ابغى أسأل هل فيه مدارس سعودية في سياتل؟؟ سمعت إذا المدينة فيها نادي سعودي...

  • بادئ الموضوع بادئ الموضوع Sharifa Bahri
  • تاريخ البدء تاريخ البدء
عرض العطلة
S

Sharifa Bahri

:: مسافر ::
#1
ابغى أسأل هل فيه مدارس سعودية في سياتل؟؟ سمعت إذا المدينة فيها نادي سعودي معناتو فيه مدارس سعودية؟؟ فهل هل مجانية لكل السعوديين؟ عندي أخويا و أختي الصغار في المرحلة الثانوية بس حشيلهم معايا على حسابي لأنو ابويا حيكون هو محرمي و ما حيكون فيه أحد يهتم فيهم في السعودية؟ أبويا ما رح يدرس. فهل فذي الحالة اختي و اخويا يقدروا يدرسوا بالمدارس ذي مجانا؟؟! أكيد مستوعبين كمية العبء المالي اللي حيكون على عاتقي لو كانت دراستهم بفلوس
 
#2
والله يا اختي مو شرط اذا في نادي سعودي ف المدينة يكون في مدارس سعودية وما اعتقد في مدارس سعودية هناك لانه ما قيد مر عليا خبر زي كدا بحكم تنقلي بين ٣ ولايات غير الزيارات ولاحد جاب لي خبر زي كدا ولو في الكلام دا الشباب ما يقصرو في افادة الكل والله يكون ف عونك وبالتوفيق لكي اختي شريفة
 
#4
أمين, ممكن يقبلون اختي و اخويا ؟؟ لأنو انا الطالبة المبتعثة مو أبويا .. وأبويا ما رح يدرس فاحتمال تكون فيزته سياحية
 
عرض العطلة
#6
المدارس الحكومية الامريكية مجانية بس تصيحة لا تضيعي دراسة اخوانك لان فرق السما والارض ف التعليم ... اخوي احمد يقول توجد مدارس اسأليه اكثر ما يقصر اكيد
 
#8
أنا مررره شايلة هم .. و أمي تقول مو مسافرة إلا و كل شي أكيد و الوضع صار مرررره مقلق .. و أنا وضعي نوعا ما غير .. لأن اللي بيدرسوا في المدارس مو (أبنائي) .. ولا أمي و لا أبويا رح يدرسوا فحتكون فيزتهم احتمال سياحية مو دراسية عشان يكون سهل لأولادهم الدراسة في المدارس
 
عرض العطلة
#13
خشي موقع سعوديون في امريكا ودوري على الاندية الطلابية وتلاقي ارقام الجوالات او صفحة الفيس او تويتر وكذا اسرع لك
 
#14
اختي شريفه من رأي اتصلي على السفارة السعودية في الدولة اللي انتي مسافرة لها واسألي عن المدرسة. والكلام الموثوق منه ان المدارس السعودية بالخارج وضعت للمواطنين السعودين في الخارج من ابناء السفراء الى الطلاب. اضافة الى ذلك انا اشوف طلاب سفراء وموظفين سفارات عربية يدخلون بدون رسون واما الاجانب عليهم رسوم. من ناحية الدولة اللي مافيها مدرسة سعودية يكون فيها نادي طلبة ويتم فيه اختبار الطلاب سنوياً في مقر نادي الطلبة من قبل انتداب لمدرسين في دول مجاورة لدولتك حسب آلية ادارة المدارس السعودية في الخارج
 
عرض العطلة
#17
شويفه اخوك ماشاء الله في الثانوي يعني سنه او ثنين ويقدر يصير محرمك اذا ضاقت عليك استني لمن يوصل ل١٨و تخلينه محرمك بدل تتعبي ابوك و تتعبي نفسك بمسؤوليات
 
#18
ترى كتبت ردي دا اعتماد على رد انتي كاتبته بموضوعك الثاني ان ابوك رجل كبير في السن ويمشي على عكاز اتوقع صح
 
#19
آيه والله ابويا كبير و يمشي على عكاز. بس المشكلة انو ابتعاثي من جامعة و انا مجبرة أجيب قبول في خلال ٤ شهور. و اخويا لساته السنة الجاية حيدخل الثانوية. أتوقع لسا حتى ما كمل ١٥
 
عرض العطلة
عرض العطلة
عرض العطلة
أعلى أسفل
عودة
قائمة