السلام عليكم :) كل عآم و انت بخير جميعا , حبيت استفسر من اخواني و اخواتي...

  • بادئ الموضوع بادئ الموضوع Abdulaziz El Dayel
  • تاريخ البدء تاريخ البدء
عرض العطلة
A

Abdulaziz El Dayel

:: مسافر ::
#1
السلام عليكم :)
كل عآم و انت بخير جميعا ,
حبيت استفسر من اخواني و اخواتي بحكم - خبرتكم - !؟
انا معدلي 3.59/5 و تخصصي هندسي و أفكر ألتحق في البعثه ( ماستر ) و عندي اراده قويه و عندي بروجكت أمنيتي أطبقه على أرض الواقع فدراستي,
بس مشكلتي المعدل ظالمني يا اخوان ...
سؤالي : هل فيه أمل يلحقوني هالسنه و أحقق حلم نفسي فيه من زمان ؟
مع العلم ان اللي ظلمني في المعدل مواد الدين و العربي للأسف لأننا كنا مفتقدين التوجيه أول سنه فالجامعه و ضعنا بس الحمدلله تداركنا الأمور لاحقا ..
و الله مقهوووور بس الشكوى لله .. واحب أنصح اخواني و اخواتي الملتحقين فالبعثه انهم يحمدوا الله و يجتهدون و الله انهم فنعمه عظيمممه و ناس كثير مؤهلين و كفائتهم عاليه و يتمنون البعثه بس عشان يكملون تعليمهم و يفيدوا بلدهم و يحققوا شي مهم في حياتهم و انتم ما شاءالله مافيكم قصور و تستاهلون كل خير ...
مشكورين و اعذروني ع الاطاله و لا تنسوني من دعائكم بالخير :)
 
#3
تقدر تطلع ع حسابك ويضموك للبعثة بس اهم شي يكون عندك قبول مشروط من جامعه معترف بها غير مقفله....وان شاء الله امور في السليم.
 
#4
ربي يسعدكم اخواني مشكورين على ردودكم , بس والله صعب بالحيل علي ادرس على حسابي خصوصا اني فرش و مو مضمون التحاقي .. يمكن يطلعون بكم شرط جديد و اتحطم ...
 
#5
عندك حل ثالث واللي غالباً تلقى سعوديين يقدمو عليه,
تقدر تقدم على بعض الجامعات الهندسية, خصوصاً البحثية والقوية منها, على
Teaching Assistantship or Research Assistantship
طبعاً قبل التقديم يجب يكون عندك اللغة أو الجي آر إي إن كان مطلوب.

في حال تم قبولك, في أغلب الأحيان سوف تسقط عنك جميع رسوم الجامعة ويتم دفع مرتب شهري لك (يختلف من جامعة لأخرى لكن يأتي في حدود ١٤٠٠$). وبعدها يجب عليك إما التدريس أو البحث العلمي للدكتور اللذي وافق على إعطائك المنحة لمدة ٢٠ ساعة بالأسبوع في غير مشروعك أو بحثك الخاص.

طبعاً هذي صورة عامة, لكن إنت حاول تشوف الكليات الهندسية اللي تبي تقدم عليها, ودور على المنح اللي عندها وبرضو شوف الدكاترة اللي عندهم وأتواصل معاهم شخصياً في حال تشابه الإهتمامات العلمية, لأن لو فكرته عجبتك أو طموحك العلمي أو مهاراتك الهندسية وحس إنك راح تكون إضافة جيدة في معمله, راح يساعدك ويمكن يتغاضو عن المعدل ويمكن عن الإختبارات.

وبالتوفيق يارب
 
عرض العطلة
#6
و الله حل ممتاز و مناسب ... و ان شاءالله بحاول أبحث عنه أكثر خصوصا ان لي تجربه رائعه في مراكز الابحاث ...
بس تتوقع ان برنامج الابتعاث هالسنه بيتغاضوا عن سالفة المعدل ؟ مع انه مو ناقص كثير ؟؟؟؟
الله يسعدك يا أبو سعد و يجزاك و والديك الجنه :)
 
#7
اذا عندك مهارات بحثية, هذي راح تكون إضافة كبيرة جداً عند التقديم وحاول تركز عليها كثير مع مشروعك وأهدافك في
statement of purpose
وبرضو في ال Resume

والله ما عندي خلفية عن برامج الإبتعاث, لكن اعرف ناس معدلاتهم ٢.٩ من ٤ (مش من خمسة) وتم قبولهم السنة الماضية.
التخصصات الهندسية مرغوبة, وإنت قدم وما راح تخسر شي إن شاء الله ..

نصيحة أخوية: أهم شي لا تقعد فاضي الفترة هذي وحاول تختصر الوقت إنك تختبر الآيلتس أو التوفل بالسعودية أو إنك تحضر للجي آر إي.

والله يسعدك ويسعد والديك يا ابو العز
 
#8
مشكورين جميعا و الله يوفقكم نورتوني و اعطيتوني أمل ...
بانتظار اذا فيه أحد له تجربه مع سالفة المعدل و انقبل في البرنامج !؟
 
#9
عبدالعزيز الله يوفقك وين ماتروح. الحل والحيد اللي اعرفه هو الدراسه على الحساب الخاص وانا سويتها قبل ٤ سنوات. الشباب حاليا ياخذون من ٤ الى ٦ شهور ينضمون، اهم شي تكون كل القبولات ولالاوراق جاهزه قبل لاتطلع من السعوديه لان اللي ياخر في الالتحاق غالبا هو نقص الاوراق. توكل على الله واستخير قبل كل شي
 
#10
اللهم آمين وياك أبو عابد ...
و الله هالحل كوويس بس مو مضمون و مكلف بالنسبه لي ويمكن يسحبوا علي هناك الملحقيه !! ان شاءالله يقبلوني هالسنه و نرتاااح نفسيا :)
 
عرض العطلة
#11
ياعزيزي ! لا توقف حلمك وتوهم نفسك إن الدراسة على حسابك هي طريق غير مضمون وممكن يسحبوا عليك ! جيب قبول معهد , وقبول مشروط من الجامعة ! وأطلع ! وبإذن الله من 4 إلى 5 شهور أتوكل فيها على ربك وبتنضم , وما يحتاج تكلّف نفسك من بدري خصوصا في الفترة اللي تكون فيها على حسابك , شوفلك معهد رخيص وأضغط نفسك في السكن والمصروف الشهري , وكل أمورك سليمة إن شاء الله
 
#13
على راسي والله ما قصرتوا ربي يسعدكم ولا يحرمكم الأجر...
بس يا اخوان وش الأسهل في الانضمام برايكم كندا ولا فرنسا ؟ لأني محدد هالدولتين بالذات عشان أتعلم لغه جديده + أحسهم أكثر أمان و راحه نفسيه من أمريكا ( العنصريه ) ...
والله يجزاكم الجنه :)
 
#14
شوف , في كل بلد في عنصريه حتى السعوديه. لي في امريكا 4 سنوات, المرات اللي تعرضت فيها مع زوجتي وطفلي لموقف او نظره عنصريه تنعد على الاصابع.
 
#15
صاادق بس و الله ونا اخوك مو مرتاحلها من كثر ما أسمع من زملائي و ان شاءالله فيه خيارات أفضل !؟ ... و الله يحفظكم و يحميكم ويردكم سالمين
 
عرض العطلة
عرض العطلة
عرض العطلة
أعلى أسفل
عودة
قائمة