ياجماعه في وحده اتصلت علي جوال زوجي وتعرف اسمه الاول وطلبت مني عنوان السكن...

[Jemo T ALqurashi]

ياجماعه
في وحده اتصلت علي جوال زوجي وتعرف اسمه الاول وطلبت مني عنوان السكن وتاريخ الميلاد وعطيتها لانها بتدور له ع قبول جامعه وعلما بانه ماطلب ولا سجل في مكان للحصول ع قبول جامعه واصلا فيزته اف 2 وكمان قلت لها انو احنا مانقدم في اي جامعه في جامعات معينه وسالتني ايش التخصص ومدري ايش بس دحين تتصل واحنا نطنشها خوفت منها لاني معرف من فين جابت الرقم ولا الاسم وتقول انا ادور لكم قبول ببلاش

 

[Jemo T ALqurashi]

في شي خطر لو عطيتها تاريخ الميلاد والعنوان ممكن يدخلوني في مصيبه ولا عادي معلومات عاديه

 

[Tom Alotaibi]

هذا شي عادي ممكن وحده نصابه وبتستغل بياناتكم , بس انتبهوو منها وانتبهوو تعطون بياناتكم الشخصيه اي احد . ثانيا تجنب رمي الفواتير بالزباله لانها تحمل بياناتكم . استخدمي جهاز اتلاف للفواتير والاوراق الي تحمل بيانات شخصيه . واذا ازعجتكم اكثر قولي لها اذا اتصلتي مره ثانيه راح اتصل ع 911 ووالله ماعاد تتصل خخخخ

 

[Tom Alotaibi]

لا لاتخافي مافيه مشاكل ولا شي. وتاريخ الميلاد والعنوان مو مشكله لانها مو شي سري , بس ممكن تستغل في اشياء ثانيه . مثلا يتصلون عليكم بعد شهر او شهرين ويقولون احنا جامعه او مستشفى او شي وانتم مسجلين عندنا باسم كذا , وعنوان كذا , وتاريخ ميلاد كذا وانتم تصدقوونهم وتعطونهم فيزاا او تحولون لهم فلوس

 

[Jemo T ALqurashi]

اصلا احنا بنغير السكن انتهي عقدنا وبشوف ان اشالله نغير رقم الجوال

 

[Tom Alotaibi]

تغيري السكن والجوال عشان مكالمه ؟؟ اجل لو واحد جايكم البيت ايش بتسوواا بتكنسلو البعثه وترجعو السعوديه !!

 

[Jemo T ALqurashi]

احنا اصلا من قبل المكالمه بنغير السكن مو عشانها

 

[Tom Alotaibi]

يااخي البنت عندها مشكله وتبي حل !! كيف تنصحها تغير الجوال ! وهي اصلا ماسوت شي وتزيد خوف البنت خوف . "قل خيرًا أو اصمت"

 

[Abdulrahman Alzahim]

مافيه مشاكل ولا شئ ان شاءالله ، في الغالب هذا من احد المكاتب التجارية المتعاقد مع بعض الجامعات الخايسه على اساس انه يجيب لهم طلاب مقابل عمولة علشان كذا هي تقولك اجيب لكم قبول مجاني . مافيه شئ مجاني .. هي اذا كانت صادقة راح توجهكم على حساب مصلحتها وتاخذ عمولتها من الجامعه الي بتوديكم لها. والمره الجايه لاتعطون عناوينكم لكل من هب ودب

 

[Saad Alqahtani]

اتوقع كلامك اخوي عبدالرحمن صحيح.
ياكاتبة الموضوع، ردوا عليها وشوفي وش عندها لكي يطمئن قلبك، لأني حاس بالقلق اللي انتي فيه، وقولوا لها ان زوجك مايبي يدرس.
الله يوفقكم وييسر اموركم

 

[Ali Alshammari]

الوضع ليس بحاجة إلى كل هذا الحذر, المعلومات السابقة ليست شديدة السرية. لكن توخي الحذر مستقبلا بسؤال المتصل اكثر حول الافصاح عن هويته.

 

[أبو كاتب]

وشو له كل هالخوف !!!

بينوا لها أنكم متشكرين ومابدكم هالقبول، وماراح تزعجكم.
وإن ماهذا، دقوا على ٩١١ وأعطوهم رقمها.

 

[Walaa LoLo]

فعلا مايحتاج تخافي لكن هم بعد انتي غلطانه اي حد غريب ماتعرفينه المفروض ماتعطينه شي عنكم ... وبعدين خير تجيب قبول لو انا متزوجه ووحده تتصل تقول بتجيب قبول لزوجي اقتلها منو هي وش علاقتها تجيب قبول .. لكن الحين سوي زي ماقالك الاخ جايز ^_^