N
Najah Ahmad
:: مسافر ::
تجربتي في إثينز:
طبعا أول مانزلنا مطار واشنطن رحنا الملحقية ( وهذي غلطة ) قالوا لنا مايحتاج تجوا إجراءات فتح الملف كلها تتم عن طريق النت .
بعدين رحنا لكولومبوس و أخذنا تاكسي يوصلنا للأثينز ( المسافة تقريبا ساعه ونص أو ساعتين و المبلغ كان 150 دولار غالي ) لمن وصلنا استأجرنا فندق - طبعا الفنادق اللي أعرفها اثنين :
1- ohio university inn ميزته قريب من الجامعه ممكن تروح لها مشي ( ينفع للي وصلوا بعد بداية الدراسة بس ماعندهم سيارة بس عيبه غالي 100 أو 150 دولار لليوم الواحد ) . 2-وفندق paymont ( ماينفع تروح للجامعة مشي يمكن يمر عليه الباص ( ماعندي خلفية ) بس أشوف إنه ينفع للي وصلوا قبل الدراسة ميزته أرخص 50دولار لليوم ).
جلسنا بالفندق 3 أيام لحد مارحنا للجامعة وبلغناهم بوصولنا و سويت بطاقة الجامعة و دورنا على سكن مناسب - طبعا ماعندنا مواصلات اخترنا يكون سكن قريب و مجمع سكني عشان فيها مطابخ - أشهر مجمعين قريبة هي :
1- river park ( مررة قريب من الجامعة 5 أو 10 دقايق مشي عالرجلين - فيه شقق بأثاث وفيه بدون أثاث الخيار لك - تقريبا الايجار السنوي لغرفة وصالة 700 أو 800 ( سامحوني ناسية ) بس الكهرباء والنت عليك تدفعها خارج الايجار- وغرفتين وصالة أغلى طبعا يمكن 900 أو 1000أو 1100 - بعضهم يقولون مريح وبعضهم يقولون ازعاج بسبب الحفلات اللي يسونوها الجيران ) فيه باصات بدولا ونص تودي للسوبرماركت .
2-وفيه مجمع mill street village : هذا أبعد شوي 15 أو 20 دقيقة مشي تقدر تطلب بأثاث أو بدون الايجار غرفة وصالة بأثاث ب 840 دولار و غرفتين وصالة ب 1100 و إذا بدون أثاث بيكون أقل بس الكهرباء والنت عليهم و يعتبر أهدأ من السكن اللي قبله و فيه حديقة وجلسة تطل عالنهر . فيه باصات الجامعة المجانية تاخذ الطلاب يوميا ( ماعدا الصيف مافي باصات نروح مشي في الشمس) . وفي باصات بدولار ونص تودي للسوبرماركت أو السوق.
في كل المجمعين الغسيل في غرفة خاصة فيها غسالات ونشافات مافي غساله في نفس الشقة.
3- كورت يارد : ماعندي خلفية عنه بس توجد في الشقق غسالات .
4- السمت : فيه باص خاص للجامعة ( أحسه ينفع العزابية ).
5- سكن الجامعة : مريح داخل الجامعة - تلتقي بالأمريكان و ممكن يكون شريكك بالغرفة أمريكي وهذا يساعدك باللغة - بس مجبر على الأكل بمطعم الجامعة - و الحمامات مشتركة - و مجبر إنك تخلي غرفتك بعد انتهاء الدراسة ( الاجازة بين السمسترين أو الترمين ) وترجع مع بداية الدراسة - الايجار غالي .
أنصح أي واحد يشوف كل المجمعات بعدين يقرر ويوقع العقد لأنه العقود هنا طويلة لمدة سنة تقريبا فماراح تقدر تغير لمدة سنة إلا لو جبت أحد مكانك.
وفيه شباب عارضين شققهم في منتدى مبتعث ممكن تتفق معاهم .
طبعا أول مانزلنا مطار واشنطن رحنا الملحقية ( وهذي غلطة ) قالوا لنا مايحتاج تجوا إجراءات فتح الملف كلها تتم عن طريق النت .
بعدين رحنا لكولومبوس و أخذنا تاكسي يوصلنا للأثينز ( المسافة تقريبا ساعه ونص أو ساعتين و المبلغ كان 150 دولار غالي ) لمن وصلنا استأجرنا فندق - طبعا الفنادق اللي أعرفها اثنين :
1- ohio university inn ميزته قريب من الجامعه ممكن تروح لها مشي ( ينفع للي وصلوا بعد بداية الدراسة بس ماعندهم سيارة بس عيبه غالي 100 أو 150 دولار لليوم الواحد ) . 2-وفندق paymont ( ماينفع تروح للجامعة مشي يمكن يمر عليه الباص ( ماعندي خلفية ) بس أشوف إنه ينفع للي وصلوا قبل الدراسة ميزته أرخص 50دولار لليوم ).
جلسنا بالفندق 3 أيام لحد مارحنا للجامعة وبلغناهم بوصولنا و سويت بطاقة الجامعة و دورنا على سكن مناسب - طبعا ماعندنا مواصلات اخترنا يكون سكن قريب و مجمع سكني عشان فيها مطابخ - أشهر مجمعين قريبة هي :
1- river park ( مررة قريب من الجامعة 5 أو 10 دقايق مشي عالرجلين - فيه شقق بأثاث وفيه بدون أثاث الخيار لك - تقريبا الايجار السنوي لغرفة وصالة 700 أو 800 ( سامحوني ناسية ) بس الكهرباء والنت عليك تدفعها خارج الايجار- وغرفتين وصالة أغلى طبعا يمكن 900 أو 1000أو 1100 - بعضهم يقولون مريح وبعضهم يقولون ازعاج بسبب الحفلات اللي يسونوها الجيران ) فيه باصات بدولا ونص تودي للسوبرماركت .
2-وفيه مجمع mill street village : هذا أبعد شوي 15 أو 20 دقيقة مشي تقدر تطلب بأثاث أو بدون الايجار غرفة وصالة بأثاث ب 840 دولار و غرفتين وصالة ب 1100 و إذا بدون أثاث بيكون أقل بس الكهرباء والنت عليهم و يعتبر أهدأ من السكن اللي قبله و فيه حديقة وجلسة تطل عالنهر . فيه باصات الجامعة المجانية تاخذ الطلاب يوميا ( ماعدا الصيف مافي باصات نروح مشي في الشمس) . وفي باصات بدولار ونص تودي للسوبرماركت أو السوق.
في كل المجمعين الغسيل في غرفة خاصة فيها غسالات ونشافات مافي غساله في نفس الشقة.
3- كورت يارد : ماعندي خلفية عنه بس توجد في الشقق غسالات .
4- السمت : فيه باص خاص للجامعة ( أحسه ينفع العزابية ).
5- سكن الجامعة : مريح داخل الجامعة - تلتقي بالأمريكان و ممكن يكون شريكك بالغرفة أمريكي وهذا يساعدك باللغة - بس مجبر على الأكل بمطعم الجامعة - و الحمامات مشتركة - و مجبر إنك تخلي غرفتك بعد انتهاء الدراسة ( الاجازة بين السمسترين أو الترمين ) وترجع مع بداية الدراسة - الايجار غالي .
أنصح أي واحد يشوف كل المجمعات بعدين يقرر ويوقع العقد لأنه العقود هنا طويلة لمدة سنة تقريبا فماراح تقدر تغير لمدة سنة إلا لو جبت أحد مكانك.
وفيه شباب عارضين شققهم في منتدى مبتعث ممكن تتفق معاهم .