M
Mohamed Ata Abdallah
:: مسافر ::
مساء الخير ... حبيت اشارككم تجربتي في ماليزيا
في ٣ مدن زرتها في رحلتي دي هنزل تقرير عن كل مدينة فتقرير منفصل وهما : كوالالمبور -- جزيرة لينكاوي -- جزيرة بينانج
رحلتي في كوالالمبور :
نزلت المطار واستقبلني مرشد مصري هنا من الجروب كلمته قبل مسافر بصراحة كنت مقلق انه يكون بيشتغلني او نصاب او او او حاجات كتير بتدور ف دماغنا احنا المصريين ... بس قلت اجرب واهو واحد اعرف اتكلم معاه ويفهمني .. المهم استقبلني وبصراحة كان احساس حلو انك تلاقي ابن بلدك مستنيك ف بلد غريب اول مرة تروحه .. روحنا الفندق صن واي لاجون في سلانجور وكانت الساعة حوالي ١٢ بليل واكتشفت ان فيه مشكلة في ماليزيا عموما .. وهيا ان مفيش محل صرافة او مكنة سحب بتفتح بعد الساعة ١٠ بليل الا قليل اوي .. طبعا مكنش معايا رنجت خالص والفندق محتاج مني فلوس تأمين غير اني محتاج اجيب عشا ليا ولمراتي وابني ..
سكنت مراتي وابني فالفندق ونزلنا نلف عالصرافات مفيش حاجة فاتحة لقيت المرشد اللي معايا راح جابلي عشا من كنتاكي علي حسابه وانا اصلا محاسبتوش لسة علي مشواره وبيقولي حاسبني بكرة عادي لما الصرافات تفتح ... بصراحة مصدقتش ان لسة في حد بالاخلاق دي ... بس حاسبته بالعملة اللي معايا تقريبا عشان هوة مش احسن مني
المهم تاني يوم انا روحت ملاهي صن واي لاجون وكانت لازقة فالفندق علي طول وكانت جميلة بس ملعبتش العاب كتير لانها كانت زحمة عشان كان يوم سبت ودة اجازة عندهم ...
تالت يوم طلعت طيران داخلي علي لينكاوي لمدة ٣ ايام وبعدها طيران داخلي لجزيرة بينانج ٣ ايام وبعدها طيران داخلي علي كوالالمبور ( هنتكلم علي لينكاوي وبينانج في تقارير منفصلة )
رجعت كوالا يوم السبت الساعة ١ الظهر تقريبا ومسافر يوم الثلاثاء يعني مكنش قدامي الا السبت والاحد والاتنين عايز اروح فيهم اكبر قدر ممكن من الاماكن واعمل شوبينج وكنت متلخبط ابدأ ازاي ... استقبلني المرشد السياحي من المطار وروحنا الفندق بارك رويال كوالالمبور وحطينا الشنط وطلعنا كملنا بقيت اليوم كالاتي:
روحنا جبنا تذاكر للمنارة والاكواريا واتفرجت علي محل للاعشاب جنب منه بس قلت هجيب منه اللي انا عايزه فآخر يوم .. واتحركنا بدأنا بالاكواريا ( حديقة اسماك ) كانت تحفة واتبسطنا جدا فيها وحلوة جدا جدا للاطفال . وبعدها روحنا المنارة وطلعنا واتصورنا وكانت بتمطر والمنظر كان تحفة من فوق ... خلصنا واتحركنا للبرجين بس مرضتش اطلع كنت عايز بس اتصور جنبه وخلاص عشان عايز الحق السوق الصيني وفعلا خلصنا واتحركنا للسوق الصيني وكان المرشد السياحي معانا واحنا بنلف ومسبناش دقيقة وكان في حاجات جميلة واسعارها مش وحشة بس منصحش حد يشتري الكترونيات من هناك رغم انها رخيصة بس اي كلام .. اللبس والاكسسوارات والبرفانات والاحذية هناك حلوة ... خلص اليوم
بدأنا الجولة التانية يوم الاحد مع المرشد وخدنا كهف باتو وبعدها مرتفعات الجنتنج وطريقها جميل جدا وانت طالع الجبل وسط السحب والغابات .
