E
Eng Rayan Harasani
:: مسافر ::
اخت مروه السلام عليكم و كل عام و انتم بخير. اسمحي لي ان ابدي برأيي يمكن يفيدكم و يساعدكم في نقل الاثاث و كامل اغراضكم. انا كنت مبتعث سابق و لمن انزنقت في و انحطيت في وضعكم افادني بعد الله سبحانه و تعالى بطاقة الخطوط السعودية. حاولي تبحثي عن اي احد من زملائكم في المدينة اللي انتم متواجدين فيها لو كنتم محظوظين شركة فيديكس تعطي خصم ٧٥٪ لأي شخص من منسوبي الخطوط السعوديه انا والدي كان يشتغل في الخطوط و كان معايا بطاقتي اللي تثبت اني ابن موظف. نقلت اغراض كتير عن طريقهم و بتراب الفلوس و الباقي قفلته في كراتين و دخلته في سيارتي و شحنت السياره على مدينتي الجديده اللي درست فيها. و صدقيني يا اختي راح تدفعوا يمكن ثمن العفش و يمكن اغلى او احتمال ارخص شويه من سعره الاصلي لذلك حاولي انك تتجنبي نقل العفش و بيعيه حتى لو بخساره بسيطه ( نصيحة اخوية و المرجوا عدم المؤاخذه) لانه تكلفة النقل جدا غاليه. و لو مصممه على النقل شركة بدجت عندهم نقل اثاث عن طريقهم لكن للاسف ماعندي رقمهم ممكن تبحثي في النت عن خدمة نقل الاثاث. ان شاء الله اكون افدتك و لا تنسينا من دعوتين طيبه في ظهر الغيب و الله يسهل اموركم و يوفقكم و يحقق لكم مبتغاكم
E
Eng Rayan Harasani
:: مسافر ::
انتي حاولي تطلعي بأقل الخسائر و في حاجة مهمه لازم تاخدي بالك منها لو حبيتي تنقلي اغراضك عن طريقهم لو قالوا لكم انه مافي خصم قولي له اتأكد كويس لانه صدف معايا كذا مره يقولوا لي مافي خصم و اقوله اتاكد يرجع بعد ما يطقطق عالكمبيوتر يقولي معليش ايوه لكم خصم للأيرلاينز ستاف.
اشيائك قفليها كويس و اتاكدي من سلامة وضعها في الصناديق بطريقة محكمة بحيث ما تتكسر لو فيها اغراض زجاجية لانهم راح يدخلوا لك من باب اخر و هو انهم يفتحوا عفشك و يقفلوه بطريقتهم عشان لا يتكسر عليهم شي و لو اتكسر يتحملوا المسئوليه و هذا طبعا راح يكلفك و كل شي بيرفع السعر سواء ورق او نايلون او لصق الخ. و خلي صحبتك هي اللي تتكلم و تبعت الاغراض بإسمها وربنا يسهل عليكم. و شوفي التكلفة اول لا تقرري انك تتصرفي في كل العفش بثمن بخس و قليل و بعدها المهم خذيه و الباقي الله يعوض عليكم فيه.
تحياتي
اشيائك قفليها كويس و اتاكدي من سلامة وضعها في الصناديق بطريقة محكمة بحيث ما تتكسر لو فيها اغراض زجاجية لانهم راح يدخلوا لك من باب اخر و هو انهم يفتحوا عفشك و يقفلوه بطريقتهم عشان لا يتكسر عليهم شي و لو اتكسر يتحملوا المسئوليه و هذا طبعا راح يكلفك و كل شي بيرفع السعر سواء ورق او نايلون او لصق الخ. و خلي صحبتك هي اللي تتكلم و تبعت الاغراض بإسمها وربنا يسهل عليكم. و شوفي التكلفة اول لا تقرري انك تتصرفي في كل العفش بثمن بخس و قليل و بعدها المهم خذيه و الباقي الله يعوض عليكم فيه.
تحياتي
E
Eng Rayan Harasani
:: مسافر ::