M
Mandela Mando
:: مسافر ::
تجربتي في جورجيا (الجزء التاني)
بص ياسيدي اهم شئ لازم يكون معاك شوية برامج مهمه وانت مسافر علشان تساعدك ومن وجهة نظري دي اهم برامج حتحتاجها
اولا برنامج booking ده مهم جدا جدا علشان عن طريقه حتقدر تحجز المكان اللي حتقعد فيه وطبعا ده برنامج سهل جدا ومفيد جدا. ظبط حجز الهوستيل او الفندق او الشقة المناسبه ليك وكمان تقدر تحجز بدون اي مصاريف وتقدر تلغي الحجز كمان ببلاش (اقرأ تفاصيل الحجز) وكمان تشوف تفاصيل الغرف وموقع المكان والمرافق والخدمات
ثانيا برنامج Google maps وطبعا ده غني عن التعريف وتبقي نزل خريطة البلد من خلال خيار (المناطق غير المتصلة offline areas) علشان تقدر تستخدمه بدون اتصال نت وعلي فكرة تقدر تشغل GPS بدون اي اتصال نت خالص (معلومة اكيدة والله)
ثالثا برنامج Google translate ونزل اللغة العربية والإنجليزية والجورجية والروسية علشان تقدر تتعامل مع الناس في البلد لان معظم الشعب لا يتحدث الإنجليزية(لما تنزل اللغات تقدر تستعمله بدون نت)
رابعا برنامج TripAdvisor علشان يعرفك ايه اهم الاماكن والمعالم وكل المعلومات عن البلد وحاجات تانيه كتير جدا جدا.
وانت مسافر خلي ورقك جاهز ويكون في ايدك وانت داخل علي ظابط المطار (باسبور +الفيزا +وثيقة تأمين +حجز المكان طول فترة الاقامة) بعد ماتعدي وتاخد شنطتك حتلاقي مكان تغير منه عملة نصيحة بدل 50 دولار فقط علشان في وسط البلد حتلاقي اسعار احسن وبعدين 50 دولار حيكفوك وزيادة لحد ماتوصل. بعد كده اشتري خط تليفون حتلاقي 3 شركات جوه المطار انا اتعاملت مع شركة magti (شبكتها قوية جدا والنت قوي) واشتركت في باقة نت 6 جيجا ب15 لاري وشحنت رصيد ب2 لاري وطبعا كفوني وزياده لمدة 11 يوم واتأكد ان الخط اشتغل والنت شغال قبل ماتمشي.
اول ماتخرج من باب المطار ابعد عن سواقين التاكسي علشان نصابين وحتدفع فلوس ياما علي الفاضي. استني اتوبيس 137 بيعدي من امام باب المطار كل 15 او 20 دقيقة طول اليوم وكمان بيلف كل البلد اول ماتركب اسأل السواق عن العنوان اللي انت رايحه وهوه حينزلك اقرب مكان ليه وتكلفة الاتوبيس نص لاري فقط (انا ركبت مع سواق تاكسي من المطار الي الهوستيل ب80 لاري). اول ماتنزل اقرب محطة لمكان الاقامة شغل GPS وافتح خريطة جوجل وحط علامة علي الخريطة وسميها اي اسم سهل ليك علشان لو توهت بعد كده تعرف توصل. بعد كده روح الهوستيل بتاعك وشوف غرفتك ولو ماعجبتكش تقدر تشوف مكان تاني عن طريق booking وبعد ماتريح شوية انزل اتمشي في البلد وروح اقرب محطة مترو ليك واشتري كارت المواصلات ب2 لاري واشحنه ب5 لاري مبدأيا وكل مايخلص تقدر تشحنه من اي محطة (الكارت ده للمترو والباص والقطار والتليفريك بسعر رمزي جدا) وشوف معالم البلد واكتشف براحتك البلد امان جدا وسهلة اوى ادخل المطاعم والكافيهات واعرف الاسعار وشوف كمان اقرب سوبر ماركت ليك واعرف اسعار الصرافة حواليك (خلي بالك علشان بعض الصرافات بتاخد عمولة من 9% الي 12%) وكل مكان يعجبك حطله علامة علي الخريطة علشان لما تحب توصله تاني.
لما ترجع الهوستيل بتاعك ابدأ حط خطه لتاني يوم علشان تعرف حتعمل ايه وحتزور ايه.
الجزء الجاي حعرفك ازاي تعمل رحلات وتزور اشهر الاماكن بأقل التكاليف.