طلعنا الجبل وخدنا التلفريك ونزلنا عند محطة المعبد الصيني وزيطنا صور هناك وبعدين كملنا التلفريك لحد المول اللي فوق بجد حاجة وهم انك تشوف مدينة فوق الجبل بالمنظر دة ومنصحش حد عنده فوبيا زيي من الاماكن العالية انه يبص تحته
المهم دخلنا المول ولفينا جوة وعملنا شوية شوبينج ... هو مش انا اللي عملت شوبينج بصراحة المدام هيا اللي دخلت المحلات وانا قاعد انا وصديقي المرشد ( بقينا صحاب خلاص ) برة ولما زهقت من الانتظار طبعا استسلمت وقعدت عالارض منتظر فرج ربنا ( متصور تحت ) ...
خلصنا الحمدلله الشوبينج ونزلنا تاني بالتفريك
وميتيين من الجوع ...
فجأة ... ليكو فالسمك؟ .... لينا في السمك طبعا دة انا ممكن اكلك شخصيا ...
طلعنا علي مطعم سمك في الجبل في وسط بحيرة ... مطعم سمك حكااااااية ... نزلت عنه بوست قبل كدة فالجروب ... بحيرة سمك تحت منك وكابوريا وجمبري واستاكوزا صاحيين وبيتعملك الاكل طازة ....
انا بجد كلت احلى اكلت سمك كلتها فحياتي بدون اي مبالغة واللي هيروح ويجرب المطعم دة هيعرف الكلام دة وخصوصا الاستاكوزا وخلو بالكم في واحد هناك اسمه حسين بيفهم عربي كويس لازم تستعينو بيه عشان في كذا طريقة لعمل السمك عندهم واحيانا بيحطو حاجات مسكرة زي العسل متخلهوش يحطها هبقي انزلكو صور المطعم وحسين متصور معانا عشان تعرفو شكله...المطعم دة بجد اكتشاف رائع من المرشد اللي كان معانا كان تايه ف يوم والطريق خده للمطعم دة
خلصنا العشا وطلعنا عالفندق وخلص اليوم التاني
تالت يوم بأة طلعنا على أفا موسى ( حديقة حيوانات وسفاري) والمرشد اللي معانا كان جايبلنا التذاكر ارخص من اللي لقيناها هناك بحوالي ٢٠ رنجت للتذكرة
دخلنا لفينا جوة ف عربية قفص ولفينا عالحيوانات وبعدها روحنا جزيرة القرود وبعدها روحنا ركبنا الفيل وطلعنا علي عرض ( الكاو بوي ) كان جميل جدا واتبسطنا كلنا بيه لدرجة اني صورته كله فيديو لايف
خلصنا وطلعنا على الاوت ليت هناك قريب منه في حاجات حلوة جدا وعليها تخفيضات حلوة بجد ميتفوتش ... لفينا فيه علي كل المحلات وطلعنا بعدها عالتايم سكوير عشان اجيب شوية هدايا ... التايم سكوير دة عامل زي السوق الصيني بنسبة كبيرة من ناحية الاسعار واللف فيه متعة بجد ..
خلصت رحلتي في كوالا
وعمري مهنسى جدعنة وأمانة المرشد اللي كان معايا بالمناسبة هو اسمهOsama El Bably نزلت بوستات قبل كدة بشكره فيها
اشكرك انك مسبتنيش ولا لحظة وفضلت معايا بالتليفون حتي في لينكاوي وبينانج
اشكرك علي صراحتك وصدقك وامانتك معايا
انا جيت ماليزيا وانا معرفكش وسبتها وانت صاحبي واخويا
انا برشح اسامة لاي حد هيروح ماليزيا وخاصة كوالالمبور اخلاق وأمانة ورجولة واسعار جولات مش غالية ...
