M
Mahmoud Fagy
:: مسافر ::
هحكيلكوا عن رحله سيوه اللي بصراحه لما روحتها قررت اروحها تاني و تالت
هي فعلا زي ما سماها الاديب بهاء طاهر " واحه الغروب "
اولا المدينه بسيطه جدا جدا و هتلاقي نفسك انفصلت عن المدنية بعماراتها ولا دوشتها
اول ما هتروح المدينه و هتنزل في الفندق اللي عاده بيكون مبني من الحجر الملحي او الطمي بتاع البحيرة و دايما الفندق بتلاقي فيه عين ماية
نيجي بقى للمزارات اللي فيها
قلعه شالي او مدينه شالي القديمه و دي اول مدينه اتبنت في سيوه في القرن الثاني عشر و هي دلوقتي عباره عن انقاض و اثر مهم في سيوه
جبل الموتى و ده فيه بعض المقابر الفرعونيه و فيه مقبره مفتوحه تقدر تدخلها و بيكون معاك الدليل اللي بيشرحلك كل حاجه
بحيرات الكريستال او بحيرات الملح و هي عبارة عن بحيرات و مناجم استخراج الملح و هتشوف فيها تدرج الوان للماية رهيب جنب اللون الابيض للملح
جبل الدكرور و ده جبل اتبنى عليهقريه صغيره زمان و حاليا هو مكان بيقام فيه الاحتفال بعيد السياحه كل سنه في سيوه و في قمته هتشوف بانوراما لمدينه سيوه من كل الاتجاهات
معبد التنبوءات او او معبد كهنه امون و فيه قاعه تتويج الاسكندر الاكبر لما كهنه امون اوهموا الاسكندر انه يبقى ابن الاله امون و تم تتويج في المعبد ده و في نفس المدينه اللي فيها المعبد ده هتلاقي معبد امون
حمام كليوبترا ( عين جوبا ) و جوبا باللغه الهيروغليفية تعني الشمس يعني دي عين شمس , ميزة العين دي انها في الشتا دافيه و في الصيف ساقعه و طبعا موجوده في وسط اشجار النخيل و مناظر تحفه
نيجي بقى للاستجمام و الروقان و ده بيكون في جزيرة فطناس منظر الغروب هناك تحفه
اجمد رحلة بقى في سيوه هي مغامرة السفاري في بحرح الرمال بعربيات الجيب مرورا ببير واحد و ده بير مايه ساخنه و كمان فيه في الصحرا بحيرة اسمها البحيرة الساقعة و دي ساقعة صيف شتا , و الاجمد بقى هو التخييم في كامب الصحرا بليل و منظر النجوم اللي مغطيه السما و تشرب شاي بحشيشه الليمون او زي ما بيسموها " اللويزا "
الفنادق:
الفنادق هناك كتير و درجات مختلفه منها اغلى فنادق العالم فندق ادرير اميلال و ده فندق بيئي و سرايره ريش نعام بس الليله فيه ب 500 دولار - ملناش دعوه بيه
لكن في فنادق تانيه كتير بأسعار مختلفه و كويسه زي شالي ريزورت و قصر الزيتونه و دريم لودج و دي اسعارها متوسطه و في فنادق تانيه رخيصه منها الكويس و منها مش اد كده بس هتقضي الغرض للي عايز يروح بتكلفه قليله زي فندق سيوه إن مثلا
نيجي بقى للاكل , اهم حاجه :
هناك مطعمين من اشهر المطاعم في سيوة هما مطعم عم عبده للمشويات و ده بجانب المشويات بيعمل الكسكسي باللحمه بطريقه رهيبه و ماتنساش تحلي عنده بفطيرة البحل ( حاجه كده زي الابل باي بس بالبلح ) , المطعم التاني هو مطعم البابنشال عند مدبنه شالي و ده مطعم مبني بالطمي السيوي و مشهور جدا بطاجن الفراخ بالزيتون و شوربه العدس و الملوخية السيوي اللي لحد دلوقتي ملقيتش زيها و الاكل هناك اكثر من رائع و مش هتدفع كتير
في هناك كمان مطعم و كامب اسمه ريلاكس على البحيرة بس بصراحه مجربتوش
و اشهر اكله هناك هي فراخ ابو مردم و دي فراخ بتتشوي مع الخضار في برميل مدفون في الرمل بس تحفه
سيوه مغامرة رائعة فيها السفاري و فيها الاستجمام و فيها الهايكينج الخفيف و الاثار الفرعونية و فيها الزيتون و البلح و التوابل بانواع كتير و اسعار تحفه و فوق كل ده اهلها طيبين جدا و هيرحبوا بيك من اول ما تروح سيوه
سيوه هتلاقي فيها شبكات الموبيل كلها حتى في اماكن كتير في الصحرا بس مفيهاش فروع لشركات المحمول هناك , و في بنك واحد هناك هو بنك القاهرة و ماكينتين ATM تقدر تسحب منهم بفيزا اي بنك
سيوه مفيهاش حشرات زاحفه او اي زواحف و زي ما بيقولوا عليها ( No life zone ) و ده لطبيعه ارضها المالحه
الجو هناك حر الصبح و برد جدا بالليل في الشتا و مفيش مطر هناك في الشتا و في الصيف حر جدا الصبح و جو لطيف جدا بالليل عشان كده احسن وقت تروح فيه سيوه من شهر اكتوبر لشهر ابريل
