السلام عليكم أخواني وأخواتي الطلبة وخصوصاً المبتعثين منهم ممن قد سافروا...

[Nazar AL-Wattar]

السلام عليكم أخواني وأخواتي الطلبة وخصوصاً المبتعثين منهم ممن قد سافروا الصراحة طال الجدل حول الخطوط الأفضل للسفر الى أمريكا الى نيويورك فياريت ممن قد سافروا يفيدونا بهذا الأمر لأنه وياي اطفال وخصوصاً وطفلة بعمر 7 أشهر وهنا لا أبحث عن الأنسب بالسعر بل الأفضل لأن الرحلة قد تطول لأكثر من 12 ساعة وهو وقت طويل جداً مع الأطفال

 

[Iyad Ghazouli]

رحلتي كانت من جدة الى نيويورك مباشرة
كانت الطيارة مريحة ، باردة ، كل الخدمات متوفرة ،،
لكن اللي تعبني الملل والجلسة الطفشانة ،،

* خد وضيعة مرتاح في بيتك على متن الطيارة بدون تكلف
* الطيارات المخصصة لأمريكا مباشرة تختلف عن الطيارات اللي بين جدة القاهرة و جدة دبي ،، حقيقي بدون مجاملة راح تنصدم من الطيارات الجديدة ماشاء الله ..

 

[Nazar AL-Wattar]

والله أني جداً أسف أ.ندى العمر ماالقصد الأهانة لأحد بس والله اللي سافروا من جماعتي ماأحد ذكرلي الخطوط السعودية ولأنه ماعندي معلومات عنها فماذكرتها وليس القصد الأساءة

 

[Honaidah Y. Ahyad]

هههه عجبني الكومنت حقك يا ندى.. كووول

 

[Sami Ahmed]

السعودية مافيه مثله درجة أولى أما سياحية ماانصحك نهائيا

 

[Mazen Alrahili]

الإماراتيه

 

[Honaidah Y. Ahyad]

اخ نزار لو كانت رحلتك للسعوديه فا الرحلة تكون مباشرة.. الحلو في الخطوط السعوديه بجانب انو الرحلة مباشره من غير ترانزيت حتلاقي محل تصلي فيه وممكن شويه تريح ظهرك من الجلسه على الكرسي في المصلى

 

[Sami Ahmed]

يب

 

[Abdullah Ibrahim Alsalhi]

الصراحة طيارة الخطوط الجديدة الي تطلع لامريكا ممتازة جربها وراح تدعيلي

 

[Turki Ibrahim]

يا اخ نزار راح اقترح عليك اقتراحين الاول ان كنت تبغى الرحله تكون مباشرة لامريكا فانا انصح بالخطوط السعودية بس بشرط تستغني عن الرفاهية والمسليات . اما الثاني ادا انت ما عندك مشكله في الترازيت في الخطوط الامارتية لا يعلى عليها بصراحه نظام وراحه في المقاعد والاكل ممتاز والخدمة راقيه وراح تلاقي جانب في الترفيه في شاشة مقعد الطيارة تسليك في السفر انت والعائلة الكريمه . اتمنى يكون كلامي فادك والله يوفقك ويكتب لك الخير

 

[Abu Omar]

القطرية والإيماراتية مرره زحمة ,, جربت القطرية وكأني راكب باص الناس يمدحومها زما قدرت أستوعب ليش ,, بالنسبة للإماراتية ممكن تتوهق بأنظمنهم ,, لأنهم مسوين فيها عصريين ويأخذون غرامة على أي شي .. أفظل الخطوط اللي جربتها هي خطوط دلتا الأمريكية ,, وكل شي بحقه سعرها يكون غالي شوي ,, ولو تأخذ الدرجة الأولى بعد أريح وأريح ,, وبالنسبة لدرجة الضيافة مريحة فيها وتصلح للعوائل وفيه مكان للأطفال ,, بالنسبة للخطوط السعودية أحسن ما فيها أنها على طول توديك لنيويورك بدون وقوف أو انتظار ورحلاتهم الدولية لا تقارنها بالداخلية لأنهم بالدولية ممتازين بالمواعيد والوجبات ,,

 

[Zahra Alali]

القطرية مااشوف فيها زيادة صراحة.. مقاعد الطائرة غير مريحة و زحمة.. بالنسبة للافضل الاماراتية بدون منازع.. ولو اني من اهل جدة او الرياض بستخدم السعودية اريح لانها بدون ترانزيت

 

[Abdulrahman Bahashwan]

أنا رحت بالاماراتيه على سياتل ،، صراحه شفتهم كان يهتمو بالاطفال ، المضيفه تجيب لهم العاب ومره شفتهم يصوروهم وتطلع صورهم بكاميرا مباشره ، هذا غير الالعاب والوجبات تبعهم ،، واذا كان فيه اطفال رضع يجيبو لهم زي السرير الصغير ينامو عليه !!

 

[Nazar AL-Wattar]

ياخوان والله أنكم شرفتوني بردودكم بدون مجاملة ماشاء الله طرح موضوعي ونقاش حلو والله يجزيكم الخير لكل من شارك وأعطاني شيء من وقته وربي يحفظكم أخوتي ومن خلال الردود على منشوراتي في هذا الكروب وغيره لاحظت أنه الأكثرية أمتدحت الخطوط الأماراتية خصوصاً في جانب معاملة الأطفال ورعايتهم وهذا كل همي لأني عندي طفلة صغيرة بعمر 7 أشهر وهذي ماتكدر نبقيها بحضن أمها طول الرحلة أشكركم جزيل الشكر وأدعولي أكمل رحلتي ونوصل أني وعائلتي بالسلامة وأنا بدوري أقول ربي يحفظكم ويسهل أمركم مثلما ساعدتموني وأزلتم حيرتي ممنوووووووووووووووووووووووووووووووون منكم كثيييييييييييييييييييييييييير

 

[Ajam Mohammed]

السعوديه الأفضل ....

 

[Ghazi Alnajdi]

الخطوط الامارتية راقية بس حصل لي أكثر من موقف مع الموظفات الأوربيات اللي كالعادة عنصرين و شايفين انفسهم و نفسهم في خشمهم. خدمة موظفات شرق أسيا أفضل في الخطوط السعودية و القطرية.

 

[Arwa Gh]

ما حتكلم عن مسار الرحلة. لكن خطوط إلاتحاد فيها وسائل ترفيه ممكن تشغل الأطفال الشاشات فيها العاب وبرامج للكبار والصغار وحديثة مو شي قديم بحيث برضو ينسو حكاية ان المقاعد نوعا ما صغيرة.. بالنسبة لي مريحة بس طول الرحلة تعبني عموماً وتعامل الطاقم جدآ راقي من مختلف الجنسيات. وقريت ف موقعهم انو عندهم شي بخصوص أمثال وضعك مضيفات للأطفال او شي زي كدا ممكن تشوف ف موقعهم. .

 

[Hussain Ali Althawab]

طيران هولندي

 

[Hussain Ali Althawab]

حلووو