اسيبكم بقي مع الصور ...
في ٣ مدن زرتها في رحلتي دي هنزل تقرير عن كل مدينة فتقرير منفصل وهما : كوالالمبور -- جزيرة لينكاوي -- جزيرة بينانج
رحلتي في كوالالمبور :
نزلت المطار واستقبلني مرشد مصري هنا من الجروب كلمته قبل مسافر بصراحة كنت مقلق انه يكون بيشتغلني او نصاب او او او حاجات كتير بتدور ف دماغنا احنا المصريين ... بس قلت اجرب واهو واحد اعرف اتكلم معاه ويفهمني .. المهم استقبلني وبصراحة كان احساس حلو انك تلاقي ابن بلدك مستنيك ف بلد غريب اول مرة تروحه .. روحنا الفندق صن واي لاجون في سلانجور وكانت الساعة حوالي ١٢ بليل واكتشفت ان فيه مشكلة في ماليزيا عموما .. وهيا ان مفيش محل صرافة او مكنة سحب بتفتح بعد الساعة ١٠ بليل الا قليل اوي .. طبعا مكنش معايا رنجت خالص والفندق محتاج مني فلوس تأمين غير اني محتاج اجيب عشا ليا ولمراتي وابني ..
سكنت مراتي وابني فالفندق ونزلنا نلف عالصرافات مفيش حاجة فاتحة لقيت المرشد اللي معايا راح جابلي عشا من كنتاكي علي حسابه وانا اصلا محاسبتوش لسة علي مشواره وبيقولي حاسبني بكرة عادي لما الصرافات تفتح ... بصراحة مصدقتش ان لسة في حد بالاخلاق دي ... بس حاسبته بالعملة اللي معايا تقريبا عشان هوة مش احسن مني
المهم تاني يوم انا روحت ملاهي صن واي لاجون وكانت لازقة فالفندق علي طول وكانت جميلة بس ملعبتش العاب كتير لانها كانت زحمة عشان كان يوم سبت ودة اجازة عندهم ...
تالت يوم طلعت طيران داخلي علي لينكاوي لمدة ٣ ايام وبعدها طيران داخلي لجزيرة بينانج ٣ ايام وبعدها طيران داخلي علي كوالالمبور ( هنتكلم علي لينكاوي وبينانج في تقارير منفصلة )
رجعت كوالا يوم السبت الساعة ١ الظهر تقريبا ومسافر يوم الثلاثاء يعني مكنش قدامي الا السبت والاحد والاتنين عايز اروح فيهم اكبر قدر ممكن من الاماكن واعمل شوبينج وكنت متلخبط ابدأ ازاي ... استقبلني المرشد السياحي من المطار وروحنا الفندق بارك رويال كوالالمبور وحطينا الشنط وطلعنا كملنا بقيت اليوم كالاتي:
روحنا جبنا تذاكر للمنارة والاكواريا واتفرجت علي محل للاعشاب جنب منه بس قلت هجيب منه اللي انا عايزه فآخر يوم .. واتحركنا بدأنا بالاكواريا ( حديقة اسماك ) كانت تحفة واتبسطنا جدا فيها وحلوة جدا جدا للاطفال . وبعدها روحنا المنارة وطلعنا واتصورنا وكانت بتمطر والمنظر كان تحفة من فوق ... خلصنا واتحركنا للبرجين بس مرضتش اطلع كنت عايز بس اتصور جنبه وخلاص عشان عايز الحق السوق الصيني وفعلا خلصنا واتحركنا للسوق الصيني وكان المرشد السياحي معانا واحنا بنلف ومسبناش دقيقة وكان في حاجات جميلة واسعارها مش وحشة بس منصحش حد يشتري الكترونيات من هناك رغم انها رخيصة بس اي كلام .. اللبس والاكسسوارات والبرفانات والاحذية هناك حلوة ... خلص اليوم
بدأنا الجولة التانية يوم الاحد مع المرشد وخدنا كهف باتو وبعدها مرتفعات الجنتنج وطريقها جميل جدا وانت طالع الجبل وسط السحب والغابات .
