ألف مبروك والله يتمملك على خير. زوجتي ولدت في أمريكا ورجعت على جدة بعد شهر من ولادتها يعني نفس حالتك حاليا.
أولا: شهادة الميلاد (مطلوبه لاستخراج الجواز الأمريكي وتذكرة الدخول للسعودية)
من المستشفى تجي عندك الموظفه وتعبي الإستماره انتي أو زوجك ويعطوكي نسخه مؤقته لاثبات الميلاد (ولا يمكن استعمالها في الجهات الحكومية) لازم تنتظروا النسخه الأصليه وتستلموها من مكتب Vital Records المتواجد في بلدكم بعد اسبوعين تقريبا. ولكن بالنسبة لحالتنا, طلبنا من الموظفه بأنها تعجل الموضوع بما أنها مسافرة بعد شهر وقالت بأنها حتحاول والحمد لله انتهت في اسبوع. وانصح بأنكم تطلبوا نسخ أخرى من نفس المكتب علشان ترسلوا الطلبات الأخرى.
ثانيا: رقم الضمان الاجتماعي SSN (مطلوب لاصدار الجواز الأمريكي)
الموظفة حتجيكم في المستشفى وحتعبوا معاها الأبليكيشن ويوصل الكرت بعد فتره تتراوح من 3 إلى 4 أسابيع ولكن وصلنا خلاص 10 أيام، يوصل على البريد وبالرقم ممكن تطلعوا الجواز أمريكي لمولودكم.
ثالثا: الجواز الأمريكي. (مطلوب للخروج من أمريكا).
بعد ما تستلموا شهادة الميلاد تقدموا على الجواز الأمريكي من مكتب البريد US Postal Office ممكن تحصلوا على المعلومات من نفس المكتب. وممكن ترسلوا طلب عاجل. (لازم انتي وزوجك مع المولود تروحوا للمكتب)
رابعا: تذكر المرور للسعودية (مطلوبه لدخول السعودية).
بعد ما تستلمي شهادة الميلاد, لازم زوجك يرسل الملفات المطلوبه للسفارة أو القنصليه السعودية (على حسب ولايتك) عن طريق الفيديكس. وبعد فترة حتوصلكم تذكرة الدخول مع شهادة الميلاد المترجمة (مطلوبة لاستخراج الجواز السعودي في جدة).
تفاصيل:
https://www.scuccs.com/portal/index...-to-ksa&catid=45:gov-legal-process&Itemid=184
هذا الموقع لكولورادو مكتوب بانه ترسلي الملفات للوس أنجيلوس
أنا في متشيجان وأرسلت الملفات لقنصلية نيويورك. كل ولايه لها قنصلية معينة
بعض الناس يقولوا بأنه ما يحتاج الجواز الأمريكي حاليا وممكن تطلعوا من أمريكا بشهادة الميلاد, أنا والله ما أعرف ولكن برأيي حتفيدكم جدا وقت رجوعكم لأمريكا, وهذا الي عملناه أنا وزوجتي
أهم شي اتكلموا مع الموظفة حقت المستشفى بأنها تعجل بطلبكم. كل هذا الكلام في ولاية متشيجان وكل ولايه لها قوانينها الخاصة والله أعلم.
أرجو بأني أكون أفدتك.
