بسم الله الرحمن الرحيم السلام عليكم ورحمة الله وبركاته أما بعد............

[Ali Alnasser]

بسم الله الرحمن الرحيم
السلام عليكم ورحمة الله وبركاته

أما بعد.........

الموضوع (مين بيسمعني)

نعم هو انا
علي الناصر

أيام قليلة وراح اكمل 7 شهور
ومافي خبر عن الفيزا الامريكية

عندي امل كبير وصبرت كثير
دائما نسمع انو صارت تساهيل من القنصلية الامريكية
بخصوص الفيزا

طيب وينها هذا احنا نسمع ونسمع ومانشوف تنفيذ

ليش الصعوبة
ليش التحطيم عن الغير

من يصدق بكمل 7 شهور ومافي أي رد عدل
كل مارسلت لهم قالوا انتظر
كلما رسلت قالوا إذا في شي راح نتواصل معك
طيب عطوني السبب
طيب إذا مرفوضه قولوا
ويمكن بعد هالصبر وهالمدة الطويلة تكون جد مرفوضه
حق منو أشكي الحال

برايكم
مين بيسمعني.............؟!

أتمنى توصل رسالتي للمهتمين في موضوعي

ع فكرة ترى كل هالكلام فضفضه

يعني
(أحلم المساعده من ..........)

تحياتي لكم أخواني أخواتي

 

[Haneen Alharbi]

ربي يعينك ويسخر لك الي فيه الخير

 

[Omar Hebshi]

الله ييسر أمرك بس نصيحتي لا تتعطل بسببهم
روح غير الدولة ولعله خير ، وقتك اهم من كل شي وإذا فيك حيل تنتظر انتظر وربي يفرجها

 

[MoNa Alsadiq]

الله يساعدك.ويسهل امرك =\

اجل اللي تتاخر ب التسعة شهور وش يقول!!!

ومثل ماقال عمر لاتتعطل بسببهم وحاول تستغل كل دقيقة ولاتفكر فيها واجد

الله يوفقك وتطلع بسسرعة

 

[Naif AL Shammari]

اسحب عليهم ورح دولة ثانية

 

[Tagh Alra]

محد بيسمعك غير ربك... عليك بالثلث الاخير ولاتترجى احد غيره...
صدقني قريت كلامك مرتين ماحصلت شي فيه توكل على الله والاعتماد عليه...
اطلب ربك واستغفر وبتتيسر....
ومافيه مساعده الا من ربك...

 

[Ashwag Mohammad]

الله يسهلك يارب ..

 

[Mohammed Abahussain]

يمكن رزقك ماهو في هالبلد.. رح لمكان آخر.. مافي هالبلد إلا هالولد..

 

[Mohammed H. AlAli]

ابن خالتي تأخرت فيزته اكثر من شهرين وزهق
وسحب جوازه من السفارة قال لهم بطلع اسافر
وراح قدم على الفيزا الكندية وطلعت بسرعه وهذا هو بدأ الدراسة في كندا والحمد لله.
الخلاصة: لا تتعطل على امريكا ، ارض الله واسعة ياخوي