ملحوظة لو حتستعمل الكريديت كارد وانت مسافر بلغ البنك بتاعك قبل ماتسافر علشان الكريديت يشتغل معاك بره(خلي بالك بياخدو عمولة 7% للسحب النقدي وعمولة 4%في حالة المشتريات )
#اتلحلح_وسافر
#السفر_متعة
بص ياسيدي اهم شئ لازم يكون معاك شوية برامج مهمه وانت مسافر علشان تساعدك ومن وجهة نظري دي اهم برامج حتحتاجها
اولا برنامج booking ده مهم جدا جدا علشان عن طريقه حتقدر تحجز المكان اللي حتقعد فيه وطبعا ده برنامج سهل جدا ومفيد جدا. ظبط حجز الهوستيل او الفندق او الشقة المناسبه ليك وكمان تقدر تحجز بدون اي مصاريف وتقدر تلغي الحجز كمان ببلاش (اقرأ تفاصيل الحجز) وكمان تشوف تفاصيل الغرف وموقع المكان والمرافق والخدمات
ثانيا برنامج Google maps وطبعا ده غني عن التعريف وتبقي نزل خريطة البلد من خلال خيار (المناطق غير المتصلة offline areas) علشان تقدر تستخدمه بدون اتصال نت وعلي فكرة تقدر تشغل GPS بدون اي اتصال نت خالص (معلومة اكيدة والله)
ثالثا برنامج Google translate ونزل اللغة العربية والإنجليزية والجورجية والروسية علشان تقدر تتعامل مع الناس في البلد لان معظم الشعب لا يتحدث الإنجليزية(لما تنزل اللغات تقدر تستعمله بدون نت)
رابعا برنامج TripAdvisor علشان يعرفك ايه اهم الاماكن والمعالم وكل المعلومات عن البلد وحاجات تانيه كتير جدا جدا.
وانت مسافر خلي ورقك جاهز ويكون في ايدك وانت داخل علي ظابط المطار (باسبور +الفيزا +وثيقة تأمين +حجز المكان طول فترة الاقامة) بعد ماتعدي وتاخد شنطتك حتلاقي مكان تغير منه عملة نصيحة بدل 50 دولار فقط علشان في وسط البلد حتلاقي اسعار احسن وبعدين 50 دولار حيكفوك وزيادة لحد ماتوصل. بعد كده اشتري خط تليفون حتلاقي 3 شركات جوه المطار انا اتعاملت مع شركة magti (شبكتها قوية جدا والنت قوي) واشتركت في باقة نت 6 جيجا ب15 لاري وشحنت رصيد ب2 لاري وطبعا كفوني وزياده لمدة 11 يوم واتأكد ان الخط اشتغل والنت شغال قبل ماتمشي.
اول ماتخرج من باب المطار ابعد عن سواقين التاكسي علشان نصابين وحتدفع فلوس ياما علي الفاضي. استني اتوبيس 137 بيعدي من امام باب المطار كل 15 او 20 دقيقة طول اليوم وكمان بيلف كل البلد اول ماتركب اسأل السواق عن العنوان اللي انت رايحه وهوه حينزلك اقرب مكان ليه وتكلفة الاتوبيس نص لاري فقط (انا ركبت مع سواق تاكسي من المطار الي الهوستيل ب80 لاري). اول ماتنزل اقرب محطة لمكان الاقامة شغل GPS وافتح خريطة جوجل وحط علامة علي الخريطة وسميها اي اسم سهل ليك علشان لو توهت بعد كده تعرف توصل. بعد كده روح الهوستيل بتاعك وشوف غرفتك ولو ماعجبتكش تقدر تشوف مكان تاني عن طريق booking وبعد ماتريح شوية انزل اتمشي في البلد وروح اقرب محطة مترو ليك واشتري كارت المواصلات ب2 لاري واشحنه ب5 لاري مبدأيا وكل مايخلص تقدر تشحنه من اي محطة (الكارت ده للمترو والباص والقطار والتليفريك بسعر رمزي جدا) وشوف معالم البلد واكتشف براحتك البلد امان جدا وسهلة اوى ادخل المطاعم والكافيهات واعرف الاسعار وشوف كمان اقرب سوبر ماركت ليك واعرف اسعار الصرافة حواليك (خلي بالك علشان بعض الصرافات بتاخد عمولة من 9% الي 12%) وكل مكان يعجبك حطله علامة علي الخريطة علشان لما تحب توصله تاني.
لما ترجع الهوستيل بتاعك ابدأ حط خطه لتاني يوم علشان تعرف حتعمل ايه وحتزور ايه.
الجزء الجاي حعرفك ازاي تعمل رحلات وتزور اشهر الاماكن بأقل التكاليف.
ملحوظة لو حتستعمل الكريديت كارد وانت مسافر بلغ البنك بتاعك قبل ماتسافر علشان الكريديت يشتغل معاك بره(خلي بالك بياخدو عمولة 7% للسحب النقدي وعمولة 4%في حالة المشتريات )
#اتلحلح_وسافر
#السفر_متعة
