مين جرب الخطوط القطرية؟ ايش رايكم فيها؟ وهل يتسامحو بكم كيلو زيادة؟

  • بادئ الموضوع بادئ الموضوع Nada Alshahrany
  • تاريخ البدء تاريخ البدء
عرض العطلة
#3
انا ركبت فيها وكل شي فيها كان ممتاز. الاكل شهي وبالنسبة لياسر ترى تعتمد على الشخص اتوقع لاني اكلت ولا جاني الحمد لله، الشاشة واضحة وفيها كل شي، المقاعد مريحة. العائق الوحيد المسافة لاني جلست بالطيارة ١٥ ساعة من شيكاغو الى المنامة :( والوقت ما يمشي
 
#5
المشكله الوحيده الي فيها تاخير الرحلات!! يعني لاتستبعد تنزل في قطر ترانزيت يوم عشان رحلتك اتاخرت والرحله الثانيه طارت
 
عرض العطلة
#7
أنا مجرب القطرية، مريحة نوعًا ما لكن انتبه لنوع الطيارة، اذا كانت اير باص هذي شوي ضيقة، لما تشوف الحجوزات راح تشوف اسم الطيارة، حاول تختار الوينج 777 ، أفضل أنا اشوفها وأوسع ، الخدمات عادية، لا تتوقع واجد، بالنسبة للوزن، اشوفهم متهاونين، لكن ما تعدي الوزن المسموع ب٣ كيلو، الشنطة اللي داخل الطيارة عادي ما يوزنوها حتى
 
#8
انا جربتها من الدوحة الى لندن ....كانت أسوا رحله خرجت عليها بالنسبه لي ...المقاعد غير مريحه اتوقع مثل ماقال الاخ محمد انو وقتها عشان نوع الطياره ...اكلهم حدا جدا ماعجبني يعني انا انصدمت ان اكثر الناس يقولون انها افضل من الاماراتيه وهذا شي بالنسبه لتجربتي لا. الاماراتيه كان خطوطي لوجهات كثيره حول العالم والحمدلله كانت موفقه لاخدمه ولا اكل ولا راحه الحمدلله. >>>> طبعا هذي تجربتي وبالتوفيق.
 
#9
انا بعد، جربت الاماراتية في اطول رحلة في حياتي، من السعودية الى نيوزلندا، المقاعد مريحة وواسعة والأكل لذيذ
ممكن القطرية بس اسم شهرة لكن الاماراتية من ناحية تجربتي
واستناداً لاختي أحلام، فأنا أشوفها أفضل
 
عرض العطلة
#11
وهذا اللي قصدته أن في طيارات مثل الاير باص مرة صغيرة
غير عن الوينج ٧٧٧ واسعة ومريحة ومتطورة
 
#12
اضيف على هالنقطة، الوينج ٧٧٧ هي نفسها في كل شركات الطيران، لكن اذا نجي للأكل، الاماراتية تطلع متفوقة على القطرية
 
#13
خطوط ممتازة وأكثر من رائعة سافرت فيها مرتين الى كندا ١٤ ساعه مرت بسهوووولة، وعلى الوزن على حسب الموظف مثل ماقالو الشبااب .
موفق
 
#14
أفخم طيران سافرت عليه حسب الطياره الي تكون من حظك سافرت عليها اكثر من مره فخمه مريحة بوفيه مفتوح في الخلف سندويشات فواكه عصيرات وسناك وشبس هذا مارايته بنفسي
 
عرض العطلة
#18
أتوقع اكبر طيارة لدى الطيران القطري سافرت من الدمام الى نيويورك والعكس ومن الدمام الى واشنطن والعكس وجربتها مره من لندن الى الدمام بس كانت طيارة صغيره ماكانت نفس رحلاتي السابقة اقل مستوى وأقل راحة
 
#19
أختي مها من واقع تجربة لي في الخطوط القطرية في رحلة لمدة ١٢ ساعة من الرياض وحتى مونتريال-كندا أشوف أنها في قمة الروعة فيما يخص سعة المقعد ، وتقديم الوجبات ، والتعامل الطيب ، ووسائل الترفية من شاشة تحتوي على الكثير من التسلية والمتعة ، أما فيما يخص الحقائب فالمسموح حقيبتين لكل منها ٢٣ كيلو وأعتقد أنها كافية جداً . أتمنى لكي رحلة آمنة والتوفيق
 
عرض العطلة
عرض العطلة
عرض العطلة
أعلى أسفل
عودة
قائمة