A
Ahmed Abdel Basset
:: مسافر ::
اكلمكم النهاردة بقا عن Bali اندونيسيا خصوصا ان فيه اهتمام زايد بيها اليومين دول انا اول اعرف عن Bali كان فيلم بتاع جوليا روبرتس eat pray & love الصراحة ماكنتش سمعت ولا قريت عنها قبل كدة ولما شفت الطبيعة و الشواطئ فى الفيلم حطيتها فى دماغى و حليت ازورها بس لما اروح المالديف الاول .. انا بتاع المالديف فاكرينى؟! المهم تشاء الظروف و الجوابات انى اقابل ست اندونيسية فى المالديف و اتعرفت عليها و اخر الرحلة قالتلى ابقا جرب تيجى Bali لأنها حلوة زى المالديف و أرخص كتير ، المهم ربنا يسرها وجاتلى فلوس وقلت لازم اروح و تواصلت مع الصديقة الإندونيسية و ظبطت الكلام و هى الصراحة ساعدتنى جدا وجابتلى سعر كويس الفندق معقول فى منطقة semniyak ودى وسط البلد و حيوية جدا وزيها kuta و nusa duaa ودى مناطق كلها أسواق و مطاعم و ومحلات و مولات والشوارع بتسهر هناك و الحياة حلوة ورايقة وشعب اخر لطافة المهم هى طيران حوالى ١٣ ساعة من الامارات وترانزيت ماليزيا و خللى بالك ماضيعش وقت لان المطار كبيييير و عشان تروح التيرمينال للطيارة التانية هتركب مترو من جوة المطار للناحية التانية المهم وصلت مطار بالى ومشيت ممشا طويييل عقبال ما وصلت للجوازات وانا فى اعتقادى هدخل بفيزا عند الوصول وتلاقيها ١٠ دولار ولا حاجة لاقيتهم ختمولى الباسبور وقالولى اتفضل طبعا انا انشكحت جدا لان اخيرا حسيت ان باسبورى ليه قيمة المهم وصلت الصالة وكانت الصديقة مستنيانى وكانت ماجرالى عربية حوالى ٥٥ دولار فى اليوم و دى مهمة جدا لان التاكسى غالى وهتلاقى نفسك فى الاخر بتدفع اكتر عشان أغلب يومك برة و تروح وتيجى و دى عربية تحت ايديك طول اليوم اخدتنى طبعا كنت وصلت بليل و جعان قولتيلها سي فود وش راحت واخدانى شاطىء منطقة جيمباران وهو كله مطاعم جنب بعض وتدخل تنقي السمك و جمبرى و كل السي فود إللى عايزة و هو يشويهالك وبتروح انتا تقعد على الشاطىء مفروش ترابيزات و أضواء حلوة وليلة و احلى موقف هناك كانت فرقة بتعزف على كل ترابيزة شوية و تديلوا بقشيش بسيط لقيتوا جاى علينا وبيسالها على جنسيتى فلاقيتوا بيقولى اهلا وسهلا ياباشا قولتلوا يخربيتك طلعتلى منين المهم طلع انه زار مصر و قعد فى شرم الشيخ فترة و هوب لقيتوا بيغنيلى حبيبى ينور العين وهتلاقوا الفيديو مع البوست طبعا مقدرش اوصفلوكوا سعادتى خصوصا قاعد وسط جنسيات كتييير جدا فى المكان دة طبعا السي فود ياجماعة قصة تانية جمبرى جامبو وكاليمارى و محار تحفة الكابوريا مش حلوة هى كبيرة اوى و لونها بنى بس تفتحها تلاقيها فاضية فكك منها الاكل عامة رخيص بس فى المكان دة فاصل شوية كيلو الجامبو كان ٨٠ روبية بس لقيتوا أرخص فى اماكن تانية بس هى القعدة تستاهل الصراحة و الدولار يعمل حوالى ١٢٠٠٠ روبية انا فكيت ٤٠٠ دولار عملوا ٤ مليون و شوية طبعا هريت نفسى اكل و مش هبالغ لو قلت انى اكلت ٣ كيلو جمبرى جامبو فى ٦ ايام دة غير الكاليمارى و السمك و المحار عموما الاكل هناك رخيص و متنوع و لذيذ جدا ومطاعم كتييير ، بعد كدة وصلتنى الفندق و كان بحوالى ٥٠ دولار الليلة طبعا فى أسعار متفاوتة بس انا مكنتش عايز هوستيل لكن فى ناس كتير هناك بتاجر اوض فى بيوتها للسياح عادى ودى اكيد انضف من هوستيل وبتبقى حوالى ٢٥ او ٣٠ دولار وبتوصل ل ١٠٠ لو أسرة ويبقى ليك مطبخ و حمام لوحدك و حجرة معيشة لأنها بتبقى بيوت او فلل المهم نمت قتيل طبعا وصحيت الصبح فطرت بالفندق وجاتلى صديقتى بالعربية و طلعنا على شاطىء balangan beach uluwatu و دة شاطىء حلو و فاضى بس صخرى شوية مش للعوم بس فيه أشكال صخرية حلوة قعدت فيه شوية لحدما اتحمصت ☻ و جعت راحت واخدانى إلى singlefin bar and restaurant الفخيم والرائع عشان ناكل ونشوف الغروب و دايما الناس تروح هناك تشوف الغروب لأنه على مرتفع صخرى و قدامك البحر و جنبك هضاب خضرة جميلة و جو ممتاز و موسيقى حلوة وانصحك تشرب عصير بطيخ و تاكل البيتزا بتاعتهم بعد ما اكلنا و الدنيا ضلمت و على فكرة القعدة بليل حلوة بردوا جدا طلعنا على ال beachwalk الموجود فى منطقة kuta و المول بتاعه لذيذ جدا و جزء كبير منه open air وفيه شجر وزرع وقعدنا اتعشيت فى مطعم يابانى بس بصراحة ماشبعتش رحت واكل جمبرى مقلى فى المطاعم المول بس القعدة بتاعتهم برة جنب الشارع و بيتش ووك و خلص اليوم على كدة و سامحوني زهقت من الكتابة على التليفون بس لسة فى اماكن حلوة تانية هكملكوا عليها بكرة ان شاء الله ويارب الصور تعجبكوا سلام 
لا لازم نروح تاني وامرنا لله :-D