النشاطات اللى ممكن تتعمل فى اوبود لوحدها لا نهائية و حتكتشفوا ان اوبود كانها متحف كبير لانهم محافظين على تراثهم جدا هناك حتى الرقصة البالية الشهيرة اللى بتحكى تاريخهم لازم تحضروها فى اى مسرح شعبى و تعيشوا السحر اللى فيها.
فى بالى فى الجنوب فى منطقتين اسمهم كوتا و دينباسار مميزين جدا لرياضات الغطس و السنوركلينج و التجديف و فيها اختراع اسمه marine walk بيعيشك جو خيالى فى عمق المحيط بانك تقدر تنزل زي الغطاسين بتوع زمان اوى تتمشي على ارضية المحيط و تتفاعل مع الكائنات البحرية انا جربتها وكانت وهميه ده غير ان المنطقة دى فيها شواطىء رملية و صخرية ممتازه و مياه نقية جدا.
اللى يروح بالى لازم يجرب يعوم مع الدلافين و يركب الافيال مهما كلفته ولو مجنون مغامرات ممكن يجرب يطلع طلعة لبركان ايجن النشط اهم مزار بركانى سياحى فى العالم عشان يشوف ال blue lava النادرة.
انا شخصيا روحت بركان تانى شهير جدا اسمه برومو فى مدينة سورابايا و ده اللى حابب يعرف قصته ليها بوست لوحدها.
في كمان مدينة يوجيا كارتا المميزه و فيها اشهر معابد اندونيسيا و كهف جومبلانج الخطير.
و فى النهاية مننساش جاكارتا العاصمة , هى ممكن تكون مملة شوية لانها عاصمة ادارية لكنها بتعبر جدا عن التطور الاقتصادى و المعمارى فى البلد فيها جامع الاستقلال من اكبر الجوامع فى العالم و كاتدرائية جاكارتا العملاقة و ساحة موناس و اشهر حاجه رحلة الالف جزيرة و اللى حابب يشوف اكتر ممكن يزور مدينة بوجور العاصمة القديمة بالقرب من جاكارتا اللى فيها القصر الملكى و حديقته من اجمل حدائق العالم حديقة الغزلان.
اندونيسيا يا جماعه كبيرة جدا و بصراحه بوست واحد ميكفيهاش بلد اكتر من روعه و شعبها كويس نوعا ما خصوصا بالى انصح اللى عايز يروح حاجه فى اسيا يروحها.
استمتعوا بالصور و تابعونى
اكيد سمعت حد بيتكلم عن جاكارتا او بالى؟
طب تسمع عن بركان برومو؟ تسمع عن معابد يوجياكورتا؟
10- اندونيسيا
عدد سكانها حوالي 238 مليون ,رابع اكبر دولة من حيث عدد السكان، وأكبر عدد سكان في العالم من المسلمين سكانا و مساحة . مكونة من 17508 جزيرة، 6000 منها مأهولة أكبرها جاوة وسومطرة .تعتبر الاقتصاد رقم 18 على العالم.المصريين بيدخلوها بتاشيرة بتتاخد في المطار هناك بسهوله. الجنيه المصري بيساوي ٧٠٠ روبيه.
موقعها الجغرافى مميز جدا لانها حلقة ربط بين اسيا و استراليا فى اقصى جنوب شرق اسيا عند خط الاستواء تماما و ده بيخلى الطقس استوائي.
اندونيسيا مش بس بتتمتع بطبيعه رائعة بيساعد عليها مساحتها الكبيرة والجزر الكتير, كمان ليها تاريخ عريق و حضارة لحد 3000 سنة ق.م. و فيها وجدوا اقدم هيكل عظمى فى التاريخ عمره 500000سنة (انسان جاوه) يكفى انك تعرف ان الاستراليين بيسيبوا بلدهم و يروحوا يصيفوا فى بالى.
جوهرة السياحة فى اندونيسيا هى جزيرة بالى, كبيره جدا و ميكفيهاش ولا شهر لوحدها , مثلا وسط بالى منطقة اوبود فيها مزارع الارز المدرجه الخضراء اللى فى كل مكان و المعابد المتنوعة و القصورالملكية و المناطق التجارية و مناطق الصناعات اليدوية و غابات القرود و حديقة الافيال حتكتشفوا ان النشاطات اللى ممكن تتعمل فى اوبود لوحدها لا نهائية و حتكتشفوا ان اوبود كانها متحف كبير لانهم محافظين على تراثهم جدا هناك حتى الرقصة البالية الشهيرة اللى بتحكى تاريخهم لازم تحضروها فى اى مسرح شعبى و تعيشوا السحر اللى فيها.
فى بالى فى الجنوب فى منطقتين اسمهم كوتا و دينباسار مميزين جدا لرياضات الغطس و السنوركلينج و التجديف و فيها اختراع اسمه marine walk بيعيشك جو خيالى فى عمق المحيط بانك تقدر تنزل زي الغطاسين بتوع زمان اوى تتمشي على ارضية المحيط و تتفاعل مع الكائنات البحرية انا جربتها وكانت وهميه ده غير ان المنطقة دى فيها شواطىء رملية و صخرية ممتازه و مياه نقية جدا.
اللى يروح بالى لازم يجرب يعوم مع الدلافين و يركب الافيال مهما كلفته ولو مجنون مغامرات ممكن يجرب يطلع طلعة لبركان ايجن النشط اهم مزار بركانى سياحى فى العالم عشان يشوف ال blue lava النادرة.
انا شخصيا روحت بركان تانى شهير جدا اسمه برومو فى مدينة سورابايا و ده اللى حابب يعرف قصته ليها بوست لوحدها.
في كمان مدينة يوجيا كارتا المميزه و فيها اشهر معابد اندونيسيا و كهف جومبلانج الخطير.
و فى النهاية مننساش جاكارتا العاصمة , هى ممكن تكون مملة شوية لانها عاصمة ادارية لكنها بتعبر جدا عن التطور الاقتصادى و المعمارى فى البلد فيها جامع الاستقلال من اكبر الجوامع فى العالم و كاتدرائية جاكارتا العملاقة و ساحة موناس و اشهر حاجه رحلة الالف جزيرة و اللى حابب يشوف اكتر ممكن يزور مدينة بوجور العاصمة القديمة بالقرب من جاكارتا اللى فيها القصر الملكى و حديقته من اجمل حدائق العالم حديقة الغزلان.
اندونيسيا يا جماعه كبيرة جدا و بصراحه بوست واحد ميكفيهاش بلد اكتر من روعه و شعبها كويس نوعا ما خصوصا بالى انصح اللى عايز يروح حاجه فى اسيا يروحها.
استمتعوا بالصور و تابعونى