هل التأمين الطبي للمبتعثين يشمل تقويم اسنان ؟ وكم يكلف لو بحطه حسابي ؟

[Hussain Salih]

هل التأمين الطبي للمبتعثين يشمل تقويم اسنان ؟
وكم يكلف لو بحطه حسابي ؟

 

[Ahhlam Alamri]

لا مايشمله بس بعض الدكاتره يسوويه بس يسوي لف ودوران في الفواتير.

 

[Ahhlam Alamri]

ع حسابك حيكون غالي.

 

[Muhammad Mamdouh]

Ahhlam Alamri كيف لا تبخلين علينا

 

[Ahhlam Alamri]

ع حسب المدينة اللي انت فيها. يعني الدكتور اصلا يكون نصاب فماعنده مشكله يسويلك تقويم بس يحط بالفواتير مثلا انو تسوس او خلع او او. بس لازم تسال اللي ساكنين بمدينتك اذا يعرفون اي دكتور. والله ييسرلكم يارب.

 

[Hussain Salih]

يعطيك العافية Ahhlam Alamri بس يتروالي بيكون حرام شرعا !!

 

[Hussain Salih]

أنا عندي مشكلة سن طلع من داخل وعلاجها التقويم ممكن يخليه يشمله؟

 

[Ahhlam Alamri]

والله مااقدر افتيك صراحة.

 

[Hussain Salih]

شفت امريكي حاط تقويم سألته كم كلفك قالي 7الاف دولار بس احسها قوية مو معقولة هالمبلغ!!!

 

[Abdullah Bin Hazaa]

من رأيي انا ماشوفها حرام... لانة انت محتاج التقويم وإذا ماستخدمتة بيروح عليك، خصوصا ان التأمين مدفوع من قبل الحكومة ومشكورة علي ذلك.. للذلك تقدر تسوية مثل ماقالت الأخت مسبقا، انك تقول للدكتور يحطها بطريقة اخري حتي تستفيد من التأمين ... وهذا رأيي والله ييسر أمرك .. شكرًا

 

[Maryam Alhrabi]

اذا التقويم علاج يشمله التأمين اذا تجميلي مايشمل وطبعا الأسنان تكون غاليه ونصيحه لاتتلاعب من ترك شي لله عوضه الله خير منه يعني الدوله ماقصرت معنا ف ماتحتاج منا تتلاعب عليها.

 

[Abdullah Bin Hazaa]

معك حق، بس ماراح يضر احد اذا استخدم التأمين بطريقة هذة ، والحد الاقصي 5000 دولار يعني ماهوب ماخذ اكثر من القيمة هذة .. والأخ اذا ماستخدمة في التقويم موب مستخدمة ، يعني هنا بعد حرام يروح التامين بدون فائدة للعميل/الطالب... شكرًا

 

[Maryam Alhrabi]

عفوا . بس انا بينت وجهت نظري. انا استحي اطلب الله وادعيه وانا مسويه شي زي كذا.

 

[Ahhlam Alamri]

عبدالله انتبه انت تقول هالشي للدكتور. لان ممكن يحسبها عليك انك تطلبه يزور او شي.

 

[Ahhlam Alamri]

انا قلت في دكاتره هم من انفسهم يسسون هالشي بدون ماتقول له.

 

[Hussain Salih]

اخ عبدالله هو ممكن نوعا ما كلامك صحيح بالاخص اني كلش ما امرض ولا اروح مستشفيات بس هم يتروالي كأنه غش لانه تأمين حق الاشياء الضرورية وممكن هذا ممكن مش ضروري

 

[Abdullah Bin Hazaa]

أوافقك الرأي (الحربي) طيب كلم شركة التامين وقلهم ابي احول المبلغ الي التقويم كامل لأنني مانيب مستخدمة الا للتقويم... هذة ممكن يوافقون لك ،انا اذكر نفس هال مسالة صارت بالتعاونية بالرياض،وآسف جداً اذا كنت مخطئ ولكن يبقي رأي

 

[Ahhlam Alamri]

مافيها شي لو احد سأل احد المشايخ الثقاه. لان الواحد يبعد عن الشبهات أسلم له والله أعلم. اسال الله لي ولكم رضاه والفردوس الاعلى

 

[Maryam Alhrabi]

لا ما اخطيت بالعكس كلامك سليم وكثير من صحباتي سووها بس انا قلت ايش انا احس هو نقاش وتبادل وجهات نظر

 

[Abdullah Bin Hazaa]

اكيد،مافي شك..الله يسهل للجميع ياررب