السلام عليكم ،، ياجماعه موقع السفاره الأمريكيه على النت تغير صح !!!
انا جيت بحجز موعد ومكتوب انهم يبو رقم ايصال سامبا حق السداد
احد فيكم حجز قريب وطلعلو كدا ؟
https://cgifederal.secure.force.com/?language=Arabic&country=Saudi Arabica إذا سويت لك عضوية تمشي على جميع الخطوات تعبي بياناتك لين توصل إلى خانة يطلب منك رقم الإيصال .. في نفس الصفحة تلاقي خانة تخص التسديد موجودة فوق رقم الإيصال .. إضغط عليها يفتح معاك رابط في خيارين لبنك سامبا أون لاين وعن طريق زيارة البنك والتسديد وأخذ إيصال .. إختار زيارة الفرع .. راح تطلع لك ورقة فيها رقم CGI مكون من 15 رقم هذا الرقم مهم جدا ولازم تطبع الورقة أون لاين وتوديه معاك للبنك وإذا جيت تعبي استمارة التسديد في البنك .. في خانة رقم الجواز تسجل الـ 15 رقم الخاصة بـ CGI > موظفي البنك أو الحارس مابيقصروا معاك هم عارفين الشغله .. طبعاً تسدد 608 ريال قيمة التأشيرة لشخص واحد .. وتنتظر لين تجيك رسالة على إيميلك يثبت لك التفعيل لازم 24 ساعة .. مثلاً تسدد 11 الصباح تنتظر إلين اليوم الثاني بعد 11 أو 12 الصباح .. المهم إذا تمت العملية بنجاح ترجع تدخل إلى الموقع وتحصل الخانة اللي كان يطلب منك إدخال رقم الإيصال فيها جاهزة ومسددة كل اللي عليك تحجز موعد متى مابغيت .. والله الموفق ..