طلعنا الجبل وخدنا التلفريك ونزلنا عند محطة المعبد الصيني وزيطنا صور هناك وبعدين كملنا التلفريك لحد المول اللي فوق بجد حاجة وهم انك تشوف مدينة فوق الجبل بالمنظر دة ومنصحش حد عنده فوبيا زيي من الاماكن العالية انه يبص تحته
المهم دخلنا المول ولفينا جوة وعملنا شوية شوبينج ... هو مش انا اللي عملت شوبينج بصراحة المدام هيا اللي دخلت المحلات وانا قاعد انا وصديقي المرشد ( بقينا صحاب خلاص ) برة ولما زهقت من الانتظار طبعا استسلمت وقعدت عالارض منتظر فرج ربنا ( متصور تحت ) ...
خلصنا الحمدلله الشوبينج ونزلنا تاني بالتفريك
وميتيين من الجوع ...
فجأة ... ليكو فالسمك؟ .... لينا في السمك طبعا دة انا ممكن اكلك شخصيا ...
طلعنا علي مطعم سمك في الجبل في وسط بحيرة ... مطعم سمك حكااااااية ... نزلت عنه بوست قبل كدة فالجروب ... بحيرة سمك تحت منك وكابوريا وجمبري واستاكوزا صاحيين وبيتعملك الاكل طازة ....
انا بجد كلت احلى اكلت سمك كلتها فحياتي بدون اي مبالغة واللي هيروح ويجرب المطعم دة هيعرف الكلام دة وخصوصا الاستاكوزا وخلو بالكم في واحد هناك اسمه حسين بيفهم عربي كويس لازم تستعينو بيه عشان في كذا طريقة لعمل السمك عندهم واحيانا بيحطو حاجات مسكرة زي العسل متخلهوش يحطها هبقي انزلكو صور المطعم وحسين متصور معانا عشان تعرفو شكله...المطعم دة بجد اكتشاف رائع من المرشد اللي كان معانا كان تايه ف يوم والطريق خده للمطعم دة
خلصنا العشا وطلعنا عالفندق وخلص اليوم التاني
تالت يوم بأة طلعنا على أفا موسى ( حديقة حيوانات وسفاري) والمرشد اللي معانا كان جايبلنا التذاكر ارخص من اللي لقيناها هناك بحوالي ٢٠ رنجت للتذكرة
دخلنا لفينا جوة ف عربية قفص ولفينا عالحيوانات وبعدها روحنا جزيرة القرود وبعدها روحنا ركبنا الفيل وطلعنا علي عرض ( الكاو بوي ) كان جميل جدا واتبسطنا كلنا بيه لدرجة اني صورته كله فيديو لايف
خلصنا وطلعنا على الاوت ليت هناك قريب منه في حاجات حلوة جدا وعليها تخفيضات حلوة بجد ميتفوتش ... لفينا فيه علي كل المحلات وطلعنا بعدها عالتايم سكوير عشان اجيب شوية هدايا ... التايم سكوير دة عامل زي السوق الصيني بنسبة كبيرة من ناحية الاسعار واللف فيه متعة بجد ..
خلصت رحلتي في كوالا
وعمري مهنسى جدعنة وأمانة المرشد اللي كان معايا بالمناسبة هو اسمهOsama El Bably نزلت بوستات قبل كدة بشكره فيها
اشكرك انك مسبتنيش ولا لحظة وفضلت معايا بالتليفون حتي في لينكاوي وبينانج
اشكرك علي صراحتك وصدقك وامانتك معايا
انا جيت ماليزيا وانا معرفكش وسبتها وانت صاحبي واخويا
انا برشح اسامة لاي حد هيروح ماليزيا وخاصة كوالالمبور اخلاق وأمانة ورجولة واسعار جولات مش غالية ...
اسيبكم بقي مع الصور ...