شباب معاهد els ايش رأيكم فيها ؟

  • بادئ الموضوع بادئ الموضوع Neyo Mansouri
  • تاريخ البدء تاريخ البدء
عرض العطلة
#4
أراها الأفضل تأسيسيا من معاهد الجامعة .. معهد الجامعة يركز على الرايتنق والريدنق مع إهمال السبيكنق واللسننج وساعات الدراسة تكون اقل .. ELS ساعات الدراسة اكثر بكثير والتركيز على جميع المهارات .. معهد الجامعة يهيئك لقبول نفس الجامعة فقط اما ELS فيعطيك الفرصة للقبول في ٦٥٠ جامعة داخل امريكا في حال انهاء المعهد .. معهد الجامعة عادة يكون بنظام السمستر يعني ١٥ اسبوع حوالي أريع اشهر اما ELS لفل شهري .. ولك الاختيار ..

موفق
 
#5
ELS يعتبر من افضل المعاهد من ناحية تاسيس كتابة وقرائة ومحادثة وحتى النطق اتا ادرس فيه من فترة وبالنسبة لي اشوفه ممتاز بس اسال عنه قبل لا تروح له اقصد الفرع لان سمعت ان يفرق فرع عن فرع عندهم من ناخية مدرسين وكذا بعضهم كويس وبعضهم لا الي انا فيه ممتاز بالنسبة لي والله يوفقك
 
عرض العطلة
#9
مو ذا الي انا اقوله قبل لا ادرس فيه كثيرين اعرفهم قالولي لاتروحه تعبان معهد زبالة ومن الكلام ذا وفعلا خوفوني منه وانا الان ادرس في ELS بيركلي والحمدلله مرتاح فيه معهد كويس جدا بالنسبة لي مع اني سمعت عن ناس درسو في نفس المعهد فرع هيوستن قالولي زبالة والي درسو في نفس المعهد في عدة فروع ثانية قالولي تعبان والبعض يمدح فيه فهو حسب الفرع وادارته والمدرسين الي فيه فقط بالنسبة لي افضل من غيرة لعدة اسباب منها انه نظامة شهري كل شهر مستوى مو زي الجامعة سمستر وتاخذ اجازة وتبدا السمستر الي بعدة لا مافي اجازات هنا الا الاجازات الوطنية حقهم زي امس كان اجازة لكل البلد مو بس احنا واذا احتجت اجازة كلم المعهد يعطوك اجازة عادي جدا بالانسبة لي انا اعتبرة ممتاز
 
#10
احد مزايا المعهد عند الاننتهاء من اخر مستوى يسقط عنك شرط اللغة في كثير جامعات ، وكمان المعهد يطورك في السبيكنق مقارنة بمعاهد اخرى ، لكن هذا مايعني ان نسبة كبيرة من تطوير اللغة تعتمد عليك ، وبالتوفيق ان شاء الله
 
عرض العطلة
#11
راح اديك اياه علا بلاطه els تكتب اسيه كامل واذا عندك ٣ اغلاط من القواعد تعيد اللفل كامل وبالنهايه اذا تخرجت من لفل ١٢ مو كل الجامعات تقبل من els اكثرهم يبون توقل ولا ايلتس واكثر السعوديين اتطورطو لا خلصو لفل ١٢ وبعضهم ما حصل قبول و ما جابو لا ايلتس ولا توفل ورجعو السعوديه اما معهد جامعه تبدا علا مهلك والترم عندهم طويل يعني تفهم اللغه حبه حبه واذا ما جبت التوفل ولا الايلتس تدخل الجامعه عندهم بدون وجع راس هم يضبطولك كل اوراق القبول لك والجامعه جاهزه
 
#12
صحيح كلامك لاكن ولله الحمد الان اعرف اكتب اسيه كامل 5 او 6 برغرافات وماعندي ولا غلط في القواعد ELS ياسسونك صح وبالنسبة للتوفل ولا الايلتس تراه سهل مو بذيك الصعوبة الي انت متخيلها شد حيلك وربي بيوفقك اما تبيها باردة مبردة صعب جدا لازم تشد حيلك الله يوفقنا وياك ان شاء الله
 
#13
Saleh Bin-jahlan مااتفق معك بنقطة معهد الجامعة ، لان معهد الجامعة يؤهلك للجامعة نفسها لكن معهد اي ال اس جامعات اكثر ، طبعا ممكن تقول تكفي هذي الجامعه ، لكن ايش الحل لما توصل اخر مستوى في الجامعه وتقرر الملحقية بالغاء الاعتماد للجامعه للتكدس او اسباب اكاديمية وتكون فترة لغتك قاربت ع الانتهاء ، وهذا بالضبط اللي حصل لاكثر من مبتعث ومبتعثة في csun ,
 
#14
طبعا للعلم الملحقية اجبرت كل الطلاب اللي بمعهد اللغة التابع لجامعة csun بالبحث عن جامعة اخرى ، ومافي اي استثناء سواء عندك قبول مشروط سابق او لا
 
#15
نصحوني قبل ادرس بمعاهد الجامعات وبس ضيعت ٨ شهور فيها بدون مايعطوني قبول مشروط ونقلت els افضل بكثير بالاسبيكنق واللسنينق حتى الرايتنق تعلمت منهم اكثر من المعهد الجامعي ! نصيحتي ادخل els واذا باقي عندك مده من اللغه مايمنع تدخل معهد اكاديمي مع انها مو افضل برأيي..
 
عرض العطلة
#16
واللي بيقولك معهد جامعي يحدد اي معهد لان مو اي معهد تبع لجامعه معناته كويس .. بعضها اسم بس انه معهد تبع جامعه!
 
#17
Sarah Aljohaniبالنسبة للنقطه الي اتكلمت عليها هذي من تجربتي الشخصية كامبثعت وشي طبيعي انو يكون اختلاف كبير عن تجربتي الشخصيه من مبتعث لمبتعث اخر. وبالنسبه للنقطه الي تكلمتي عليه غلط الطالب انو يعتمد كليا دراسته اللغه علا المعهد. لانه المعهد يعلمك اساسيات اللغه وتركيزه علا الكتابه بشكل عام وكيف تتكلم فورمال بس. والباقي عليك/ي كطالب انك تمارس اللغه خارج الكلاس بشكل يومي عشان تتعلم اكثر. طبعا معروف في اي اختيار يكون فيه الكويس والخايس. ونصيحتي للناس الي ما يبون يعورو راسهم لمن يبدا باللغه يكون قبوله وتخصصه هو مختاره وجاهز انو خلاص يبي يدرس في تخصص كذا في الجامعه هنا بدل مايخلص els لفل ١٢ ويتهجول عشان يجيب قبول. وبالنهايه اي الجامعه في امريكا حتى لو جبت ٧ في الايلتس يسولك اختبار في الجامعه عشان يعرفون مستواك. اما ان كنت دارس عندهم من زمان مايحتاج توجع راسك. هذي الفكره الي كنت اوصلها وسلامتكم
 
#18
بس els اذا عندك لفل ١٢ تنفتح لك حوالي ٣٠٠ جامعة في امريكا بدون ايلتس او توفل ذي احسن ميزة فيه وانا ما الومك انك تذم في els لان سمعت قبلك كثير وراح اسمع اكثر ولاكن عن تجربة شخصية انا دارس في معهدين للels الاول كان زبالة من جد بس الي انا فيه الان ممتاز جدا من ناحية كل شي و els على حسب المعهد مو كلها سيئة فيها السيئ وفيها الكويس عن تجربة شخصية
 
عرض العطلة
عرض العطلة
عرض العطلة
أعلى أسفل
عودة
قائمة