السلام عليكم انا على مخالفات ساهر حوالي ٨٠٠٠ هل في مشكلة لما اطلع اسافر...

[Mohammed Al-harbi]

السلام عليكم

انا على مخالفات ساهر حوالي ٨٠٠٠

هل في مشكلة لما اطلع اسافر اكمل دراستي السمستر الجاي

يعني هل الجوزات توقفني بالمطار علشان هالمخالفات اللي علي؟

 

[Jaz Bu]

شيء طبيعي ماتخرج إلا وأنت مسدد قسايمك ..

 

[Nawaf Sail]

يارجل

 

[وليد مدخلي]

هذا الي اعرفه لازم كل القسايم تتسدد
أعانكم الله

 

[Hameed Almomen]

سلامات ليش مايقدر يسافر؟؟؟ نص الشعب عليهم مخالفات وسفراتهم من ديره لديره ..... عادي توكل علي الله

 

[Fahad Alanazi]

ليس لها علاقة إذا جوازك ساري المفعول محد له شغل معك تسددها في تجديد معاملاتك الحكومية اما في الخروج والدخول للسعودية ماعندك أي مشكلة

 

[Fahad Alshalan]

اذا جوازك ساري المفعول , يحق لك السفر بدون مشاكل . لكن اذا اضطررت ان تجدد جوازك , فلازم تدفع جميع المخالفات

 

[Fahad Alshalan]

بالتوفيق

 

[Mohammed Al-harbi]

حسبي الله على اخوي السيارة باسمي وعطيته قبل لا اسافر ومغطني مغط بالقسايم . ياوليد متأكد ^^

 

[Nawaf Sail]

والله هذا اللي اعرفه انا بعد
السفر ماله علاقه بالمخالفات
الا اذا جيت تجدد جوازك

 

[وليد مدخلي]

بالنسبة اذا الجواز على قول اخونا فهد ساري المفعول مدري عاد عن هذي النقطة
بس الي اعرفه اثنين من الزملاء لما قدمو على جواز عشان يطلعو طلبو منهم تسديد المخالفات

 

[وليد مدخلي]

اخ محمد الحين أتأكد برضو واعطيك خبر لاتشيل هم

 

[وليد مدخلي]

كلمته قال لي نفس كلام الأخ فهد
اذا عندك جواز ساري المفعول تروح تجدده بس
اذا على جواز جديد بطلع رح يطلبون منك تسدد
ربنا وياكم ويسهل أموركم

 

[Ahmed Sadiq Al-awadh]

لا مايقدر اذا عليه مخالفات او حتى فواتير الجوال

 

[Mohammed Al-harbi]

يعطييييك الف عافيه اخوي وليد طمنتني الله يجزاك الجنة

 

[Nawaf Sail]

ياشباب انا على فاتوره صار لها ٨ سنين وقاعد اسافر يمين ويسار الفواتير مالها اي علاقه

 

[Ahmed Sadiq Al-awadh]

انا موقفيني قبل اسبوع على جسر البحرين قالو لي تسددها وتدخل

 

[Ahmed Sadiq Al-awadh]

علي مخافة قطع اشارة

 

[وليد مدخلي]

ربنا يسهل أموركم اهم شي لاتتهاونو حاولو اول بأول تخلصو أموركم لان مع تجميعها مشكلة ويتعقد السفر وأنا مجرب

 

[Jaz Bu]

نواف لا تتجيب الرجال طامة بس ، قسم ماتطلع إلا وأنت مسدد قسائمك