شباب أزيكم ؟ أتمني يكون الجميع بخير بإذن الله أنهاردة وصلني الباسبور من...

  • بادئ الموضوع بادئ الموضوع Ahmed Fawzy
  • تاريخ البدء تاريخ البدء
عرض العطلة
A

Ahmed Fawzy

:: مسافر ::
#1
شباب أزيكم ؟ أتمني يكون الجميع بخير بإذن الله
أنهاردة وصلني الباسبور من سفارة ألمانيا بعد حصولي والحمد لله علي تأشيرة الشنجن متعددة لمدة 90 يوم ، الغريب وأنا بقرأ ورقة تعليمات السفر اللي وصلتني من السفارة مع الباسبور قريت الجملة الغريبة دي (في حال حصولكم علي تأشيرة محلية من الفئة "C" والسارية في ألمانيا فقط فإنه لا يجوز لكم السفر إلا بالطيران المباشر من مصر إلي ألمانيا)
حد يفهمني من فضلكم علشان نوع الفيزا اللي أخدتها فعلاً من فئة "C" ، هل كده مينفعش مثلا أسافر من القاهرة إلي أمستردام مباشرة وبعد كده أطلع علي ألمانيا وأجي من ألمانيا علي مصر تاني ؟ فيه مشكلة أني لازم أروح ألمانيا من القاهرة الأول ؟
يا ريت حد يفيدني من فضلكم علشان ميحصلش مشاكل مع ظابط الجوازات في هولندا
DEYlYHHE_4PAT1pRAPV-RB41OB8Ug54a.jpeg

DEYlYHHE_4PAT1pRAPV-RB41OB8Ug54a.jpeg
 
#2
الحجوزات لو انت هتنزل هولندا وتاخذ قطار لالمانيا ومعاك التذاكر وحجز العودة مفيش مشكلة ان شاء الله
 
#3
من المفضل الذهاب لالمانيا اولا يعني ختم الدخول يبقي ألمانيا لان فيه دول اوربيه احيانا بترجعك وده بيحصل وكمان عشان لو حبيت تاخد شينجن تاني بياخدوا بالهم اوي وممكن تبقي مشكله في المستقبل ... يعني تدخل ألمانيا الاول ولو ليله وتخرج من اي بلد بعد كده
 
#4
ما فيش اي مشكلة انا نفس حالتك اخدت فيزا سي ملتي ونزلت امستردام وكملت طيران داخلي لألمانيا عنفس شركة كي ال ام بس ما انصحك بمطار هولندا لانهم متعبين.. حاول انزل في ألمانيا
 
#5
ختم الدخول لازم يبقي المانيا منعاً لاي مشكلة خليك في السليم واحجز طيران ع المانيا ومنها اتحرك
 
عرض العطلة
#6
أنصحك اروح ألمانيا الأول لأنك كاتب فى الورق اللى قدمته لهم كدا وهما بيلزموك بهذا الأمر .. ولو دخلت بلد تانيه غير الوجهة الأولى للبلد اللى طلع منها الفيزا .... لو روحت لهم تانى ممكن يرفض يعطيك فيزا جديدة .... هما بيفكر وا عاوز تروح ألمانيا ليه بتدخل هولندا الأول كنت روحت حدها من هولندا
 
#9
بص هو المفروض تنزل المانيا الاول بس فيه استثنائات انا مثلا مره كانت مطارات اوروبا كلها مقفوله الا روما ونزلت روما والظابط رخم عليا قلتله انا رايح المانيا ومعايا حجز الفندق في المانيا وهروح بالقطر قام سالني معاك فلوس قلتله معايا كام ومعايا كريدت كاردز طلب يشوفهم اول ما شفهم ختم وقالي ويلكم
الحاجه التانيه لو انت مثلا رايح المانيا وهتنزل ترانزيت في فيينا مثلا هتختم النمسا وده عادي مافيش مشاكل لانك هتركب من فيينا لالمانيا طيران داخلي مافيش جوازات بس لو سالك هتوريه التذكره فاحسن يبقي معاك مايثبت انك رايح المانيا زي حجز الفندق والقطر او الاتوبيس
 
#10
انا فهمت غلط فى الاول .. احيانا وفى حالات نادرة جدا ..الفيزا بتطلع فقط للدوله ال انت واخد منها الفيزا بس يغنىً الفيزا تدخل بيها المانيا بس مَش شنجن لكن الفيزا بتعتك مكتوب عليها شنجن عادى فمفيش مشكله بالنسبالك .. ممكن تروح من مصر لهولندا دايركت عادى بس لازم يكون معاك ما يثبت انك حتدخل المانيا وحتقيم فيها فترة أطول بعد زيارتك لهولندا لان ممكن ظابط الجوازات فى هولندا يسألك عليها وبنسبه ٩٥٪‏ حيسألك عليها لان فى مطار أمستردام بيركزوا اوى على الخاجات دى !
 
عرض العطلة
#11
اللي حضرتك بتقوله فيه مخاطره بلاش تعرضه لها وفيه صديقه لي رجعوها من ألمانيا ... من فضلك ا احمد فوزي اقرأ تعليقاتي وسافر علي ألمانيا وعلي فكره القطارات داخل أوروبا متوفرة ورخيصة وصدقني اعمل اللي بقولك عليه ..... ادخل ألمانيا الاول
 
#13
على حسب الكلام المكتوب فى الورقة،، ان التأشيرة دى مش شينجن،، يعنى تأشيرة محلية سارية فى ألمانيا بس وده معناه انك مش هتعرف تروح اى دولة تانية غيرها ولازم تاخد طيران مباشر لألمانيا
 
#14
ومفيش حاجه اسمها شينجن لدوله واحده الكلام ده مش مظبوط ... دي دول اتحاد أوروبي يعني كأنها دوله واحده وهتعرف ده لو ركبت القطر وجه يمر عليك المحصل يتأكد بس من جوازك وتذكرتك وياريت تدور من دلوقتي ع النت علي المواصلات من مطار ألمانيا لمكان محطه القطار وكمان مواعيد القطارات وانصحك خد قطار او أنوبيس ليلي واعرف المده اد ايه وكده ممكن تبات ف الاتوبيس وتوفر ليله ... انا عملت كده من سلوفينيا لفيينا
 
عرض العطلة
#17
دى الفيزا السارية لالمانيا فقط ال هما يقضدوها ومكتوب عليها فوق التاريخ( المانيا * مش شنجن .. انت الفيزا بتاعتك شنجن مفيش مشكله بالنسبالك !
8C1TgKassJVT9EllRG378kGCb8K2LFAu.jpeg
 
عرض العطلة
عرض العطلة
عرض العطلة
أعلى أسفل
عودة
قائمة