T
Tawfiq Ha
:: مسافر ::
أكرم.. الآدمي بيقول لك انه ما سافر اجازة أبدا خلال سنتين ونص .. ما قال اعطوني ٣ تذاكر حق اللي راح.. يبغى تذكرة واحدة الآن يسافر فيها بالصيف ويقضي رمضان مع أهله.. والموظف رد له يقول ما يحق لك تاخد تذكرة الا بعد مرور ١١ شهر على صرفك لآخر تذكرة.. الآدمي يبغى يسافر في رمضان ما يبغى الكريسميس .. وللمعلومية أنا أول ما جيت أمريكا في ٢٠١٢ كان معي واحد بالمعهد جا معي في نفس الفترة وصرف تذاكر للكرسيمس بعد خمسة أشهر فقط من دخولة لأمريكا.. من تجربتي موظفين الملحقية عندهم ردود حافظينها في ملف وورد ينسخو ويلصقو منها حسب الحاجة .. ولو قلنا مثلا على افتراض انه عندهم ١٠ آلاف طلب في الاجازة و ١٠ موظفين يعني كل موظف يتعامل مع ١٠٠٠ طلب في فترة قصيرة حتتحول معاناة الناس إلى مجرد أرقام معاملات وليست تعامل مع بشر من لحم ودم وأحاسيس واحتياجات..
A
Alaa Alfarooqi
:: مسافر ::
المفروض يرجعوا القرار هذا،، اذا الطالب كمل سنتين او حتى سنه تتصرف له تذاكر .. نحن مابنلعب وننحرم من اهلنا دي السنتين عشان مبسوطين مررره في امريكا، اولاً، اذا كنت لغة بنحاول نجيب درجة الايلتس والتوفل ومواعيد الاختبارات بنحجزها كل شهر تقريباً ، فطبعاً كيف نرجع بهمنا والقلق معانا ، بنحاول نستغل كل شهر وغير المدة المحددة والضغط النفسي والخ .. تانياً، اذا الطالب في جامعه فالطالب بتمر عليه مواد صعبه ومهي لغتنا وحتى نستوعب ونفهم ونبدع ذي اهل اللغه حنقابل تعثر فيكون السبب في جلوسنا سنه وكم شهر رفع المعدل ومنها اخد اترام صيفيه ، وغير اذا في مشاكل ماديه من نقل من بيت او ايجار او تغير ولاية والخ .. سنتين بعيد عن الأهل ومانستحق تذاكر،، لطفاً عيدوا النظر في الموضوع ،، فين تذاكر السنتين ..سبحان الله .. معليش ما قدرت اساعد بس إن شاء الله مسئول يقرا كلامي ويعيد النظر في الموضوع !!