اتمنى اكون غطيت شويه معلومات عن سيوه و لو عندكوا اي حاجه عايزين تعرفوها اتفضلوا اسألوا
هي فعلا زي ما سماها الاديب بهاء طاهر " واحه الغروب "
اولا المدينه بسيطه جدا جدا و هتلاقي نفسك انفصلت عن المدنية بعماراتها ولا دوشتها
اول ما هتروح المدينه و هتنزل في الفندق اللي عاده بيكون مبني من الحجر الملحي او الطمي بتاع البحيرة و دايما الفندق بتلاقي فيه عين ماية
نيجي بقى للمزارات اللي فيها
قلعه شالي او مدينه شالي القديمه و دي اول مدينه اتبنت في سيوه في القرن الثاني عشر و هي دلوقتي عباره عن انقاض و اثر مهم في سيوه
جبل الموتى و ده فيه بعض المقابر الفرعونيه و فيه مقبره مفتوحه تقدر تدخلها و بيكون معاك الدليل اللي بيشرحلك كل حاجه
بحيرات الكريستال او بحيرات الملح و هي عبارة عن بحيرات و مناجم استخراج الملح و هتشوف فيها تدرج الوان للماية رهيب جنب اللون الابيض للملح
جبل الدكرور و ده جبل اتبنى عليهقريه صغيره زمان و حاليا هو مكان بيقام فيه الاحتفال بعيد السياحه كل سنه في سيوه و في قمته هتشوف بانوراما لمدينه سيوه من كل الاتجاهات
معبد التنبوءات او او معبد كهنه امون و فيه قاعه تتويج الاسكندر الاكبر لما كهنه امون اوهموا الاسكندر انه يبقى ابن الاله امون و تم تتويج في المعبد ده و في نفس المدينه اللي فيها المعبد ده هتلاقي معبد امون
حمام كليوبترا ( عين جوبا ) و جوبا باللغه الهيروغليفية تعني الشمس يعني دي عين شمس , ميزة العين دي انها في الشتا دافيه و في الصيف ساقعه و طبعا موجوده في وسط اشجار النخيل و مناظر تحفه
نيجي بقى للاستجمام و الروقان و ده بيكون في جزيرة فطناس منظر الغروب هناك تحفه
اجمد رحلة بقى في سيوه هي مغامرة السفاري في بحرح الرمال بعربيات الجيب مرورا ببير واحد و ده بير مايه ساخنه و كمان فيه في الصحرا بحيرة اسمها البحيرة الساقعة و دي ساقعة صيف شتا , و الاجمد بقى هو التخييم في كامب الصحرا بليل و منظر النجوم اللي مغطيه السما و تشرب شاي بحشيشه الليمون او زي ما بيسموها " اللويزا "
الفنادق:
الفنادق هناك كتير و درجات مختلفه منها اغلى فنادق العالم فندق ادرير اميلال و ده فندق بيئي و سرايره ريش نعام بس الليله فيه ب 500 دولار - ملناش دعوه بيه
لكن في فنادق تانيه كتير بأسعار مختلفه و كويسه زي شالي ريزورت و قصر الزيتونه و دريم لودج و دي اسعارها متوسطه و في فنادق تانيه رخيصه منها الكويس و منها مش اد كده بس هتقضي الغرض للي عايز يروح بتكلفه قليله زي فندق سيوه إن مثلا
نيجي بقى للاكل , اهم حاجه :
هناك مطعمين من اشهر المطاعم في سيوة هما مطعم عم عبده للمشويات و ده بجانب المشويات بيعمل الكسكسي باللحمه بطريقه رهيبه و ماتنساش تحلي عنده بفطيرة البحل ( حاجه كده زي الابل باي بس بالبلح ) , المطعم التاني هو مطعم البابنشال عند مدبنه شالي و ده مطعم مبني بالطمي السيوي و مشهور جدا بطاجن الفراخ بالزيتون و شوربه العدس و الملوخية السيوي اللي لحد دلوقتي ملقيتش زيها و الاكل هناك اكثر من رائع و مش هتدفع كتير
في هناك كمان مطعم و كامب اسمه ريلاكس على البحيرة بس بصراحه مجربتوش
و اشهر اكله هناك هي فراخ ابو مردم و دي فراخ بتتشوي مع الخضار في برميل مدفون في الرمل بس تحفه
سيوه مغامرة رائعة فيها السفاري و فيها الاستجمام و فيها الهايكينج الخفيف و الاثار الفرعونية و فيها الزيتون و البلح و التوابل بانواع كتير و اسعار تحفه و فوق كل ده اهلها طيبين جدا و هيرحبوا بيك من اول ما تروح سيوه
سيوه هتلاقي فيها شبكات الموبيل كلها حتى في اماكن كتير في الصحرا بس مفيهاش فروع لشركات المحمول هناك , و في بنك واحد هناك هو بنك القاهرة و ماكينتين ATM تقدر تسحب منهم بفيزا اي بنك
سيوه مفيهاش حشرات زاحفه او اي زواحف و زي ما بيقولوا عليها ( No life zone ) و ده لطبيعه ارضها المالحه
الجو هناك حر الصبح و برد جدا بالليل في الشتا و مفيش مطر هناك في الشتا و في الصيف حر جدا الصبح و جو لطيف جدا بالليل عشان كده احسن وقت تروح فيه سيوه من شهر اكتوبر لشهر ابريل
اتمنى اكون غطيت شويه معلومات عن سيوه و لو عندكوا اي حاجه عايزين تعرفوها اتفضلوا اسألوا